1 Sam 2:18 - BAEBOLO ANZƐƐ BULUKU NWUANZANWUANZA

¹⁸ Kakula nrenya Samoɛle wulale “Lenen” ɛzonlenlɛ tɛladeɛ aguzo.

1 Sam 2:18 ပူးပေါင်းရင်းမြစ်များ

2 Sam 6:14

Devidi wulale Nyamenlezonlenlɛ tɛladeɛ ne mɔɔ bɛfɛlɛ ye “Yifɔdo” la na ɔvale ye anwosesebɛ kɔsɔɔti ɔzile agole ɔwulale Ɛdɛnkɛma anyunlunyia.

1 Edk 15:27

Devidi wulale “Lenen” tɛladeɛ kɛnlɛma bie. Zɔhane tɛladeɛ ne ala bie yɛɛ menli mɔɔ bɔ agole ne la, Kɛnanaya mɔɔ yemɔ a ɔli bɛ ti nee Livaema mɔɔ zo Ɛlɛka ne la wulale a. Devidi eza wulale Nyamenle ɛzonlenlɛ tɛladeɛ ne mɔɔ bɛfɛlɛ ye Yifɔdo la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 28:4

Adɛladeɛ mɔɔ bɛbabu la ɛne: akɛnrazo aguzo, ɛzonlenlɛ tɛladeɛ ne mɔɔ bɛfɛlɛ ye yifɔdo la, tɛladeɛ woladapi, anwuma tɛladeɛ mɔɔ bɛnwo ɔ nloa, abɔtile, yɛɛ tabule mɔɔ bɛfa bɛkye bɛ avinli la. Ɛhye mɔ a le adɛladeɛ nwuanzanwuanza mɔɔ ɔwɔ kɛ bɛbu bɛmaa ɛ diema Aalɔn nee ɔ mra mrenya ne mɔ bɛmaa bɛfa bɛsonle me kɛ me sɛlɛvolɛma a.

Sɛlɛ 8:7

Ɔvale Sɛlɛvolɛ Kpanyinli tɛladeɛ ɔwulale Aalɔn, na ɔvale tabule ne ɔhyele zo, ɔvale tɛladeɛ aguzo ne ɔkpolole ye, ɔvale yifɔdo ne ɔwulale ye na ɔvale ye akyeso ne mɔɔ bɛnwo ye kɛnlɛma bie la ɔhyele zolɛ.

1 Sam 14:3

Sɛlɛvolɛ mɔɔ ɛnee yɛ gyima wɔ Hyaelo la a le Ayekabɔdo adiema nrenya Ahaetɛbe ara Ahaegya. Ahaetɛbe ɔ ze a le Fenɛhaze yɛɛ ɔ nlenya a le Yilae. Menli ne annwu kɛ Dwɔnatan ɛvi ɛkɛ ne ɛhɔ.

1 Sam 2:11

Akee Ɛlekana ziale hɔle Releema na kakula Samoɛle hale Hyaelo wɔ sɛlɛvolɛ Yilae anwo ɛkɛ ne na ɔzonlenle Ɛdɛnkɛma.

1 Sam 2:28

Menyele ye abusua ɛdeɛ ne menvile Yizilayɛ mbusua ekpunli ne mɔ amuala anu kɛ bɛmɛ yɛɛ bɛyɛ me sɛlɛvolɛma, bɛzonle wɔ azukponle ne anwo, bɛyela ɛyɛlɛ bɛbɔ azu na bɛwula Yifɔdo bɛrɛla me nyunlu a. Eza memanle bɛ adenle kɛ bɛva azukponle ne azo azubɔdeɛ ne mɔ mɔɔ Yizilayɛma kɛva kɛra la bie.

1 Sam 22:18

Sɔɔlo zele Dowɛge kɛ, “Wɔmɔ, ku bɛ!” Na Dowɛge hunle sɛlɛvolɛma abulatwɛ nee nnu ne mɔɔ ɛnee wula sɛlɛvolɛ tɛladeɛ fufule ne mɔɔ bɛfɛlɛ ye “Yifɔdo” la.

1 Sam 3:1

Mekɛ mɔɔ kakula Samoɛle wɔ Ɛdɛnkɛma ɛzonlenlɛ ndetelɛ bo wɔ Yilae ɛkɛ ne la, ɛnee nrɛlaleɛ mɔɔ vi Ɛdɛnkɛma ɛkɛ ne ba, nee ɛnyelɛzodeɛnwunlɛ anzo biala.