1 Sam 2:25 - BAEBOLO ANZƐƐ BULUKU NWUANZANWUANZA

²⁵ Saa sonla fo ɔ gɔnwo a, Nyamenle a di ɔ ti edwɛkɛ maa ye a, na saa sonla fo Ɛdɛnkɛma a ɛnee nwane a di ɔ ti mgbɔdalɛ a?” Noko Yilae amra ne mɔ andie bɛ ze aneɛ, ɔluakɛ ɛnee ɔle Ɛdɛnkɛma ɛhulolɛ kɛ ɔku bɛ.

1 Sam 2:25 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 38:10

Na mɔɔ ɔyɛle la anzɔ Ɛdɛnkɛma anye, na ɔhunle ɔdaye noko.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 38:7

Na Dwuda ara nrenya kpanyinli Ɛɛ le amumuyɛ, yemɔti Ɛdɛnkɛma hunle ye.

1 Arl 8:31

“Saa bɛ nee awie mɔ ba Ɛzonlenlɛ Sua ye anu azukponle ne anyunlu kɛ bie ɛyɛ ɛtane ɛtia ɔ gɔnwo na ɔbaza ɔ ne a,

1 Arl 8:32

tie bɛ wɔ anwuma lɔ, twe mɔɔ di fɔlɛ la anzo kɛmɔ ɔfɛta la, na yileyila mɔɔ di benle la.

2 Edk 10:15

Yemɔti belemgbunli andie menli ne mɔ edwɛkɛ biala, ɔluakɛ Nyamenle a hyehyɛle manle ɔrale ye zɔhane a, amaa Ɛdɛnkɛma edwɛkɛ ne mɔɔ ɔluale Nyamenle kpɔmanvolɛ Ahaegya mɔɔ vi Hyaelo la anwo zo ɔhanle ɔhilele Nibate ara Gyɛlɔbowam la ayɛ nɔhalɛ.

2 Edk 25:16

Na Amazaya zɔle Nyamenle kpɔmanvolɛ ne anloa na ɔbizale ye kɛ, “Na ɛdawɔ mumua ne, yɛva wɔ kɛ ɛdu belemgbunli folɛ ɔ? Gyakyi mɔɔ ɛlɛka la, na anrɛɛ menwɔmaa bɛkɛhu wɔ.” Nyamenle kpɔmanvolɛ ne zɔle menle, yeanga Nyamenle nrɛlaleɛ ne, noko ɔhanle kɛ, “Menwu kɛ Nyamenle ɛyɛ kɛ ɔsɛkye wɔ, ɛhye ati a wɔyɛ ɛhye na eza wɔandie me folɛdulɛ ne a.”

Dwobu Buluku ne 9:33

Kpɔdavolɛ biala ɛngyi yɛ avinli, mɔɔ kɛkpɔda yɛ mu nwiɔ a.

Edwɛndolɛ Buluku ne 51:16

Ɔluakɛ ɛ nye ɛnlie azubɔlɛ nwo; saa mefa ɛyelalɛ azubɔdeɛ bɔbɔ memaa wɔ a, ɛ nye ɛnrɛlie nwolɛ.

Edwɛndolɛ Buluku ne 51:4

Wɔmɔ ala yɛɛ mevo wɔ, na mebɔ munzule ɛbɛla ɛhye wɔ ɛ nyunlu a, amaa wɔ ndɛnebualɛ ayɛ fɔɔnwo na wɔanli ɛzonle wɔ wɔ ndɛnebualɛ nu.

Mrɛlɛbulɛ Buluku ne 13:1

Kakula nrɛlɛbɛvolɛ tie ɔ ze ngilehilelɛ, na mgbanyizonle biala ɛndie ahwibɛnyunlu.

Mrɛlɛbulɛ Buluku ne 15:10

Mɔɔ kpo adenle la, bɛtea ye kpole kpalɛ; mɔɔ kyi ndeanlɛ la bawu.

Mrɛlɛbulɛ Buluku ne 29:1

Sonla mɔɔ bɛtwi ɔ nyunlu a ɛnee anzosesebɛ ala a ɔyɛ la banwu ɔ nyunlu arɛlevilɛ nu mɔɔ ɔnrɛhola ɔ nloa gyinla a.

