1 Sam 2:4 - BAEBOLO ANZƐƐ BULUKU NWUANZANWUANZA

⁴ Anwosesebɛ ɛda ne mɔ ɛbubu, menli mɔɔ le bɛtɛɛ la nyia anwosesebɛ dahuu.

1 Sam 2:4 ပူးပေါင်းရင်းမြစ်များ

Edwɛndolɛ Buluku ne 18:39

Ɛmanle me konle nu anwosesebɛ; ɛmanle menlile me kpɔvolɛma anwo zo konim.

Edwɛndolɛ Buluku ne 37:15

bɛ dadeɛ bawɔ bɛ ngome bɛ ahonle nu, yɛɛ bɛ ɛda ne mɔ babubu.

Edwɛndolɛ Buluku ne 37:17

Ɔluakɛ bɛbabubu amumuyɛma asa; na Ɛdɛnkɛma bazɔ tenlenema nu.

Edwɛndolɛ Buluku ne 46:10

Ɔse: “Bɛgyinla diinyi, na bɛnwu kɛ medame a mele Nyamenle a. Mebo maanle maanle kɔsɔɔti anwo zo, mebo ewiade amuala anwo zo.”

Edwɛndolɛ Buluku ne 46:9

Ɔmaa bɛgyakyi konle wɔ azɛlɛ ye amuala azo; ɔbubu ɛda nee atwɛ ne mɔ, ɔfa senle ɔyela konle ehwili ne mɔ!

Edwɛndolɛ Buluku ne 76:3

Ɛkɛ ne a ɔbubule kpɔvolɛma ne ɛda ne mɔ, bɛ enyinlike, konle dadeɛ nee konle ninyɛne muala a.

Ayezaya Buluku ne 10:4

Bɛyɛ bɛ nwo ɛhwee a ɔnrɛyɛ boɛ, kyesɛ bɛboka menli mɔɔ bɛhye bɛ nuokɛ la anwo anzɛɛ bɛboka bɛdabɛ mɔɔ bɛhu bɛ la anwo. Ɛhye mɔ anzi, Ɛdɛnkɛma ɛya ne ɛnrɛdwo; ɔbahɔ zolɛ yeadenrɛ ɔ sa yeadea bɛ.

Ayezaya Buluku ne 40:29

Ɔmaa mɔɔ anye zo ɛbulu la anwo gyinla ye, ɔmaa mɔɔ ɛnlɛ anwosesebɛ la anwosesebɛ.

Gyɛlɛmaya Buluku ne 37:10

Saa kanza bɔbɔ bɛfo Babeloniama anwo zo, bɛbɔ bɛ bo zo, na ɔka menli mɔɔ ɛbodɛboda gua azua nu la a, bɛbadwazo bɛava senle bɛarayela suakpole ye. Medame Ɛdɛnkɛma a mese a.”

Gyɛlɛmaya Buluku ne 51:56

ɔluakɛ sɛkyevolɛ ɛra Babelɔn anwo zo. Bɛhye ye ɛlɔnema nuokɛ, bɛbubu bɛ ɛda ne mɔ anu, ɔluakɛ medame Ɛdɛnkɛma, mele Nyamenle mɔɔ metua ɛtane nwo kakɛ a, mebadea Babelonia kɛmɔ ɔfɛta la.

2 Kɔl 12:9

Na ɔbuale me kɛ, “Me ɛlolɛ ne le kpalɛ maa wɔ, ɔluakɛ me tumi ne anu yɛ se maa wɔ kpalɛ kpalɛ wɔ mekɛ mɔɔ ɛkɛyɛ bɛtɛɛ la.” Yemɔti medi fɛlɛko kpole kpalɛ na metu me nwo wɔ me bɛtɛɛyɛlɛ nwo, amaa Kelaese tumi ne aheda me nwo zo.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:14

Zɔhane ati bɛziezie bɛ nwo bɛzie, bɛva nɔhalɛ bɛyɛ akyeso bɛhye; bɛva pɛlepɛlelilɛ bɛyɛ bulalɛ enyinlike bɛbutu bɛ kɛnra azo

Pɔɔlo Kɛlata mɔɔ ɔhɛlɛle ɔhɔmanle Felepaema la 4:13

Ɔlua anwosesebɛ ne mɔɔ Kelaese fa maa me la ati, mekola megyinla ninyɛne muala anloa.

Kɛlata mɔɔ bɛhɛlɛle bɛhɔmanle Hibuluma la 11:32

Boni bieko a menga a? Ɔluakɛ saa meka kɛ mekɔ zolɛ meaha menli mɔɔ le kɛ Gedɛyɔn, Bɛlake, Samesɛn, Gyɛfeta, Devidi, Samoɛle, yɛɛ Nyamenle kpɔmanvolɛma ne mɔ anwo edwɛkɛ a mekɛ kɛbɔ me. 1 Arl 2.11; 1 Sam 1.1—25.1

Kɛlata mɔɔ bɛhɛlɛle bɛhɔmanle Hibuluma la 11:34

bɛnluanle sendɔlɔra, yɛɛ bɛango bɛandɔ. Ɛnee bɛle bɛtɛɛ, noko bɛ nwo yɛle se; bɛ nwo yɛle ɛzulolɛ wɔ konle nu na bɛmanle nyɛvolɛ ɛlɔnema guale ndwɛlɛ aze.