1 Sam 2:8 - BAEBOLO ANZƐƐ BULUKU NWUANZANWUANZA

⁸ Ɔye ehyianvolɛma ɔfi bɛ nyane nu, ɔye anwunvɔnema ɔfi bɛ amaneɛnwunlɛ nu. Ɔyɛ bɛ arelemgbunli agɔnwo mɔ na ɔmaa bɛdi bɛ eni dɔɔnwo. Azɛlɛ ye adiabo ne le Ɛdɛnkɛma ɛdeɛ; zolɛ yɛɛ yezie ewiade a.

1 Sam 2:8 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 41:14

Belemgbunli ne zoanle manle bɛhɔvale Dwosefi ndɛndɛ zo wɔ efiade ne bɛrale. Ɔkpale ɔ kɛsa, ɔbiale, ɔhakyile ye adɛladeɛ mɔɔ ɔwula la, na akee ɔhɔle belemgbunli anyunlu.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 41:40

Ɛbanlea me sua nu ɛke, na me menli ne amuala bayɛ tieyɛ amaa wɔ. Edwɛkɛ biala mɔɔ ɛkɛha la bɛbali zolɛ. Debie mɔɔ mefa metɛla wɔ la a le me belemgbunli ebia ne mɔɔ mede zolɛ la.”

2 Sam 7:8

“Yemɔti ka kile me sonvolɛ Devidi kɛ, medame Tumivolɛ Ɛdɛnkɛma mese, ‘Menyele wɔ menvile mboane ɛnleanlɛ zo wɔ fiene ne anu kɛ ɛrali me menli Yizilayɛma belemgbunli;

1 Arl 16:2

“Ɛdawɔ Beeyahya, anrɛɛ awie ɛnze wɔ. Noko memkpogyale wɔ zo menvale wɔ menziele me menli Yizilayɛma belemgbunli. Na kɛkala, wɔva Gyɛlɔbowam agyakɛ wɔmaa me menli Yizilayɛma ɛyɛ ɛtane ɛtia me.

2 Arl 9:6

Yemɔti Gyihu dwazole na ɔ nee ye hɔle sua ne anu. Kpavolɛ ne wolale nwole toba ko ne guale ɔ ti zo na ɔzele ye kɛ, “Ɛdɛnkɛma, Yizilayɛ Nyamenle ne se, ‘Meyɛ wɔ Yizilayɛ belemgbunli kɛ ɛzie Ɛdɛnkɛma menli ne.

Dwobu Buluku ne 1:21

Ɔse, “Meanva bie meamba na mekɔ a meava bie meahɔ. Ɛdɛnkɛma a vale manle me a, yɛɛ Ɛdɛnkɛma a ɛlie ye debie a. Ayɛlɛyelɛ ɛha Ɛdɛnkɛma duma ne.”

Dwobu Buluku ne 2:8

Dwobu hɔdɛnlanle fovolɛ zo yɛɛ ɔfa foandɛkɛ ɔfonvoa ɔ nwo a.

Edwɛndolɛ Buluku ne 102:25

Mɔmoane yɛɛ ɛwulale azɛlɛ ye adiabo aze a, yɛɛ anwumaneamra le ɛ sa anloa gyima.

Edwɛndolɛ Buluku ne 104:5

Ɛdawɔ yɛɛ ɛwulale azɛlɛ ye adiabo ne mɔ a, amaa bɛangola ye kpusu.

Edwɛndolɛ Buluku ne 107:41

Ɔye bɛdabɛ mɔɔ bɛhyia la nyane nu, na ɔmaa bɛ nwo so kɛ nyɛmoa.

Edwɛndolɛ Buluku ne 24:2

Ɔwulale ye adiabo ne wɔ nyevile buma nu, na ɔkyekyele ye wɔ nzule ne mɔ azo.

Edwɛndolɛ Buluku ne 75:3

Saa azɛlɛ kpusu, maa abɔdeɛ muala kpusu a, medame a mesɔ ye memaa ɔgyinla kpundii a.

Edwɛndolɛ Buluku ne 75:4

Meka mekile adubɛnwonli ne kɛ, ‘Gyakyi adubɛnwo,’ na mese amumuyɛnli ne kɛ, ‘Mmaka mgbole,

Edwɛndolɛ Buluku ne 75:7

Nyamenle ala a bua ndɛne a, ɔbɛlɛ bie aze, ɔmaa bie zo.

