1 Sam 20:2 - BAEBOLO ANZƐƐ BULUKU NWUANZANWUANZA

² Dwɔnatan buale ye kɛ, “Nyamenle ɛkpa ɛgua; ɛnrɛwu. Nea, egya ɛnrɛyɛ debie biala, kpole o, ekyi o, wɔ mekɛ mɔɔ ɔtɛfetele zolɛ ɔtɛkilele me la. Na duzu ati yɛɛ ɔwɔ kɛ egya fea me edwɛkɛ nu a? Ɔnle nɔhalɛ.”

1 Sam 20:2 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 44:7

Na bɛzele ye kɛ, “Duzu ati a yɛmenle kɛraha edwɛkɛ zɛhae kɛhile yɛ ɛ? Ɔkɛbɔ yɛ tɔ kɛ wɔ sonvolɛma, yɛkɛbɔ ɛbɛla mɔɔ le zɛhae a.

Edwɛndolɛ Buluku ne 40:6

Ɛmkpondɛ azubɔlɛ nee azubɔdeɛ; noko wɔmaa me ɛnzonlɛ kɛ menva mendie wɔ. Ɛyelalɛ azubɔdeɛ nee ɛtane azubɔdeɛ, wɔamkpondɛ ɛhye mɔ biala.

Mrɛlɛbulɛ Buluku ne 29:24

Sonla mɔɔ nee awule tu la kyi ɔdaye mumua ne ye ngoane; ɔte amowa ne, noko ɔngola ɔnga nɔhalɛ ne.

Ayezaya Buluku ne 50:5

Awulae Nyamenle ɛbuke me nzo, yɛɛ meande ɔ nwo atua, meangakyi me nzi meanzi ye.

Edwɛkpa ne kɛmɔ Luku hɛlɛle la 20:16

Ɔkɛrahu abunsama ne mɔ amuala, na ɔkɛva ɛya ne ɔkɛwula abunsama fofolɛ asa anu.” Menli ne mɔ dele ɛhye la, bɛzele kɛ, “Kyɛkyɛ, ɔnrɛyɛ ye zɔhane.”

Dw 15:15

Menvɛlɛ bɛ sonvolɛma bieko, ɔboalekɛ sonvolɛ biala ɛnze mɔɔ ɔ menle ne ɛlɛyɛ la. Mefɛlɛ bɛ me gɔnwo mɔ, ɔboalekɛ mɔɔ mendele ye wɔ Egya ɛkɛ ne la meha ye kpokpoti mehile bɛ.

Dw 17:8

Nrɛlaleɛ mɔɔ ɛvale ɛmanle me la, meva memaa bɛ, yɛɛ bɛzɔ nu noko; bɛze kɛ ɔle nɔhalɛ kɛ mevi ɛ nwo lɔ a membale a, yɛɛ bɛdie bɛdi kɛ ɛdawɔ a ɛzoanle me a.

Dwɔhyua Buluku ne 22:29

Nɔhalɛ, yɛnrɛhola yɛnrɛzi azukponle kɛ yɛfa yɛayela ninyɛne wɔ zolɛ yɛabɔ azu anzɛɛ yɛabɔ aleɛnyianlɛ anzɛɛ agɔnwolɛyɛlɛ azu na yɛakpo Ɛdɛnkɛma anzɛɛ yɛagyakyi ye ɛdoalɛ. Yɛnrɛzi azukponle gyɛne biala yɛnrɛmaa Ɛdɛnkɛma yɛ Nyamenle ne, kyesɛ mɔɔ gyi Ɛzonlenlɛ Ndanlɛ Sua ne anyunlu la ala.”

Dwɔhyua Buluku ne 24:16

Yizilayɛma ne buale kɛ, “Yɛnrɛgyakyi Ɛdɛnkɛma yɛnrɛzonle awozonle fee!

1 Sam 14:45

Na menli ne zele Sɔɔlo kɛ, “Ɛmaa bɛahu Dwɔnatan mɔɔ ɛli konim kpole ɛhye ɛmaa Yizilayɛma la ɔ? Nyamenle ɛkpa ɛgua. Yɛka tease Ɛdɛnkɛma kɛ, ɔ ti enrinli ko bɔbɔ ɛnrɛde ɛnrɛdɔ aze ɛlɛ. Mɔɔ ɔyɛle ɛnɛ la, Nyamenle ɔ.” Yemɔti menli ne liele Dwɔnatan ngoane.

1 Sam 20:1

Devidi vi Naeyo mɔɔ wɔ Releema la nriandile hɔle Dwɔnatan anwo lɔ. Ɔbizale ye kɛ, “Duzu a meyɛ a? Duzu fɔlɛ a medi a? Duzu ɛtane a meyɛ metia ɛ ze mɔɔ yemɔti ɔlɛkpondɛ me yeahu me a?”

1 Sam 20:12

Akee Dwɔnatan zele Devidi kɛ, “ Ɛdɛnkɛma, Yizilayɛ Nyamenle ne ɛli yɛ daselɛ. Ɛhyema bekezɛ anzɛɛ ye alehyenlɛ nu bekezɛ ala me nee egya badendɛ. Saa ɔlɛ ɛ nwo adwenle kpalɛ a, mebado wɔ nrɛlaleɛ.

1 Sam 20:3

Devidi buale kɛ, “Ɛ ze ze ye wienyi kɛ ɛkulo me edwɛkɛ, yemɔti yedwenle nwolɛ kɛ, ‘Menrɛmaa Dwɔnatan ɛnrɛde nwolɛ bie, anrɛɛ ɔkɛli nyane.’ Na nɔhalɛ nu, meka Ɛdɛnkɛma nee ɛdawɔ kɛ me ngoane mɔɔ ɛha la le ezinra zɛhae.”

1 Sam 9:15

Kenle mɔɔ aleɛ kye a Sɔɔlo kɛra la, Ɛdɛnkɛma yele hilele Samoɛle kɛ,