1 Sam 2:3 - BAEBOLO ANZƐƐ BULUKU NWUANZANWUANZA

³ Bɛmmaka mgbole ko; bɛmmatu bɛ nloa anu ko. Ɔluakɛ Ɛdɛnkɛma le Nyamenle mɔɔ ze debie biala a, ɔbu nyɛleɛ biala anwo mgbonda.

1 Sam 2:3 ပူးပေါင်းရင်းမြစ်များ

1 Arl 8:39

tie bɛ nzɛlɛlɛ wɔ anwuma lɔ, ɛleka mɔɔ ɛde la, fa bɛ ɛtane ne mɔ kyɛ bɛ na boa bɛ. Ɛ ngomekye yɛɛ ɛze ahonle nu a, yɛ maa awie biala, kɛmɔ bɛ nzɛlɛlɛ ne mɔ se la,

Dwobu Buluku ne 31:6

ɛnee Nyamenle ɛzuzu me wɔ nɔhalɛ tone zo, na ɔbanwu kɛ menze nwolɛ bie.

Edwɛndolɛ Buluku ne 147:5

Yɛ Ɛdɛnkɛma Nyamenle ne le kpole, yɛɛ ye tumi le kpole; ye ndelebɛbo, bɛnzuzu.

Edwɛndolɛ Buluku ne 17:10

Bɛnze anwunvɔne; bɛka mgbole.

Edwɛndolɛ Buluku ne 31:18

Maa adalɛma ɛdɔ mumule; mgbanyizonle nu bɛtendɛ mgbole bɛtia menli mɔɔ di pɛlepɛle la.

Edwɛndolɛ Buluku ne 44:21

asoo anrɛɛ Nyamenle ɛnrɛnwu ye ɔ? Ɔluakɛ ɔze ahonle muala anu.

Edwɛndolɛ Buluku ne 75:5

mmaka mgbole ɛmemaa ɛ nwo zo, anzɛɛ mmatwe ɛ kɔme ɛka mgbole’ ”

Edwɛndolɛ Buluku ne 94:4

Bɛka mgbole, amumuyɛma ɛhye mɔ, bɛtu bɛ nwo, bɛmemaa bɛ nwo zo.

Mrɛlɛbulɛ Buluku ne 16:2

Sonla adenle biala le fɔɔnwo wɔ ɔdaye ɔ nye zo, na Ɛdɛnkɛma, yemɔ ɔsɔ sunsum ne a ɔnea a.

Mrɛlɛbulɛ Buluku ne 24:12

Saa ɛka kɛ, “Bɛnlea, yɛnze ɛhye anwo ɛhwee” a, ɛnee ɔkile kɛ mɔɔ ze ahonle muala anu la noko ɛnze ɔ? Asoo mɔɔ nea ɛ nwo zo la ɛnze, yɛɛ ɔnrɛdua sonla kakɛ, kɛmɔ ye nyɛleɛ ne mɔ si de la ɔ?

Mrɛlɛbulɛ Buluku ne 8:13

Ɛdɛnkɛma ɛzulolɛ le ɛtane ɛhyilɛ. Mekyi adubɛnwo, mekyi mgbanyizonle, mekyi ɛdendɛlɛ adalɛ.

Ayezaya Buluku ne 26:7

Tenlenenli adenle la aze fɛɛnye; ɛyɛ tenlenenli adenle ne tonlotonlo.

Ayezaya Buluku ne 37:23

Nwane a wɔgolo ɔ nwo, wɔyɛ ye aholoba la? Nwane a wɔmaa ɛ nloa ɛdo ye na wɔholoholo ɛ nye wɔhile ye la? Wɔyɛ wɔtia medame Yizilayɛ Nwuanzanwuanza Ko ne!

