1 Sam 20:16 - BAEBOLO ANZƐƐ BULUKU NWUANZANWUANZA

¹⁶ maa ɛwɔkɛ mɔɔ yɛbɔ yɛ nwo la anu ɛmia. Saa ɛmaa agɔnwolɛyɛlɛ ne tete a, Ɛdɛnkɛma ɛdua wɔ kakɛ.”

1 Sam 20:16 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 15:18

Na kenle ko ne Ɛdɛnkɛma nee Ebilam yɛle ngyekyeleɛ. Ɛdɛnkɛma zele Ebilam kɛ, “Meva azɛlɛ ɛhye memaa ɛ bo zo amra. Azɛlɛ ne vi Yigyibiti ɛweɛne zo kɔdwu Azukpole Yufileti ne anloa.

2 Sam 21:8

na ɔvale Eyiya ara raalɛ Relezepa amra mrenya nwiɔ ne mɔɔ ɔ nee Sɔɔlo wole bɛ la, Amonae nee Mɛfebɔhyɛte; eza ɔvale Sɔɔlo ara raalɛ Melabe amra mrenya nnu ne, mɔɔ ɔ nee Bazeleeyae mɔɔ vi Mɛhola la ara nrenya Ɛdeleyɛle wole bɛ la

Gyɛlɛmaya Buluku ne 40:9

Hyeefan anlɔnra Gɛdalaya, Ahaekam ara nrenya ne hakyele bɛ nee bɛ menli ne mɔ kɛ, “Bɛmmasulo kɛ bɛkɛzonle Babeloniama. Bɛdɛnla maanle ye anu, bɛzonle Babelonia belemgbunli ne na ɔkɛyɛ boɛ ɔkɛmaa bɛ.

Mɛla 23:21

“Saa bɛbɔ Ɛdɛnkɛma bɛ Nyamenle ne ɛwɔkɛ a, bɛmmatwenlehwenle bɛ bo aze wɔ ye ɛdualɛ nu, ɔluakɛ kɛ ɔkɛyɛ biala la, Ɛdɛnkɛma bɛ Nyamenle ne balie avi bɛ ɛkɛ, yɛɛ eza ɔle ɛtane bɔbɔ ɔmaa bɛ.

Dwɔhyua Buluku ne 22:23

Saa yɛdule Ɛdɛnkɛma anloa yɛdole yɛɛ yɛzi yɛdayɛ yɛ ti anwo azukponle mɔɔ yɛyela azubɔdeɛ wɔ zolɛ anzɛɛ yɛfa yɛabɔ aleɛ ɛnyianlɛ anzɛɛ agɔnwolɛyɛlɛ azu a, ɛnee Ɛdɛnkɛma ɔdaye ɔdua yɛ kakɛ.

1 Sam 18:3

Dwɔnatan nee Devidi yɛle agɔnwolɛyɛlɛ ngyekyeleɛ, ɔluakɛ ɛnee ɔkulo Devidi kɛ ɔdaye ɔ nwo la.

1 Sam 20:42

Na Dwɔnatan zele Devidi kɛ, “Kɔ anzonudwolɛ nu; sumunli kenle ala mɔɔ yɛ mu nwiɔ yɛkyekye na yɛli amonle wɔ Ɛdɛnkɛma anyunlu la, Ɛdɛnkɛma ɔdaye ɔbanlea kɛ ɛdawɔ nee medame, ɛ bo zo amra nee me bo zo amra bali ɛwɔkɛ ne azo dahuu.” Devidi vale ɔ ti bɔle nu, na Dwɔnatan ɔdaye ɔziale ɔhɔle sua nu.

1 Sam 22:8

mɔɔ yemɔti bɛ muala bɛbɔ kpɔkɛ kɛ bɛko bɛatia me a? Bɛ nuhua biala ɛngola ɛnga ɛngile me kɛ me kunlu ralɛ nrenya nee Gyɛsi ara ne ɛva me nwo adwenle. Me edwɛkɛ ɛngyia bɛ nuhua biala la ati, bɛngola bɛnyɛ me anzote bɔbɔ kɛ me ra ne ɛli ɛwula me sonvolɛ Devidi kɛ ɔzia me ɔhu me toonwo a yeradwu ɛnɛ a.”

1 Sam 23:18

Na bɛ mu nwiɔ bɛvale Ɛdɛnkɛma bɛbɔle bɛ nwo ɛwɔkɛ kɛ bɛkɛyɛ mediema dahuu. Devidi woale Hɔlɛhye, na Dwɔnatan ziale hɔle sua nu.

1 Sam 25:22

Menli zɔhane mɔ, saa meangu bɛ meambɔ bɛ bo zo kolaa na maanle nu atete a, Nyamenle ɛhu me.”

1 Sam 25:26

Ɛdɛnkɛma a ɛhwe wɔ ɛzia mɔɔ yeammaa wɔanli nzenralɛ wɔangu wɔ kpɔvolɛma a. Meka tease Ɛdɛnkɛma kɛ wɔ kpɔvolɛma nee awie biala mɔɔ kulo kɛ ɔsɛkye wɔ la, bɛbadua bɛ kakɛ kɛ bɛdua Neebale la.

1 Sam 31:2

Filisitiama voanle bɛ hɔhyele bɛ na bɛhunle Sɔɔlo amra mrenya nsa ne, Dwɔnatan, Abenadabe, yɛɛ Malekehyua.