1 Sam 2:24 - BAEBOLO ANZƐƐ BULUKU NWUANZANWUANZA

²⁴ Me mra, kyɛkyɛ, bɛgyakyi nyɛleɛ ɛhye. Ɔle munzule ɛbɛla, ɔle dumanzɛkyelɛ mɔɔ Ɛdɛnkɛma menli ne ɛlɛbɔ ye nolo wɔ bɛ avinli a.

1 Sam 2:24 ပူးပေါင်းရင်းမြစ်များ

1 Arl 15:26

Ɔvale ɔ ze agyakɛ, ye ɛbɛla anzɔ Ɛdɛnkɛma anye. Ɔmanle Yizilayɛma yɛle ɛtane ko ne ala mɔɔ ɔ ze manle bɛyɛle la bie.

1 Arl 15:30

Gyɛlɔbowam manle Ɛdɛnkɛma, Yizilayɛ Nyamenle ne vale ɛya wɔ ɛtane mɔɔ ɔdaye Gyɛlɔbowam ɔyɛle, na eza ɔmanle Yizilayɛma amuala yɛle bie la anwo. Ɛhye ati a bɛbɔle ɔ bo zo bɔkɔɔ a.

2 Arl 10:31

Noko Gyihu annea ɔ nwo boɛ, yeanli Ɛdɛnkɛma, Yizilayɛ Nyamenle ne mɛla ne azo nɔhalɛ nu, yeangyakyi ɛtane ne mɔ mɔɔ Gyɛlɔbowam yɛle a ɔmanle Yizilayɛma yɛle ɛtane la anzi ɛlilɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 32:21

Mosisi bizale Aalɔn kɛ, “Na duzu ɛweɛleɛ a menli ne vale yɛle wɔ mɔɔ yemɔti wɔmaa bɛyɛ ɛtane kpole ɛhye a?”

Malakae Buluku ne 2:8

“Noko bɛmɛ, bɛvi adenle ɛhye azo bɛye bɛ nwo yɛɛ bɛva bɛ ngilehilelɛ bɛmaa menli dɔɔnwo ɛdu koti; bɛtulu ngyekyeleɛ ne mɔɔ me nee Livae kyekyele la.

Edwɛkpa ne kɛmɔ Mateyu hɛlɛle la 18:7

Munzule ɛha aleɛabo amra kɛ ninyɛne mɔɔ maa sonla diedi kakyi la dɔɔnwo wɔ ewiade ye anu a! Kɛ ɔkɛyɛ biala la, zɛhae ngyegyelɛ ne mɔ bara, noko sonla ne mɔɔ ɔkɛlua ɔ nwo zo ɔkɛra la, ye gyakɔ!

Ɛzoanvolɛma Gyima ne 6:3

Yemɔti, ayi mɔ, bɛnlea na bɛye bɛ nuhua nsuu mɔɔ menli bu bɛ, mɔɔ Sunsum Nwuanzanwuanza ne wɔ bɛ nwo zo na bɛze nrɛlɛbɛ la bɛmaa yɛ, na yɛva bɛ yɛzie zɛhae gyima ye anloa,

2 Kɔl 6:8

Bɛdi yɛ eni yɛɛ bɛgua yɛ nyunlu aze; bɛbɔ yɛ aholoba yɛɛ bɛye yɛ ayɛlɛ. Bɛbu yɛ alanema, noko yɛdi nɔhalɛ;

1 Tem 3:7

Ɔwɔ kɛ ɔyɛ sonla mɔɔ bɛdabɛ mɔɔ bɛngɔ asɔne la di ye eni, amaa yeangua ɔ nyunlu aze, yeangɔndɔ Abɔnsam ɛhane nu.

2 Pit 2:18

Bɛtu bɛ nloa anu, bɛka edwɛkɛ mɔɔ nrɛlɛbɛ ɛnle nu la na bɛfa adwɔmanebɔlɛ atiakunluwɔzo bɛsɛkye bɛdabɛ mɔɔ bɔ zo mɔɔ bɛlɛbɔ mɔdenle bɛanriandi bɛavi menli mɔɔ de ɛtane nu la avinli la.

3 Dw 1:12

Awie biala ka Dimiteleɛse anwo edwɛkɛ kpalɛ; nɔhalɛ ne ɔdaye ɔka ɔ nwo edwɛkɛ kpalɛ, na medame noko medi ɔ nwo daselɛ, yɛɛ ɛze noko kɛ mɔɔ meka la le nɔhalɛ.

Yekile 2:20

Noko melɛ edwɛkɛ ɛhye metia wɔ: ɛdie raalɛ Gyɛzɛbɛle mɔɔ ɛyɛ ɔ nwo Nyamenle kpɔmanvolɛ la ɛto nu. Yeva ye ngilehilelɛ ne yezi me menli ne mɔ anye yemaa bɛlɛbɔ adwɔmane ɛbɛla na bɛdi aleɛ mɔɔ bɛva bɛzɔ amonle la.

1 Sam 2:17

Yemɔti Yilae amra ne mɔ ɛtane ne yɛle kpole bole zolɛ wɔ Ɛdɛnkɛma anye zo, ɔboalekɛ bɛambu Ɛdɛnkɛma azubɔlɛ ninyɛne ne mɔ bie.

1 Sam 2:22

Akee Yilae ɛyɛ kpanyinli. Ɔdele ɛbɛla mɔɔ ɛnee ɔ mra ne mɔ ɛlɛbɔ amaa Yizilayɛma la amuala. Eza ɔdele kɛ ɔ mra ne mɔ nee mraalɛ mɔɔ sonle Ɛdɛnkɛma Ɛdanlɛ Sua ne anlenkɛ ne anloa la da.

1 Sam 2:23

Na ɔzele bɛ kɛ, “Duzu ati yɛɛ bɛbɔ ɛbɛla zɛhae a? Awie biala baka bɛ munzule ɛbɛla mɔɔ bɛlɛbɔ la kile me.