Gyɛlɛmaya Buluku ne 17:10

Medame Ɛdɛnkɛma a meneɛnlea sonla adwenle nu na meneɛnlea ye ahonle nu a. Meboa awie biala, kɛmɔ ye ndenle ne mɔ de la, kɛmɔ ye nyɛleɛ ne si kɔ ye la.”

Yizikeɛle Buluku ne 35:13

Bɛmemanle bɛ nwo zo, bɛhehanle mgbole bɛtietiale me, na bɛhehanle edwɛkɛ dɔɔnwo bɛtietiale me. Mendele.

Daneɛle Buluku ne 4:37

“Akee kɛkala, medame Nɛbukadenɛza, mefa ayɛlɛyelɛ, enililɛ mewula Anwuma Belemgbunli ne anyunlunyia. Ɔluakɛ ye gyima kɔsɔɔti le kpalɛ, yɛɛ ye ndenle le fɔɔnwo, na bɛdabɛ mɔɔ bɛmemaa bɛ nwo zo la, ɔkola ɔbɛlɛ bɛ aze.”

Daneɛle Buluku ne 5:27

TIKƐLE, bɛzuzu wɔ wɔ tone nu bɛnwu kɛ ɛndo ɛhwee;

Malakae Buluku ne 3:13

Ɛdɛnkɛma se, “Bɛheha ɛtane ɛtane bɛtietia me! Noko bɛbiza kɛ, ‘Duzu edwɛkɛ a yɛha yɛtia wɔ a?’

Kɛlata mɔɔ bɛhɛlɛle bɛhɔmanle Hibuluma la 4:12

Nyamenle Edwɛkɛ ne gyi zo na ɔyɛ se, ɔyɛ nla ɔtɛla dadeɛ anye nwiɔ biala. Ɔpɛ to, ɔdua ɛkɛla nee sunsum ayia zo, ɔgya mbowule agbɔkɛ nee mbowule ɛnlome ɛweɛne na ɔfede adwenle nee ahonle nu ɔnwu bɛ nzuzulɛ muala.

Dwɔhyua Buluku ne 22:22

“Tumivolɛ Kokye ne ala a le Nyamenle a! Yemɔ a ɔle Ɛdɛnkɛma a! Tumivolɛ Kokye ne ala a le Nyamenle a! Yemɔ a ɔle Ɛdɛnkɛma a! Ɔze deɛ mɔɔ yemɔti yɛyɛle ɛhye la, na yɛmaa bɛdabɛ noko bɛanwu ye! Saa yɛanli nɔhalɛ yɛammaa Ɛdɛnkɛma na yɛhakyi yɛ nzi yɛzi ye, yɛde ɔ nwo atua a, ɛnee bɛhu yɛ!

Yekile 2:23

Eza menli mɔɔ li ɔ nzi la, mebahu bɛ muala na asɔnema ne amuala anwu kɛ medame a menwu sonla biala ati anu nee ye ahonle nu a. Me nee bɛ nuhua ko biala bali wɔ mɔɔ yeyɛ la anwo.

Maanlebuvolɛma Buluku ne 9:38

Akee Zibɛle zele ye kɛ, “Wɔ mgbole ne mɔɔ ɛka la wɔ nienwu? Tɛ wɔmɔ a ɛhanle kɛ, ‘Abemɛlɛke a le nwane, mɔɔ ɔwɔ kɛ yɛsonle ye la?’ Menli mɔɔ ɛgolole bɛ nwo la a ɛlɛba la. Finde tɛtɛlɛ nu lɔ ɛ nee bɛ ɛhɔho.”

1 Sam 16:7

Na Ɛdɛnkɛma zele ye kɛ, “Mmanea ɔ nyunlu anzɛɛ ye anyinlima ne anwo, ɔboalekɛ tɛ yemɔ yɛɛ meye ye a, ɔluakɛ mennea sonla kɛmɔ dasanli si nea ye la. Dasanli nea sonla ɛnyelɛ zo ala, na mame, menea sonla ahonle nu.”