1 Sam 20:27 - BAEBOLO ANZƐƐ BULUKU NWUANZANWUANZA

²⁷ Siane Fofolɛ Ɛvoyia ne kenle mɔɔ tɔ zolɛ nwiɔ la ɛkponledolɛ ne abo, Devidi ebia ne eza dɔle mgbane. Na Sɔɔlo bizale ɔ ra Dwɔnatan kɛ, “Duzu ati a anoma nee ɛnɛ, Gyɛsi ara Devidi amba ɛkponledolɛ ye bie a?”

1 Sam 20:27 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 13:55

Tɛ kapentanli ne ara nrenya ne ɛ? Tɛ ɔ nli a le Mɛle, yɛɛ tɛ ɔ mediema mrenya a le Gyemise, Dwosefi, Saemɔn, yɛɛ Dwudase?

1 Pit 2:4

Bɛrɛla Awulae ɛkɛ. Yemɔ a ɔle Tease Bolɛ ne mɔɔ ewiade amra kpole ye kɛ ɔle debie mgbane na Nyamenle noko ɛkpa nu ɛye ye kɛ ɔle bolɛ mɔɔ anwo hyia la a.

1 Sam 18:11

Ɔvale adwenle kɛ, “Mebɛtɛ Devidi wɔ bane ne anwo.” Yemɔti ɔdole atwɛ ne fane nwiɔ na Devidi yele ɔ nwo ɛkɛ fane nwiɔ ne.

1 Sam 19:15

Sonvolɛma ne hɔbɔle Sɔɔlo amaneɛ, na ɔzele bɛ kɛ, “Bɛhɔdwu ye nee ye ɛsokpa ne amuala bɛrɛlɛ me bɛmaa mengu ye.”

1 Sam 20:26

Kenle ko ne Sɔɔlo anga ɛhwee, ɔdwenlenle kɛ edwɛkɛ bie mɔɔ ɛmmaa Devidi anwo ɛnde la ɛzi ɔ nwo zo.

1 Sam 20:28

Dwɔnatan buale Sɔɔlo kɛ, “Devidi zɛlɛle me adenle kɛ ɔkɔ Bɛtelɛhɛm.

1 Sam 20:5

Devidi zele Dwɔnatan kɛ, “Ɛhyema le Siane Fofolɛ Ɛvoyia na ɔnle kɛ ɔkpa me ti. Ɔwɔ kɛ mekɔ belemgbunli sua nu me nee ye kɔkpula yɛ sa. Na saa ɔyɛ wɔ ɛhulolɛ a, ɛnee maa me adenle maa menriandi mengɔnvea fienemgbole ne anu lɔ toonwo kenle nsa ne azo nɔsolɛ nu.

1 Sam 25:10

Neebale zele Devidi soanvolɛma ne mɔ kɛ, “Devidi! Yemɔ a le nwane? Gyɛsi ara nrenya a le nwane? Metɛtele ye duma bɔbɔ ɛlɛ. Kenle nsa ye, sonvolɛma dɔɔnwo vi bɛ menle mɔ anwo ɛnriandi.