1 Sam 2:6 - BAEBOLO ANZƐƐ BULUKU NWUANZANWUANZA

⁶ Ɛdɛnkɛma a ku a yɛɛ ɔdaye a ɔmaa ngoane a; ɔmaa menli kɔ mɔwuamra sua zo, na ɔfa bɛ ɔsia ɔba file zo.

1 Sam 2:6 ပူးပေါင်းရင်းမြစ်များ

1 Arl 17:22

Ɛdɛnkɛma diele Yilaegya nzɛlɛlɛ, kakula ne liele ɛnwomenle na ɔdwazole.

2 Arl 5:7

Yizilayɛ belemgbunli ne asa hanle kɛlata ne na ɔgengale la, nyane ngome manle ɔsuosuanle ye tɛladeɛ ne mɔɔ ɔwula la anu na ɔzele kɛ, “Na mele Nyamenle ɔ, mɔɔ mekola meku sonla eza metunwue ye mɔɔ yemɔti, bɛva nrenya ɛhye bɛrɛlɛ me kɛ menyɛ ye kokobɛ ayile a? Ɛhye kile kɛ konle ala yɛɛ ɔfa yearadoa me a.”

Dwobu Buluku ne 5:18

Ɔluakɛ ɔbo wɔ a, ɔsia ɔdwu wɔ, yɛɛ ɔtea wɔ a, ɔfa wɔ ɔbɔ ye ɛbolɛ.

Edwɛndolɛ Buluku ne 116:3

Ewule ngane lile me bɔyia; Ɛbolɔ mbowule sosɔle me; menwunle nyane nee abodelɛ.

Edwɛndolɛ Buluku ne 30:4

O bɛmɛ Nyamenle menli, bɛdo edwɛne bɛye Ɛdɛnkɛma ayɛlɛ, na bɛyɛ ye mo.

Edwɛndolɛ Buluku ne 68:20

Yɛ Nyamenle ne le ngoanelielɛ Nyamenle; na yɛ Awulae Nyamenle ne ati, yɛɛ yɛkola yɛnriandi ewule a.

Edwɛndolɛ Buluku ne 71:20

Ɛdawɔ mɔɔ wɔmaa menwu amaneɛ mgbole ɛhye mɔ la, ɛbakpogya me zo bieko wɔavi ɛbɛla kuma nu, saa mewɔ azɛlɛ kuma bo bɔbɔ a, ɛbaye me wɔavinde bieko.

Nolo 3:3

mekɛ mɔɔ bɛku, yɛɛ mekɛ mɔɔ bɛyɛ ayile; mekɛ mɔɔ bɛbubu bɛgua aze, yɛɛ mekɛ mɔɔ bɛsi;

Ayezaya Buluku ne 26:19

Mɔwuamra bara ngoane nu, bɛbava bɛ nwonane ne bɛadwazo. O bɛmɛ mɔwuamra, bɛdunwue na bɛva anyelielɛ bɛdo edwɛne! Ɔluakɛ Ɛdɛnkɛma ɛbɔlɛ mɔɔ tɔ bɛ nwo zo la le wienyi, na ɔbada mɔwuamra anwo zo.

Yizikeɛle Buluku ne 37:12

Zɔhane ati ka Nyamenle nrɛlaleɛ ne na se bɛ kɛ Awulae Nyamenle ne se: O me menli, bɛnlea, mebabukebuke bɛ nla ne mɔ, meadwazo bɛ meavi bɛ nla ne mɔ anu, na me nee bɛ ahɔ sua nu wɔ Yizilayɛ azɛlɛ zo.

Yizikeɛle Buluku ne 37:3

Na ɔbizale me kɛ, “Sonla ra, asoo mbowule ɛhye mɔ kola nyia ngoane?” Membuale kɛ, “O Awulae Nyamenle, ɛdawɔ yɛɛ ɛze a.”

Edwɛkpa ne kɛmɔ Mateyu hɛlɛle la 12:40

Kɛmɔ Dwona lile ewiazo nee nɔɔzo kenle nsa wɔ nyevizonle ne akunlu la, zɔhane ala yɛɛ medame, Sonla Ra, mebali ewiazo nee nɔɔzo kenle nsa wɔ azɛlɛ ti anu a.

Dw 11:25

Gyisɛse zele ye kɛ, “Mame a mele ewudwazo ne nee ngoane ne a. Mɔɔ kɛlie me kɛli la, saa ɔwu bɔbɔ a ɔkɛnyia ngoane;

Mɛla 32:39

“Kɛkala, bɛnwu ye kɛ medame ala a mele Nyamenle a, nyamenle bieko ɛnle ɛkɛ kɛ me ngome. Medame a meku, memaa ngoane a, meboda eza meyɛ ayile a. Awie ɛngola ɛnlie debie wɔ me sa nu.

Yekile 1:18

Mame a mele teasenli ne a. Menwule, na kɛkala mede aze dahuu. Melɛ Ewule nee Ɛbolɔ sanvɛ ne.

1 Sam 20:3

Devidi buale kɛ, “Ɛ ze ze ye wienyi kɛ ɛkulo me edwɛkɛ, yemɔti yedwenle nwolɛ kɛ, ‘Menrɛmaa Dwɔnatan ɛnrɛde nwolɛ bie, anrɛɛ ɔkɛli nyane.’ Na nɔhalɛ nu, meka Ɛdɛnkɛma nee ɛdawɔ kɛ me ngoane mɔɔ ɛha la le ezinra zɛhae.”