1 Sam 2:7 - BAEBOLO ANZƐƐ BULUKU NWUANZANWUANZA

⁷ Ɔmaa bie mɔ di ehyia na bie mɔ nyia bɛ nwo, ɔbɛlɛ bie mɔ aze na ɔkpogya bie mɔ zo.

1 Sam 2:7 ပူးပေါင်းရင်းမြစ်များ

2 Arl 9:6

Yemɔti Gyihu dwazole na ɔ nee ye hɔle sua ne anu. Kpavolɛ ne wolale nwole toba ko ne guale ɔ ti zo na ɔzele ye kɛ, “Ɛdɛnkɛma, Yizilayɛ Nyamenle ne se, ‘Meyɛ wɔ Yizilayɛ belemgbunli kɛ ɛzie Ɛdɛnkɛma menli ne.

1 Edk 29:12

Anwonyia nee ezukoa kɔsɔɔti vi wɔ ɛkɛ; ɛfa wɔ anwosesebɛ nee tumi ɛsie debie biala. Ɛkola ɛmaa awie nyia anwosesebɛ na ɔyɛ kpole.

2 Edk 32:27

Belemgbunli Hɛzikaya nyianle ɔ nwo kpole kpalɛ, yɛɛ eza ɔnyianle ɔ nyunlu. Akee ɔhyehyɛle gya ngakyile mɔɔ ɔfa ye dwɛtɛ fufule, ezukoa nvutuke, nee mgbɔba ɔsiezie nu a, ko biala nee ye gya; akee asolo ninyɛne evuanlɛ sua, bɛ sa nu enyinlike sua, yɛɛ ahyɛnze ngakyile mɔɔ awolɛ yɛ se la sua.

2 Edk 32:29

Eza noko ɔkyekyele azuamgbole mɔɔ le ye ɛdeɛ, na nlankɛ nee mboane ɛdeɛ bɛnga. Nyamenle manle ɔnyianle ɔ nwo kpole kpalɛ.

Dwobu Buluku ne 1:21

Ɔse, “Meanva bie meamba na mekɔ a meava bie meahɔ. Ɛdɛnkɛma a vale manle me a, yɛɛ Ɛdɛnkɛma a ɛlie ye debie a. Ayɛlɛyelɛ ɛha Ɛdɛnkɛma duma ne.”

Dwobu Buluku ne 40:12

Bɛlɛ awie biala mɔɔ le mgbanyizonle la aze, na tietia amumuyɛma anwo zo wɔ ɛleka biala mɔɔ bɛwɔ la.

Dwobu Buluku ne 5:11

Ɔmaa bɛlɛvoma zo, na ɔye nyanelilɛma ɔfi nyane nu.

Edwɛndolɛ Buluku ne 75:7

Nyamenle ala a bua ndɛne a, ɔbɛlɛ bie aze, ɔmaa bie zo.

Edwɛndolɛ Buluku ne 75:8

Ɔluakɛ Ɛdɛnkɛma lɛ kɔpo ɔ sa nu, ɔlɛ nwanye mɔɔ ɛwie be na ɔlɛwu awubue la wɔ nu; ɔbawola ekyi bie yeagua, na azɛlɛ ye azo amumuyɛma banlo ɔ muala.

Mrɛlɛbulɛ Buluku ne 22:2

Sukoavolɛma nee ehyianvolɛma bɔ nu yia; Ɛdɛnkɛma a bɔle bɛ muala a.

Ayezaya Buluku ne 2:12

Ɔluakɛ Tumivolɛ Ɛdɛnkɛma lɛ ye mekɛ mɔɔ ɔbava ɔ nee bɛdabɛ mɔɔ bɛmemaa bɛ nwo zo bɛyɛ mgbolede, yɛɛ bɛdabɛ mɔɔ bɛlɛ tumi la bali yeaha bɛ aze fɛɛnye a.

Gyɛlɛmaya Buluku ne 49:15

Bɛnlea, mebamaa bɛayɛ ekyi wɔ maanle maanle avinli, na menli akpo bɛ.

Yizikeɛle Buluku ne 17:24

Mbaka mɔɔ wɔ azɛlɛ ne azo la amuala banwu kɛ medame a mele Ɛdɛnkɛma a. Meka mbaka ndendenle aze, na memaa mbaka nzinrenzinra nyi ndendenle. Memaa mbaka amolɛ kyengye, na memaa mbaka wulera yɛ amolɛ. Medame Ɛdɛnkɛma a mese a; mebayɛ mɔɔ meha kɛ meyɛ la.”

Gyemise Kɛlata ne 4:10

Bɛbɛlɛ bɛ nwo aze wɔ Awulae anyunlu, na ɔkɛmaa bɛ zo.