1 Sam 2:23 - BAEBOLO ANZƐƐ BULUKU NWUANZANWUANZA

²³ Na ɔzele bɛ kɛ, “Duzu ati yɛɛ bɛbɔ ɛbɛla zɛhae a? Awie biala baka bɛ munzule ɛbɛla mɔɔ bɛlɛbɔ la kile me.

1 Sam 2:23 ပူးပေါင်းရင်းမြစ်များ

1 Arl 1:6

Kɛmɔ ɔ ze Devidi angulo kɛ ɔ ra ne kɛva ɛya la ati, kenle ko bɔbɔ yeambiza ye nwolɛ edwɛkɛ kɛ, “Duzu ati a wɔyɛ nyɛleɛ ɛhye a?” Adonaegya le Abesalɛm anzi ralɛ yɛɛ ɔ nwo yɛ fɛ kpalɛ.

Ayezaya Buluku ne 3:9

Bɛ mɔguazo ne di daselɛ tia bɛ. Bɛka bɛ nyɛleɛ ɛtane ne mɔ baguasee kɛ Sodɔm la. Bɛnvea nwolɛ. Munzule ɛha bɛ! Ɔluakɛ bɛhwe munzule bɛmaa bɛ nwo.

Gyɛlɛmaya Buluku ne 3:3

Yemɔti ezule ne ɛgyakyi ɛdɔlɛ, yɛɛ nyenyensuo ne ɛgyakyi ɛnyenyenlɛ. Bɛ ɛlualɛ nu kile kɛ bɛle tuutuuma, yɛɛ bɛnze nwolɛ nyiane.

Gyɛlɛmaya Buluku ne 8:12

Asoo bɛkyi ninyɛne ɛhye mɔ ɛyɛlɛ yɛle bɛ nyiane? Kyɛkyɛ, yeanyɛ bɛ nyiane fee, ɔluakɛ bɛnze nyiane deɛ holɛ. Yemɔti bɛbawu kɛ menli mɔɔ ɛwu la. Kenle mɔɔ menwɔze kɛ metea bɛ la, ɛnee bɛ awieleɛ ne ala ɛne. Medame Ɛdɛnkɛma a mese a.”

Ɛzoanvolɛma Gyima ne 14:15

“Ayi mɔ, duzu ati a bɛlɛyɛ ɛhye mɔ ɛ? Yɛdayɛ noko yɛle menli kɛ bɛdabɛ la. Yɛrale kɛ yɛbabɔ Edwɛkpa ne nolo yeahile bɛ, amaa bɛahwe bɛ nwo bɛavi ninyɛne mgbane mgbane ɛhye mɔ mɔɔ anwo ɛnlɛ nvasoɛ la anwo, na bɛazonle tease Nyamenle ne mɔɔ bɔle anwuma, azɛlɛ, nyevile nee mɔɔ wɔ nuhua la amuala la.

Ɛzoanvolɛma Gyima ne 9:4

Ɔpɛle ɔfinle na ɔdele kɛ ɛnelɛ bie se, “Sɔɔlo! Sɔɔlo! Duzu ati a ɛlɛyɛ me kpɔdekpɔde zɛhae ɛ?”

Pɔɔlo Kɛlata mɔɔ ɔhɛlɛle ɔhɔmanle Felepaema la 3:19

Menli ɛhye mɔ, bɛ awieleɛ a le kɛ Nyamenle bazɛkye bɛ, ɔluakɛ bɛ nyamenle a le bɛ ko. Mɔɔ ɔwɔ kɛ bɛse nwolɛ nyiane la bɛfa bɛtu bɛ nwo, yɛɛ bɛ adwenle muala gyi ewiade ninyɛne zo.

1 Sam 2:22

Akee Yilae ɛyɛ kpanyinli. Ɔdele ɛbɛla mɔɔ ɛnee ɔ mra ne mɔ ɛlɛbɔ amaa Yizilayɛma la amuala. Eza ɔdele kɛ ɔ mra ne mɔ nee mraalɛ mɔɔ sonle Ɛdɛnkɛma Ɛdanlɛ Sua ne anlenkɛ ne anloa la da.

1 Sam 2:24

Me mra, kyɛkyɛ, bɛgyakyi nyɛleɛ ɛhye. Ɔle munzule ɛbɛla, ɔle dumanzɛkyelɛ mɔɔ Ɛdɛnkɛma menli ne ɛlɛbɔ ye nolo wɔ bɛ avinli a.