1 Sam 2:5 - BAEBOLO ANZƐƐ BULUKU NWUANZANWUANZA

⁵ Menli mɔɔ anrɛɛ lɛ ye di la ɛnɛ di ɛkpa na bɛali, menli mɔɔ ɛhɔne ku bɛ la ɛnɛ ɛnzu ɛhɔne. Mota raalɛ ne ɛwo awoba nsuu, na mɔɔ ɛwo somaa la asa ɛhondo aze.

1 Sam 2:5 ပူးပေါင်းရင်းမြစ်များ

Edwɛndolɛ Buluku ne 113:9

Ɔmaa mɔɔ anwo ralɛ la nyia awuke, ɔyɛ ngakula dɔɔnwo bɛ nli anyelielɛ nu. Bɛye Ɛdɛnkɛma ayɛlɛ!

Edwɛndolɛ Buluku ne 34:10

Awenade ngakula bɔbɔ kyia na ɛhɔne ku bɛ, noko bɛdabɛ mɔɔ bɛkpondɛ Ɛdɛnkɛma abo zo la ɛngyia debie kpalɛ biala anwo.

Ayezaya Buluku ne 33:9

Azɛlɛ ne ɛdɔ mgbane, awie ɛnle zolɛ; Lɛbanɔn mbaka ɛgyengye. Hyɛlɔn mbɔnza azɛlɛ ngɛnlɛma ne mɔ ɛhakyi ɛsɛlɛ, yɛɛ mbaka mɔɔ wɔ Beehyan nee Kamɛle Boka la nya ɛwie kpolo gua.

Ayezaya Buluku ne 54:1

Ɛdɛnkɛma se, “O motanli mɔɔ anwo ralɛ a, to edwɛne; to edwɛne na maa ɛ ne ɛhɔ anwuma, wɔmɔ mɔɔ ɛtɛtele awolɛ nyane ɛlɛ a! Ɔluakɛ raalɛ ne mɔɔ bɛkpo ye la amra bazo dɔɔnwo adɛla raalɛ ne mɔɔ de agyalɛ ne abo la. Medame Ɛdɛnkɛma a mese a.

Gyɛlɛmaya Buluku ne 15:9

Raalɛ ne mɔɔ wole mralɛ nsuu la, nyane ngome ɛmaa ɔ nye zo ɛbulu. Ye sɛnzɛne lunle ewia henlema, bɛbɔ ye anyiemgba, bɛgua ɔ nyunlu aze. Mebamaa bɛ kpɔvolɛma ahu bɛdabɛ mɔɔ bɛha la. Medame Ɛdɛnkɛma a mese a.”

Edwɛkpa ne kɛmɔ Luku hɛlɛle la 1:53

Yemaa bɛdabɛ mɔɔ ɛhɔne ɛlɛku bɛ la ninyɛne kpalɛ yemaa bɛ ko ɛyi, na yeye sukoavolɛma ali yemaa bɛlɛ bɛ sa mgbane.

Edwɛkpa ne kɛmɔ Luku hɛlɛle la 16:25

“Na Ebileham zele ye kɛ, ‘Me ra, kakye kɛ mekɛ mɔɔ ɛde aze la ɛnyianle ɛbɛla nu ninyɛne kpalɛ ngome, yɛɛ Lazalɛse nyianle ninyɛne ɛtane ngome. Na kɛkala, wɔ ɛke, ɔ rɛle ɛkyekye, yɛɛ wɔmɔ ɛlɛnwu amaneɛ a.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:27

Nyamenle Edwɛkɛ ne se, “Wɔmɔ raalɛ mɔɔ ɛtɛwole ɛlɛ a, wɔmɔ mɔɔ ɛtɛtele awolɛ nyane ɛlɛ a, di fɛlɛko, maa ɛ nye ɛlie, ɔluakɛ raalɛ ne mɔɔ bɛkpole ye la, lɛ mralɛ dɔɔnwo tɛla raalɛ ne mɔɔ lɛ agyalɛ mumua ne la.”

Wulu 4:15

Ɛ ra ne aye ne mɔɔ kulo wɔ la ɛyɛ mɔɔ hyia wɔ tɛla mralɛ mrenya nsuu bɔbɔ la ɛmaa wɔ. Kɛkala yemaa wɔ ralɛ nrenya mɔɔ bamaa wɔ sua nu ayɛ gbudugbudu na yeazɔ wɔ, wɔ wɔ mrelera nu a.”

1 Sam 1:20

Yemɔti yeangyɛ biala yɛɛ Hana vale ɛkolɛ a; ɔwole ralɛ nrenya na bɛdonle ye Samoɛle, ɔluakɛ Hana se, “Menzɛlɛle ye Ɛdɛnkɛma ɛkɛ.”

1 Sam 1:6

Dahuu ɔ hola Pɛnena si ye amgbu na ɔfa ye mota ɔse ye, ɔluakɛ Ɛdɛnkɛma ammaa yeannyia ɛkolɛ yeanwo ralɛ.