Nolo 3:3

mekɛ mɔɔ bɛku, yɛɛ mekɛ mɔɔ bɛyɛ ayile; mekɛ mɔɔ bɛbubu bɛgua aze, yɛɛ mekɛ mɔɔ bɛsi;

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 15:30

“Na awie biala, saa ɔle ekulomeni anzɛɛ ɛyɛvolɛ, na ɔ nye fuu anzosesebɛ nu ɔyɛ ɛtane a, ɛnee yedindi Ɛdɛnkɛma anyunlu. Ɔwɔ kɛ bɛku sonla zɔhane.

Mɛla 1:17

Bɛmmakyea bɛ nzo bɛdi edwɛkɛ anzɛɛ bɛmmadi bɛkɔ afoa. Bɛdie ahoahweabane nee mgbolema kɔsɔɔti na bɛli bɛ edwɛkɛ bɛmaa bɛ. Bɛmmasulo sonla yɛɛ bɛmmanea awie biala anyunlu, ɔluakɛ Nyamenle ɔdaye a ɔbabua ndɛne ne a. Edwɛkɛ biala mɔɔ kɛyɛ se kɛmaa bɛ, na bɛnrɛhola ye di la, bɛva bɛrɛlɛ me na menwɔli.’

Mɛla 2:30

“Na Hɛhyebɔn Belemgbunli Saehɔn amkponle kɛ ɔkɛmaa yɛkɛze ye azɛlɛ ne azo. Ɔluakɛ ɛnee Ɛdɛnkɛma bɛ Nyamenle ne ɛmaa yɛsolo na yeyɛ dapele, amaa yeaye ye yeamaa bɛ, kɛmɔ ɔde kɛkala la.

1 Tem 2:5

Nyamenle kokye a wɔ ɛkɛ a, yɛɛ pepɛdievolɛ kpɔdavolɛ ko a gyi Nyamenle nee sonla avinli a, yemɔ a le Kelaese Gyisɛse

Kɛlata mɔɔ bɛhɛlɛle bɛhɔmanle Hibuluma la 10:26

Ɔluakɛ kɛkala mɔɔ yɛnwu nɔhalɛ ne la, saa yɛ nye fuu yɛkɔ zolɛ yɛyɛ ɛtane a, azubɔlɛ bieko ɛnle ɛkɛ mɔɔ kɛhola kɛye yɛ ɛtane ne mɔ a.

Kɛlata mɔɔ bɛhɛlɛle bɛhɔmanle Hibuluma la 10:27

Ɛnee mɔɔ ɛha la a le kɛ yɛkɛva anwowozolɛ yɛkɛhendɛ Nyamenle Ndɛnebualɛ ne nee ye ɛya ne mɔɔ sɔ hulenyi kɛ senle mɔɔ bazɛkye bɛdabɛ mɔɔ bɛtia Nyamenle la.

Kɛlata mɔɔ bɛhɛlɛle bɛhɔmanle Hibuluma la 7:25

Ɛhye ati ɔkola kɛkala nee mekɛ biala ɔdie bɛdabɛ mɔɔ bɛdua ɔ nwo zo bɛba Nyamenle ɛkɛ ne la ngoane, ɔluakɛ ɔde aze na ɔdi bɛ ti mgbɔdalɛ wɔ Nyamenle ɛkɛ ne dahuu.

Dwɔhyua Buluku ne 11:20

Ɛdɛnkɛma a yɛle bɛ zɔhane manle bɛ nee Yizilayɛma honle, amaa ɔlua zo bɛabua bɛ fɔlɛ, bɛahu bɛ, bɛabɔ bɛ bo zo bɔkɔɔ mɔɔ anwunvɔnezelɛ biala ɛnle nu a. Kɛ Ɛdɛnkɛma zele Mosisi kɛ ɔyɛ la ɛne.

1 Sam 3:14

Zɔhane ati meka meka kɛ, Yilae abusua ne, azubɔlɛ anzɛɛ azubɔdeɛ biala ɛnrɛmaa ndeanlɛ mɔɔ la bɛ nwo zo la ɛnrɛzi aze ɛlɛ.”