1 Sam 20:30 - BAEBOLO ANZƐƐ BULUKU NWUANZANWUANZA

³⁰ Sɔɔlo vale Dwɔnatan anwo ɛya kpole na ɔyɛle ye aholoba kɛ, “Raalɛ kpamgbanvolɛ ra! Menwu ye wienyi kɛ wɔva ɛ nwo wɔbɔnle Devidi na ɛlɛgua ɛdawɔ nee ɛ nli sonlamgbane ne bɛ nyunlu aze.

1 Sam 20:30 ပူးပေါင်းရင်းမြစ်များ

Dwobu Buluku ne 5:2

Nɔhalɛ, ɛya ku koasea, yɛɛ anyebolo ku kɔnwɔne.

Mrɛlɛbulɛ Buluku ne 14:29

Sonla mɔɔ ɔkyɛ na yeava ɛya la ndelebɛbo le kpole, na mɔɔ ɛngyɛ na ye ahonle afutu la maa ye koaseayɛlɛ yɛ kpole.

Mrɛlɛbulɛ Buluku ne 15:2

Nrɛlɛbɛvolɛ anloa edwɛkɛ maa adwenle, na koasea ka ngoaseasɛm.

Mrɛlɛbulɛ Buluku ne 19:12

Belemgbunli fa ɛya a ɔle kɛ awenade mɔɔ ɛlɛkpo la, noko ye nyeleyɛlɛ le kɛ ɛbɔlɛ mɔɔ ɛdɔ ndile zo la.

Mrɛlɛbulɛ Buluku ne 19:19

Sonla mɔɔ fa ɛya mgbole la nwu ɔ bo aleɛ, ɔluakɛ saa ɛdie ye ɛfi munzule ko anu a, eza ɛbalie ye wɔavi bieko anu.

Mrɛlɛbulɛ Buluku ne 21:24

Sonla mɔɔ memaa ɔ nwo zo, tu ɔ nloa anu, na ɔyɛ ye debie adubɛnwo nu la, ye duma a le “Agolobɛnwo!”

Mrɛlɛbulɛ Buluku ne 25:28

Sonla mɔɔ ɛngola ɔ nwo zo komo la le kɛ suakpole mɔɔ bɛbubu nwolɛ bane ne amuala bɛgua la.

Mrɛlɛbulɛ Buluku ne 27:3

Bolɛ yɛ ɛnlomboɛ yɛɛ ɛnwea yɛ ɛnlomboɛ, na koasea ahyihanlɛ yɛ ɛnlomboɛ tɛla bɛ mu nwiɔ.

Edwɛkpa ne kɛmɔ Mateyu hɛlɛle la 5:22

Mame, mese: Awie biala mɔɔ kɛva ɔ diema anwo ɛya la bɛkɛbua ye ewule fɔlɛ. Mɔɔ kɛyɛ ɔ diema aholoba la bɛ nee ye kɛhɔ nyianu sua nu mgbanyima ayia ne anyunlu; na mɔɔ kɛze ɔ diema kɛ, ‘Ɛle koasea!’ la, ɛva ɔ nwo ɛdo ɛbolɔ senle nu.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:31

Bɛye sipe nee ɛkpɔlɛ nee ɛya biala bɛgua. Bɛmmadi butule anzɛɛ bɛmmayɛ aholoba. Bɛye atiakunlu ɛtane biala bɛgua.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:4

Selɛma, bɛmmaka bɛ mra ɛya; bɛtete bɛ na bɛhilehile bɛ, kɛmɔ Awulae kpondɛ la.

1 Sam 20:29

Ɔse, ‘Maa me adenle maa mengɔ, ɔluakɛ yɛ abusua ne ɛlɛbɔ azu, na me mediema ne mɔ ɛhɛla me kɛ membɛla. Yemɔti, saa mezɔ ɛ nye a, ɛnee maa mengɔnwu bɛ.’ Ɛhye ati a ɔnle belemgbunli ɛvoyialilɛ ye abo a.”

1 Sam 20:31

Nwu ye wienyi kɛ, sumunli kenle ala mɔɔ Devidi de ngoane nu la, ɛnrɛnyia belemgbunli ɛnrɛli ye ɛlɛ wɔ maanle ɛhye anu. Maa bɛhɔva ye bɛrɛla ndɛndɛ na menye ye zo!”