Ayezaya Buluku ne 22:23

Mebakpɔnla ye kɛ sika wɔ ɛleka kpalɛ, na ɔbayɛ anyunlunyia kpole yeamaa ɔ ze awuke nu amra.

Daneɛle Buluku ne 2:48

Akee Belemgbunli Nɛbukadenɛza lile Daneɛle eni kpole kpalɛ na ɔmanle ye gyinlabelɛ kpole, ɔhyɛle ye ninyɛne mgbole. Ɔyɛle Daneɛle Babelɔn maanle ne amɛnlado na ɔyɛle ye nrɛlɛbɛvolɛma mɔɔ wɔ Babelɔn la kɔsɔɔti kpanyinli.

Daneɛle Buluku ne 4:17

Nyamenle soanvolɛma ne mɔɔ sinza la anloa edwɛkɛ ɛne. Ɔle kpɔkɛ mɔɔ nwuanzanwuanzama ne ɛbɔ, amaa menli kɔsɔɔti anwu kɛ Anwuma Anwumanli ne lɛ tumi wɔ ewiade belemgbunlililɛ zo, yɛɛ ɔfa ɔmaa awie biala mɔɔ ɔkulo la, ɔnvane nwolɛ kɛ ahenle le koahweabane bɔbɔ.’

Daneɛle Buluku ne 6:3

Daneɛle yɛle gyima dɛlale mgbanyima mɔɔ ɛha la nee amɛnladoma ne mɔ amuala, ɔboalekɛ sunsum kpalɛ wɔ ye nu. Yemɔti belemgbunli ne yɛle kɛ ɔmaa yeazie maanle ne kɔsɔɔti.

Kɛlata mɔɔ bɛhɛlɛle bɛhɔmanle Hibuluma la 1:3

Gyisɛse kile kɛ Nyamenle anyunlunyia ne wienyi kpole si de la. Ɔle Nyamenle ɛsaso bɔkɔɔ, yɛɛ ɔfa ye tumi edwɛkɛ ne a ɔsɔ ewiade a. Ɔliele ɛtanefakyɛ ɔmanle sonla na ɔwiele la, ɔhɔle anwuma ɔhɔdɛnlanle Tumivolɛ Nyamenle Bedevinli ne asa fema zo.

Gyemise Kɛlata ne 2:5

Me mediema kulovolɛma, bɛdie! Bɛdabɛ mɔɔ bɛle ehyianvolɛma wɔ aleɛabo la, bɛmɛ a Nyamenle ɛkpa nu ɛye bɛ, ɛyɛ bɛ diedi nu sukoavolɛma na bɛnyia Nyamenle belemgbunlililɛ ne, mɔɔ yeva yebɔ ɛwɔkɛ yemaa bɛdabɛ mɔɔ bɛkulo ye la a.

Yekile 1:6

na yeyɛ yɛ arelemgbunli nee sɛlɛvolɛma kɛ yɛzonle ye Nyamenle Selɛ ne. Anyunlunyia nee tumi ɛyɛ ye ɛdeɛ dahuu! Amen.

Yekile 22:5

Aleɛ ɛndwo ko wɔ ɛkɛ, yɛɛ bɛngyia kɛnlaneɛ anzɛɛ ewia nwo wɔ ɛkɛ, ɔluakɛ Awulae Nyamenle ne a le bɛ kɛnlaneɛ a, na bɛbali belemgbunli mekɛ mɔɔ ɛnlɛ awieleɛ.

Yekile 3:21

Mɔɔ kɛli konim la, mebamaa ye adenle meamaa yearadɛnla me nwo ɛkɛ ne wɔ me belemgbunli ebia ne azo, kɛmɔ meli konim na mede Egya anwo ɛkɛ ne wɔ ye belemgbunli ebia ne azo la.

Yekile 5:10

Wɔmaa bɛyɛ arelemgbunli nee Nyamenle sɛlɛvolɛma na bɛbali arelemgbunli wɔ azɛlɛ ye azo.”

1 Sam 15:17

Na Samoɛle zele ye kɛ, “Ɛdawɔ mumua ne ɛmbu ɛ nwo bie, noko wɔmɔ yɛɛ ɛgyi Yizilayɛ mbusua ekpunli ekpunli ne mɔ ati a. Ɛdɛnkɛma ziele wɔ Yizilayɛ belemgbunli,