1 Sam 2:29 - BAEBOLO ANZƐƐ BULUKU NWUANZANWUANZA

²⁹ Duzu ati yɛɛ bɛkɛyɛ adidikpoku wɔ azubɔlɛ nane nvɛyeba kpalɛ ne mɔ mɔɔ me menli ne kɛva kɛmaa me la anwo na ɛkɛli ɛ mra ne mɔ eni ɛkɛdɛla me a?

1 Sam 2:29 ပူးပေါင်းရင်းမြစ်များ

2 Arl 12:6

Noko mɔɔ Dwowahye lile ɛvolɛ abulanwiɔ nee nsa wɔ ebia ne azo la ɛnee sɛlɛvolɛma ne ɛtɛyɛle Ɛzonlenlɛ Sua ne anwo gyima biala.

Edwɛndolɛ Buluku ne 26:8

O Ɛdɛnkɛma, mekulo wɔ sua ne mɔɔ ɛde nu la, ɛleka mɔɔ wɔ anyunlunyia ne wɔ la.

Yizikeɛle Buluku ne 13:19

Bɛbɔ adalɛ bɛhile me menli ne mɔ mɔɔ kulo adalɛ la, bɛgua me nyunlu aze wɔ me menli ne anyunlu, bɛlie baale nee kpanwo, bɛhu menli mɔɔ ɔnle kɛ wu la, na bɛlie menli mɔɔ fɛta ewule la ngoane.

Yizikeɛle Buluku ne 34:10

Kɛ medame, Awulae Nyamenle mese la ɛne: Bɛnlea, mekpo mboaneneavolɛma ne, na mebabiza bɛ mealie me mboane ne mɔ, na meamaa bɛagyakyi me mboane ne ɛyɛnelɛ. Bɛnrɛli bɛ ngome bɛ nwo adane bieko. Mebalie me mboane ne meavi bɛ nloa anu, amaa yeanyɛ aleɛ yeammaa bɛ.

Yizikeɛle Buluku ne 34:2

Ɔse, “Sonla ra, ka Nyamenle nrɛlaleɛ ne kile Yizilayɛ mboaneneavolɛma ne. Ka Nyamenle nrɛlaleɛ ne kile bɛ kɛ, kɛ medame Awulae Nyamenle mese la ɛne: Bɛmɛ Yizilayɛ mboaneneavolɛma mɔɔ yɛne bɛdabɛ bɛ ngome bɛ nwo a, bɛwie! Asoo mboaneneavolɛ fa mboane kɔ adidi a, tɛ yemɔ yɛɛ ɔnea mboane ne mɔ ɔmaa bɛdidi a?

Hozia Buluku ne 4:8

Bɛdidi me menli ne ɛtane nwo, bɛyɛ adidikpoku wɔ me menli ne ɛtaneyɛlɛ nwo.

Sɛlɛ 19:15

“Ɔnle kɛ bɛbua mgbɔvodɛne. Ɔnle kɛ bɛbua bɛtia ehyianli na bɛbua bɛmaa sonlakpole. Bɛbua bɛ gɔnwo mɔ ndɛne wɔ adenle kpalɛ nu.

Maeka Buluku ne 3:5

Nyamenle kpɔmanvolɛma bɛlɛbɛla Nyamenle menli ne minli bɛ. Saa bɛnyia ye bɛdi a ɛnee bɛse, “Anzonudwolɛ!” Awie mɔɔ annyia bie ammaa bɛ la ɛnee bɛzo konle bɛdoa ye. Yemɔti kɛ Ɛdɛnkɛma se la ɛne,

Edwɛkpa ne kɛmɔ Mateyu hɛlɛle la 10:37

“Mɔɔ kulo ɔ ze anzɛɛ ɔ nli tɛla me la ɛnfɛta kɛ ɔkɛyɛ me ɛdoavolɛ, yɛɛ mɔɔ kulo ɔ ra nrenya anzɛɛ ɔ ra raalɛ tɛla me la ɛnfɛta kɛ ɔkɛyɛ me ɛdoavolɛ.

