1 Sam 20:32 - BAEBOLO ANZƐƐ BULUKU NWUANZANWUANZA

³² Dwɔnatan bizale ɔ ze kɛ, “Duzu ati bɔbɔ yɛɛ ɔwɔ kɛ ɛku Devidi a? Duzu bɔbɔ yɛɛ yeyɛ a?”

1 Sam 20:32 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 31:36

Akee Gyekɔbo vale ɛya na ɔhwile Leeban anyunlu; ɔzele ye kɛ, “Duzu ɛtane a meyɛ a? Duzu munzule yɛɛ mebɔ, mɔɔ yemɔti wɔvoa me ndinlizo a?

Mrɛlɛbulɛ Buluku ne 22:24

Mmafa sonla mɔɔ ye ahonle bikye ye la agɔnwolɛ, yɛɛ ɛ nee sonla mɔɔ fa ɛya mgbane mgbane la mmatu,

Nolo 7:9

Mmafa ɛya ndɛndɛ, ɔluakɛ koasea a fa ɛya sie ye nu a.

Nolo 9:3

Awieleɛ ko ne ala a wɔ ɛkɛ maa bɛ muala a, na ɛhye noko le munzule mɔɔ ka debie biala mɔɔ wɔ aleɛabo la. Sumunli kenle ala mɔɔ sonla de ngoane nu la, ɛtane nee ɛzɛlɛsɛm ɛyi bɛ adwenle tɛkɛɛ. Bɛyɛ ɛhye mɔ na bɛwu.

Gyɛlɛmaya Buluku ne 17:9

“Ahonle le mɛlɛbɛla tɛla debie biala, yezɛkye yebo zolɛ; nwane a kɛhola kɛde ɔ bo a?

Edwɛkpa ne kɛmɔ Mateyu hɛlɛle la 27:23

Paelɛte bizale bɛ kɛ, “Kɛmɔti ɛ, duzu ɛtane a yeyɛ a?” Na bɛdeɛdeanle nuhua kpole kɛ, “Bɔ ye meanubaka nu!”

Edwɛkpa ne kɛmɔ Luku hɛlɛle la 23:22

Paelɛte hanle ye fane nsa ne azo hilele bɛ kɛ, “Na duzu ɛtane a nrenya ye ɛyɛ a? Mennwu debie biala mɔɔ yeyɛ mɔɔ fɛta ewule a. Yemɔti memaa bɛabila ye mbaka na meagyakyi ye.”

Dw 7:51

“Yɛ mɛla ne kile kɛ saa yɛtɛtele sonla anloa anu edwɛkɛ, yɛtɛnwunle mɔɔ yeyɛ la a, yɛmbu ye ewule fɔlɛ.”

1 Sam 18:11

Ɔvale adwenle kɛ, “Mebɛtɛ Devidi wɔ bane ne anwo.” Yemɔti ɔdole atwɛ ne fane nwiɔ na Devidi yele ɔ nwo ɛkɛ fane nwiɔ ne.

1 Sam 19:4

Dwɔnatan hanvole Devidi hilele ɔ ze kɛ, “Nana, mmafa ɛ sa ɛka wɔ sonvolɛ Devidi, ɔboalekɛ ɔtɛyɛle ɛtane biala ɔtɛtiale wɔ. Debie biala mɔɔ ɔyɛle la, ɔvale ɔzonlenle wɔ.

1 Sam 19:5

Ɔvale ye ngoane ɔdole nzeleba ɔhunle Golayate, na Ɛdɛnkɛma lile konim manle Yizilayɛma kɔsɔɔti. Ɛnwunle ye la, ɛlile fɛlɛko, na duzu ati bɔbɔ yɛɛ akee ɛkpondɛ kɛ ɛku Devidi mgbane gyɛne ne ala, ɛka mogya mɔɔ ɛnli fɔlɛ la ɛgua ɛ?”

1 Sam 20:1

Devidi vi Naeyo mɔɔ wɔ Releema la nriandile hɔle Dwɔnatan anwo lɔ. Ɔbizale ye kɛ, “Duzu a meyɛ a? Duzu fɔlɛ a medi a? Duzu ɛtane a meyɛ metia ɛ ze mɔɔ yemɔti ɔlɛkpondɛ me yeahu me a?”

1 Sam 20:7

Saa ɔkponle zolɛ a, ɛnee ɔkile kɛ melɛ ngoane. Saa ɔfa ɛya a ɛnee ɔkile kɛ yezi pi kɛ ɔku me.

1 Sam 22:14

Ahemɛlɛke buale belemgbunli ne kɛ, “Wɔ wɔ sonvolɛma kɔsɔɔti anu, nwane bɔbɔ yɛɛ di nɔhalɛ nee Devidi, ɛ ra raalɛ ne ɔ hu ne mɔɔ le sinzavolɛma kpanyinli, na bɛdi ye eni kpole wɔ wɔ suakunlu ɛke la sɛ a?