1 Sam 2:21 - BAEBOLO ANZƐƐ BULUKU NWUANZANWUANZA

²¹ Ɛdɛnkɛma lole Hana manle ɔnyianle mralɛ mrenya nsa bieko nee mralɛ mraalɛ nwiɔ. Kakula Samoɛle kawie nyi la ɛnee yebe Ɛdɛnkɛma ɛzonlenlɛ nu.

1 Sam 2:21 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 21:1

Ɛdɛnkɛma rakpɔlale Sɛla, kɛmɔ ɔhanle ala la, na ɔyɛle mɔɔ ɔvale ɔbɔle ye ɛwɔkɛ la ɔmanle ye.

Edwɛndolɛ Buluku ne 127:3

Nea, mralɛ mrenya le agyadeɛ mɔɔ vi Ɛdɛnkɛma ɛkɛ a; awolɛ le nyilalɛ.

Mrɛlɛbulɛ Buluku ne 3:4

Ɛhye bamaa wɔazɔ ɛnyelɛ, wɔanyia dumamɔlɛ kpalɛ wɔ menli nee Nyamenle anyunlu.

Edwɛkpa ne kɛmɔ Luku hɛlɛle la 1:68

“Bɛmaa yɛye Awulae, Yizilayɛ Nyamenle ne ayɛlɛ! Yeraboa ye menli na yekpɔne bɛ.

Edwɛkpa ne kɛmɔ Luku hɛlɛle la 1:80

Na kakula ne nyinle na ɔyɛle se wɔ sunsum nu. Ɔdɛnlanle fienemgbole ne anu toonwo ɔhɔkpulale kenle mɔɔ ɔyele ɔ nwo ɔhilele Yizilayɛma wɔ bagua nu la.

Edwɛkpa ne kɛmɔ Luku hɛlɛle la 2:40

Kakula ne nyinle na ɔ nwo yɛle se; nrɛlɛbɛ yile ye tɛkɛɛ, na Nyamenle yilale ye dɔɔnwo.

Edwɛkpa ne kɛmɔ Luku hɛlɛle la 2:52

Na Gyisɛse nyinle nwonane nu nee nrɛlɛbɛ nu, na ɔnyianle ɔ nyunlu wɔ Nyamenle nee menli nyunlu.

Maanlebuvolɛma Buluku ne 13:24

Raalɛ ne wole ralɛ nrenya na bɛdonle ye Samesɛn. Kakula ne nyinle, na Ɛdɛnkɛma yilale ye.

1 Sam 2:26

Kakula Samoɛle ɛdeɛ, ɔnyinle na ɔzɔle Ɛdɛnkɛma nee menli anye.

1 Sam 3:19

Samoɛle dule zolɛ; Ɛdɛnkɛma nee ye luale na ɔmanle edwɛkɛ biala mɔɔ Samoɛle hanle la yɛle nɔhalɛ.