1 Sam 2:12 - BAEBOLO ANZƐƐ BULUKU NWUANZANWUANZA

¹² Nvasoɛ biala amba Yilae amra ne mɔ anwo zo. Bɛambu Ɛdɛnkɛma bie.

1 Sam 2:12 ပူးပေါင်းရင်းမြစ်များ

1 Arl 21:10

Bɛkpondɛ agbamgbanvolɛ kɛyɛ nwiɔ mɔɔ kɛhola kɛgyinla ɔ nyunlu kɛdo ye ɛzonle la ɛha ye kɛ, ‘Wɔdindi Ɛdɛnkɛma anyunlu; eza wɔwa belemgbunli amonle.’ Bɛwie a bɛva ye bɛhɔ kandiba ne na bɛzi ye awolɛ bɛhu ye.”

1 Arl 21:13

Agbamgbanvolɛ nwiɔ ne ragyinlanle Neebɔto anyunlu na bɛhanle bɛzile ɔ nyunlu wɔ menli ne anyunlu kɛ, “Neebɔto, wɔdindi Ɛdɛnkɛma anyunlu; eza wɔwa Yizilayɛ belemgbunli ne amonle.” Na ɛkɛ ne ala bɛvale Neebɔto bɛhɔle suakpole ne kandiba na bɛzile ye awolɛ bɛhunle ye.

Gyɛlɛmaya Buluku ne 2:8

Sɛlɛvolɛma ne mɔ ambiza kɛ, ‘Ɛdɛnkɛma wɔ nienwu?’ Bɛdabɛ mɔɔ bɛnea mɛla ne azo la ɛnze me. Menli mɔɔ bu maanle ne la tietiale me mɛla ne mɔ azo; Nyamenle kpɔmanvolɛma hanle bozonle Beeyale nrɛlaleɛ na bɛzonlenle ninyɛne mɔɔ anwo ɛnlɛ nvasoɛ la.

Gyɛlɛmaya Buluku ne 22:16

Saa ɔlile pɛlepɛle ɔmanle ehyianvolɛma, yeambua menli mɔɔ ehyia la mgbɔvondɛne a ɛnee ɔle kpalɛ. Medame Ɛdɛnkɛma, mese, kɛ me ɛnwunlɛ de la ɛne.

Gyɛlɛmaya Buluku ne 9:3

Adalɛ ɛhu bɛ kuu; nɔhalɛ biala ɛnle azɛlɛ ne azo, adalɛ ngome ɛyi bɛ tɛkɛɛ. Ɛdɛnkɛma se, “Me menli ne bɔ munzule la ɛnee bɛbɔ, yɛɛ bɛnze me.”

Gyɛlɛmaya Buluku ne 9:6

Nzisi doa nzisi, yɛɛ adalɛ li adalɛ nzi. Ɛdɛnkɛma se, ye menli ne ɛkpo ye.

Yizikeɛle Buluku ne 22:26

Bɛ sɛlɛvolɛma ɛvuandi me mɛla ne ɛdo na bɛgua me ninyɛne nwuanzanwuanza ne mɔ anwo evinli. Bɛammaa ngakyile anla ninyɛne mɔɔ le nwuanzanwuanza nee mɔɔ ɛnle nwuanzanwuanza la avinli, yɛɛ bɛangile ngakyile mɔɔ la ninyɛne mɔɔ anwo te nee mɔɔ anwo ɛnde la avinli. Bɛambu me Ɛnwomenlelielɛ Kenle ne mɔ, yemɔti bɛgua me nwo evinli wɔ bɛ avinli.

Dw 16:3

Bɛbayɛ ɛhye mɔ amuala, ɔluakɛ bɛnze Selɛ ne yɛɛ bɛnze me.

Dw 17:3

Ngoane mɔɔ ɛnlɛ awieleɛ la a le kɛ bɛkɛnwu kɛ wɔmɔ a ɛle nɔhalɛ Nyamenle kokye ne a, na bɛkɛnwu Gyisɛse Kelaese, mɔɔ wɔzoa ye la.

Dw 8:55

Bɛtɛnwunle ye ɛlɛ, na mame meze ye. Saa meka kɛ menze ye a, ɛnee mebɔ adalɛ kɛ bɛdabɛ la. Meze ye, yɛɛ medi ye edwɛkɛ zo.

Wulo 1:21

Bɛze Nyamenle, noko bɛnva enililɛ mɔɔ fɛta la bɛmmaa ye kɛ ɔle Nyamenle, yɛɛ bɛnva moyɛlɛ bɛmmaa ye. Adwenle mgbane mgbane yɛɛ bɛfa a, yɛɛ awozinli ɛyi bɛ adwenle ne mɔ mɔɔ nrɛlɛbