1 Sam 2:30 - BAEBOLO ANZƐƐ BULUKU NWUANZANWUANZA

³⁰ Zɔhane ati, medame, Yizilayɛ Ɛdɛnkɛma Nyamenle, mese: membɔle ɛwɔkɛ kɛ wɔ abusua ne nee ɛ bo zo amra bayɛ me sɛlɛvolɛma dahuu ɛdeɛ na kɛkala, mese wɔ kɛ ɔnrɛyɛ zɔhane bieko. Mebali menli mɔɔ di me eni la eni; na menrɛbu bɛdabɛ mɔɔ bɛkpo me la ɛhwee.

1 Sam 2:30 ပူးပေါင်းရင်းမြစ်များ

1 Arl 11:11

Ɛdɛnkɛma zele Sɔlɔmɔn kɛ, “Kɛmɔ wɔandie me ne na ɛdawɔ ɛ nye fuu wɔbulu me ngyekyeleɛ nee me mɛla mɔɔ meva memaa wɔ la azo la ati, mebalie me maanle ne ɛ sa nu na meava meamaa wɔ sonvolɛma ne mɔ bie.

1 Arl 2:27

Ɛhye ati Sɔlɔmɔn yele Abayata gyima nu kɛ ɔnle Ɛdɛnkɛma sɛlɛvolɛ bieko. Ɔyɛle ɛhye, amaa Ɛdɛnkɛma edwɛkɛ ne mɔɔ ɔhanle wɔ Yilae abusua ne anwo wɔ Hyaelo la ayɛ nɔhalɛ.

1 Edk 17:18

Duzu edwɛkɛ bɔbɔ yɛɛ akee menga a. Ɛze me kpalɛ kpalɛ, yɛɛ eza dahuu ɛbu wɔ sonvolɛ ye bie.

2 Edk 15:2

Na ɔhɔyiale Belemgbunli Esa na ɔzele ye kɛ, “Wɔmɔ Esa, yɛɛ Dwudama nee Bɛngyamanema amuala, bɛdie me. Ɛdɛnkɛma nee bɛ lua, kɛmɔ bɛ nee ye lua la. Saa bɛkpondɛ ɔ bo zo a, bɛkɛnwu ye, na saa bɛkpo ye a, ɔbakpo bɛ.

2 Edk 26:18

bɛhɔduale belemgbunli ne adenle na bɛzele ye kɛ, “Tɛ wɔmɔ, Ɛzaya, yɛɛ ɔwɔ kɛ ɛkpu ɛyɛlɛ ɛbɔ azu ɛmaa Ɛdɛnkɛma a. Sɛlɛvolɛma mɔɔ le Aalɔn nlɔnra ne mɔ mɔɔ bɛmɛ a bɛdu bɛ bɛmaa Ɛdɛnkɛma la yɛɛ ɔwɔ kɛ kpu ɛyɛlɛ ne wɔ ɛyɛlɛ azukponle ne azo a. Ɛvi ɛleka nwuanzanwuanza ye finde, ɔluakɛ wɔyɛ ɛtane, yemɔti mɔɔ ɛlɛyɛ la ɛnrɛzɔ Ɛdɛnkɛma Nyamenle ne anye.”

Edwɛndolɛ Buluku ne 18:20

Ɛdɛnkɛma lole me, wɔ me pɛlepɛlelilɛ ti, me sa anwo bɔkɔbɔkɔ ti, ɔlole me,

Edwɛndolɛ Buluku ne 18:26

Ɛ nwo te maa menli mɔɔ anwo te la, na ɛyɛ kokonyinli wɔ maamɔvoma anwo zo.

Edwɛndolɛ Buluku ne 50:23

Mɔɔ kɛva moyɛlɛ kɛra kɛ ye azubɔdeɛ la di me eni; mɔɔ kɛva adenle kpalɛ zo la, mebahile ye Nyamenle ngoanelielɛ ne!”

Edwɛndolɛ Buluku ne 73:20

Bɛle kɛ sonla mɔɔ kɛlafe kɛdunwue la ɛlalɛ, ɔtunwue a ɛmbu ye ɛlalɛ ne bie.

Edwɛndolɛ Buluku ne 91:14

Kɛmɔ ɔbeta me ɛhulolɛ nu la ati, mebalie ye; mebawowa ye, ɔboalekɛ ɔze me duma.

Edwɛndolɛ Buluku ne 91:15

Saa ɔfɛlɛ me a, mebalie ye zo; saa ɔkɔ ngyegyelɛ nu a, mebabikye ye, mebalie ye na meali ye eni.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 28:43

Kenle biala mɔɔ Aalɔn nee ɔ mra mrenya ne mɔ ɛlɛba me nyunlu wɔ Ndanlɛ Sua ne anu anzɛɛ bɛlɛkɔ azukponle ne anwo wɔ Ɛleka Nwuanzanwuanza ne bɛahɔyɛ bɛ sɛlɛvolɛ gyima ne la, ɔwɔ kɛ bɛwula zɔhane adɛladeɛ ne mɔ, anrɛɛ bɛkɛli ɛzonle na bɛkɛwu. Ɛhye le mɛla mɔɔ wɔ ɛkɛ ne dahuu maa Aalɔn nee ɔ bo zo amra a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 29:9

wɔava akyeso ne mɔ wɔahye bɛ nze zo na wɔazoa bɛ ahyɛlɛ. Ɛnee kɛ ɛbazi wɔawula Aalɔn nee ɔ mra mrenya ne mɔ sɛlɛvolɛ la ɛne. Ɔwɔ kɛ bɛdabɛ nee bɛ bo zo amra sonle me kɛ sɛlɛvolɛma wɔ mekɛ mɔɔ ɛnlɛ awieleɛ.

Mrɛlɛbulɛ Buluku ne 12:8

Sonla adwenle kpalɛ yɛɛ bɛfa bɛkanvo ye a, na sonla mɔɔ ye adwenle ɛnle kpalɛ la, bɛkpo ye.

Mrɛlɛbulɛ Buluku ne 4:8

Kulo nrɛlɛbɛ, na ɔbamaa wɔayɛ sonlakpole; die ye ɛ sa amu nwiɔ, na ɔbamaa wɔanyia ɛ nyunlu.

Mrɛlɛbulɛ Buluku ne 8:17

Mekulo bɛdabɛ mɔɔ bɛkulo me la, yɛɛ bɛdabɛ mɔɔ bɛ nye bolo bɛkpondɛ me la nwu me.

Ayezaya Buluku ne 29:13

Awulae zele kɛ, “Kɛmɔ menli ɛhye mɔ fa bɛ nloa mgbane a twe bikye me, bɛdi me eni na bɛ ahonle ɛmbikye me, yɛɛ bɛ ɛzulolɛ mɔɔ bɛsulo me la le menli mɛla mɔɔ ɛli la azolilɛ, na bɛzukoa bɛgua bɛ ti anu ala la,

Gyɛlɛmaya Buluku ne 29:32

medame Ɛdɛnkɛma, mebadea Nihɛlamenli Hyɛmaya nee ɔ bo zo amra. Ɔ nwo sonla ɛnrɛdɛnla aze na ɔ nye anwu kɛ mebazi meamaa me menli ne akpazi la, ɔboalekɛ yeha yehile menli ne kɛ bɛde me nwo atua. Medame Ɛdɛnkɛma a mese a.’ ”

Gyɛlɛmaya Buluku ne 49:15

Bɛnlea, mebamaa bɛayɛ ekyi wɔ maanle maanle avinli, na menli akpo bɛ.

Yizikeɛle Buluku ne 34:10

Kɛ medame, Awulae Nyamenle mese la ɛne: Bɛnlea, mekpo mboaneneavolɛma ne, na mebabiza bɛ mealie me mboane ne mɔ, na meamaa bɛagyakyi me mboane ne ɛyɛnelɛ. Bɛnrɛli bɛ ngome bɛ nwo adane bieko. Mebalie me mboane ne meavi bɛ nloa anu, amaa yeanyɛ aleɛ yeammaa bɛ.

Daneɛle Buluku ne 4:34

“Ɛvolɛ nsuu ne dwule la, medame Nɛbukadenɛza, mendole me nye anwomanyunlu, na me nye rale me nwo zo. Menyele Anwuma Anwumanli ne ayɛlɛ na menyeyɛle teasenli ne menlile ye eni kɛ: “Ye belemgbunlililɛ ɛnrɛbɔ aze ɛlɛ, ye belemgbunlililɛ vi awolɛndoazo dwu awolɛndoazo.

Malakae Buluku ne 1:6

Tumivolɛ Ɛdɛnkɛma biza bɛ kɛ, “Ralɛ di ɔ ze eni yɛɛ akɛlɛ di ɔ menle eni. Na saa mele bɛ ze a, ɛnee eni mɔɔ bɛdi me la a le boni? Yɛɛ saa mele bɛ menle a, ɛnee ɛzulolɛ mɔɔ bɛsulo me la wɔ nienwu? Bɛmɛ sɛlɛvolɛma bɔbɔ yɛɛ bɛsɛkye me duma a. Noko bɛmɛ bɛbiza kɛ, ‘Ɛnee kɛ yɛzi yɛzɛkye wɔ duma ɛ?’

Malakae Buluku ne 2:3

Mebahwi bɛ bo zo amra anyunlu, na meava bɛ azubɔlɛ nane ne mɔ ebinli meakpuda bɛ nyunlu, na meaye bɛ meavi me nye zo.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 11:20

na bɛbali toonwo siane mumua ko, toonwo yeavindevinde bɛ bonyi nu, mɔɔ nzinlii bɛnwu ye bɔbɔ a ɛnee ɔyɛ ayahanlɛ a. Ɛhye bazi, ɔboalekɛ bɛkpo medame, Ɛdɛnkɛma mɔɔ mede bɛ avinli la, na bɛzu bɛha kɛ, ‘Duzu ati bɔbɔ yɛɛ yɛvile Yigyibiti a?’ ”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 35:34

Azɛlɛ ne mɔɔ bɛde zolɛ la, bɛmmamaa evinli ka ye, ɔboalekɛ medame a mele Ɛdɛnkɛma a, yɛɛ mede me menli Yizilayɛma avinli.”

Dw 12:26

Awie mɔɔ kpondɛ kɛ ɔsonle me la ɔwɔ kɛ toa me bo zo, amaa ɛleka mɔɔ mewɔ la, me sonvolɛ ne ɔdaye yeara ɛkɛ ne, yɛɛ Egya bawula mɔɔ sonle me la anyunlunyia.

Dw 5:23

amaa menli kɔsɔɔti ali Ralɛ ne eni, kɛmɔ bɛdi Selɛ ne eni la. Awie biala mɔɔ ɛnli Ralɛ ne eni la, ɛnli Selɛ ne mɔɔ zoanle ye la eni.

Dw 5:44

Bɛkpondɛ kɛ bɛkanvo bɛ ngome bɛ nwo ngoko ngoko, na bɛmpele bɛnlie nganvolɛ bɛnvi Nyamenle kokye ne ɛkɛ ne, na ɛnee kɛ ɔkɛyɛ na bɛalie me bɛali ɛ?

Dw 8:49

Gyisɛse buale kɛ “Menlɛ ayɛne. Medi Egya eni, na bɛmɛ bɛngulo kɛ bɛdi me eni.

1 Kɔl 4:5

Yemɔti bɛmmabua awie biala ndɛne kɔkpula Kenle ne mɔɔ Awulae kɛra bieko la. Awieleɛ ndɛnebualɛ ne wɔ Awulae asa anu, yemɔ yɛɛ ɔbaraye ninyɛne mɔɔ vea awozinli nu nee ahonle nu nzuzulɛ muala yeavinde wienyi nu a. Zɔhane mekɛ ne awie biala asa baha ye moyɛlɛ mɔɔ fɛta la avi Nyamenle ɛkɛ.

1 Pit 1:7

Ninyɛne ɛhye mɔ wɔ ɛkɛ kɛ bɛfa bɛazɔ bɛ diedi bɛanlea saa ɔgyi kpundii a. Ezukoa nvutuke bɔbɔ mɔɔ sɛkye la, bɛfa senle a bɛnea kɛ ɔle kpalɛ a; zɔhane ala yɛɛ ɔwɔ kɛ bɛ diedi ne mɔɔ hyia tɛla ezukoa nvutuke la bɛsɔ ye bɛnea a, amaa yeava ayɛlɛyelɛ, anyunlunyia, yɛɛ enililɛ yearɛlɛ bɛ wɔ Kenle ne mɔɔ Gyisɛse bara la.

Maanlebuvolɛma Buluku ne 9:10

Mbaka ne mɔ hɔzele feege baka kɛ, ‘Bɛla bali yɛ belemgbunli.’