1 Sam 2:28 - BAEBOLO ANZƐƐ BULUKU NWUANZANWUANZA

²⁸ Menyele ye abusua ɛdeɛ ne menvile Yizilayɛ mbusua ekpunli ne mɔ amuala anu kɛ bɛmɛ yɛɛ bɛyɛ me sɛlɛvolɛma, bɛzonle wɔ azukponle ne anwo, bɛyela ɛyɛlɛ bɛbɔ azu na bɛwula Yifɔdo bɛrɛla me nyunlu a. Eza memanle bɛ adenle kɛ bɛva azukponle ne azo azubɔdeɛ ne mɔ mɔɔ Yizilayɛma kɛva kɛra la bie.

1 Sam 2:28 ပူးပေါင်းရင်းမြစ်များ

2 Sam 12:7

Neetan zele Devidi kɛ, “Sonla zɔhane, yemɔ a le ɛdawɔ. Na kɛ Ɛdɛnkɛma, Yizilayɛ Nyamenle ne se la ɛne: Menziele wɔ Yizilayɛ belemgbunli, menliele wɔ menvile Sɔɔlo asa anu;

2 Sam 6:14

Devidi wulale Nyamenlezonlenlɛ tɛladeɛ ne mɔɔ bɛfɛlɛ ye “Yifɔdo” la na ɔvale ye anwosesebɛ kɔsɔɔti ɔzile agole ɔwulale Ɛdɛnkɛma anyunlunyia.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 28:1

“Akee maa ɛ diema Aalɔn nee ɔ mra mrenya ne mɔ, Needabe, Abaehu, Ɛlieza, yɛɛ Yetamaa ɛbikye wɔ na ye bɛ fi Yizilayɛma avinli sie ahane, amaa bɛanyia adenle bɛazonle me kɛ me sɛlɛvolɛma.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 28:4

Adɛladeɛ mɔɔ bɛbabu la ɛne: akɛnrazo aguzo, ɛzonlenlɛ tɛladeɛ ne mɔɔ bɛfɛlɛ ye yifɔdo la, tɛladeɛ woladapi, anwuma tɛladeɛ mɔɔ bɛnwo ɔ nloa, abɔtile, yɛɛ tabule mɔɔ bɛfa bɛkye bɛ avinli la. Ɛhye mɔ a le adɛladeɛ nwuanzanwuanza mɔɔ ɔwɔ kɛ bɛbu bɛmaa ɛ diema Aalɔn nee ɔ mra mrenya ne mɔ bɛmaa bɛfa bɛsonle me kɛ me sɛlɛvolɛma a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 30:7

Saa nwonlomɔ biala Aalɔn ba kɛ ɔbayɛ ahɛnlaneɛ ne mɔ boɛ a, ɔwɔ kɛ ɔkpu ɛyɛlɛ evuanlɛ wɔ zolɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 30:8

Zɔhane ala yɛɛ saa nɔsolɛ ɔsosɔ ahɛnlaneɛ ne mɔ a, ɔwɔ kɛ ɔyɛ a. Ɔwɔ kɛ awolɛndoazo kɔsɔɔti kpu ɛyɛlɛ maa Ɛdɛnkɛma.

Sɛlɛ 2:10

Aleɛ ma azubɔdeɛ ne mɔɔ kɛha la le Aalɔn nee ɔ mra ne mɔ ɛdeɛ. Ɔle ma ɛyelalɛ azubɔdeɛ mɔɔ bɛva bɛmaa Ɛdɛnkɛma a, na nwolɛ te kpole kpalɛ.

Sɛlɛ 2:3

Esamo ne mɔɔ kɛha la le Aalɔn nee ɔ mra ne mɔ ɛdeɛ. Ɔle ɛyelalɛ azubɔdeɛ mɔɔ bɛva bɛmaa Ɛdɛnkɛma na nwolɛ te kpole kpalɛ a.

Sɛlɛ 6:16

Aalɔn nee ɔ mra mrenya ne mɔ bali mɔɔ kɛha la. Ɔnle kɛ bɛfa mgbɔvonle bɛwula nu na bɛali, yɛɛ ɔwɔ kɛ bɛdi ye ɛleka mɔɔ te la. Ɛdɛnkɛma Ndanlɛ Sua ne alie ne anwo a ɔwɔ kɛ bɛdi zɔhane aleɛ ne a.

Sɛlɛ 7:32

Ɔwɔ kɛ bɛfa nane ne ɛzɔlɛ fema ne mɔɔ bɛkɛdu la bɛmaa sɛlɛvolɛ ne kɛ azubɔdeɛ mɔɔ vi anzonudwolɛ azubɔdeɛ ne anu la.

Sɛlɛ 7:36

Ɛdɛnkɛma yɛle ye mɛla wɔ kenle mɔɔ bɛkpokpale bɛ nwole la kɛ ɔwɔ kɛ Yizilayɛma fa maa bɛ dahuu wɔ awolɛndoazo muala anu.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:5

ɔhanle ɔhilele Kɔla nee ɔ sa zo ne mɔ kɛ, “Ɛhyema nwonlomɔ Ɛdɛnkɛma bahile yɛ sonla holɛ ko mɔɔ le ye ɛdeɛ, na ɔle nwuanzanwuanza, na ɔkɛmaa ye adenle kɛ ɔbikye ye la; mɔɔ ɔdaye ɔkɛye ye la babikye ye.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 18:19

“Azubɔdeɛ nwuanzanwuanza biala mɔɔ sonle bolɛ, mɔɔ Yizilayɛma kɛva kɛmaa medame Ɛdɛnkɛma la, mefa memaa wɔ, ɛ mra mrenya nee ɛ mra mraalɛ kɛ ɔle bɛ ɛdeɛ dahuu. Ɛhye le ngyekyeleɛ mɔɔ me nee wɔ nee ɛ bo zo amra ɛkyekye mɔɔ bɛntulu ye ɛlɛ a.”

1 Sam 14:3

Sɛlɛvolɛ mɔɔ ɛnee yɛ gyima wɔ Hyaelo la a le Ayekabɔdo adiema nrenya Ahaetɛbe ara Ahaegya. Ahaetɛbe ɔ ze a le Fenɛhaze yɛɛ ɔ nlenya a le Yilae. Menli ne annwu kɛ Dwɔnatan ɛvi ɛkɛ ne ɛhɔ.

1 Sam 2:18

Kakula nrenya Samoɛle wulale “Lenen” ɛzonlenlɛ tɛladeɛ aguzo.