Edwɛkpa ne kɛmɔ Mateyu hɛlɛle la 22:16

Yemɔti bɛzoanle bɛ ɛdoavolɛma ne bie mɔ nee belemgbunli Hɛlɔdo asa zo ne mɔ bie wɔ Gyisɛse anwo ɛkɛ na bɛhɔbizale ye kɛ, “Kilehilevolɛ, yɛze kɛ wɔmɔ ɛka nɔhalɛ. Ɛkilehile Nyamenle adenle ne nɔhalɛ nu mɔɔ ɛndwenle mɔɔ menli ka la anwo a, ɔboalekɛ ɛnnea sonla nyunlu.

Edwɛkpa ne kɛmɔ Luku hɛlɛle la 14:26

“Awie biala mɔɔ ba me nwo arayɛ me ɛdoavolɛ, na yeangulo me edwɛkɛ yeandɛla ɔ ze nee ɔ nli, ɔ ye nee ɔ mra, ɔ mediema mrenya nee mraalɛ nee ɔdaye mumua ne ɔ nwo la ɛnrɛhola ɛnrɛyɛ me ɛdoavolɛ.

Wulo 16:18

Ɔluakɛ menli mɔɔ di zɛhae gyima la ɛnzonle yɛ Awulae Kelaese. Bɛsonle bɛdabɛ bɛ ngome bɛ atiakunluwɔzo ala. Bɛfa bɛ nloa anu fɛlɛko nee ɛsoabɔlɛ bɛsɛkye menli mɔɔ ɛnze nwolɛ bie la adwenle.

2 Kɔl 5:16

Ɛhye ati, ɔvi ɛnɛ mɔɔ kɔ la, yɛnnea awie biala anyunlu yɛmbua ndɛne. Saa mekɛ bie mɔɔ ɛze ɛhɔ la yɛbuale Kelaese ndɛne wɔ zɔhane adenle zo bɔbɔ a, ɛnɛ yɛnyɛ ye zɔhane bieko.

Mɛla 32:15

“Nyamenle menli ne hyenle yɛle kpukpotoloo, bɛyɛle mgbole mbelane tutoboo, bɛkpole bɛ Nyamenle ne mɔɔ bɔle bɛ la, na bɛkpole bɛ Ngoanelielɛ Bodane ne.

Mɛla 33:9

Bɛkpole bɛ ze mɔ nee bɛ nli mɔ, bɛzele bɛ kɛ bɛnze bɛ; bɛkpole mediema nee mralɛ, ɔluakɛ bɛlile wɔ mɛla zo, na bɛlile wɔ ngyekyeleɛ ne azo.

Gyemise Kɛlata ne 3:17

Nrɛlɛbɛ ne mɔɔ vi anwuma lɔ la anwo te, mɔɔ lumua la ɛne. Eza ɔle anzonudwolɛ, ɔka ɔ nwo aze, ɔlɛ ndelebɛbo; anwunvɔnezelɛ ɛyi ye tɛkɛɛ yɛɛ ɔso nyɛleɛ kpalɛ biala ma. Ɔndwenle adwenle ɛtane, yɛɛ ɔmbɔ adalɛ.

Dwɔhyua Buluku ne 18:1

Yizilayɛma honle vale azɛlɛ ne la, nzinlii bɛ muala bɛyiale Hyaelo na bɛzile Ɛdɛnkɛma Ɛzonlenlɛ Ndanlɛ Sua ne.

1 Sam 3:13

Melumua meha mehile ye kɛ mebadea ye abusua ne ndeanlɛ mɔɔ ɛnlɛ awieleɛ la, ɔboalekɛ ɔ mra ne mɔ dendɛle ɛtane tiale Nyamenle mɔɔ ɔdaye Yilae ɔze a, noko yeandua bɛ.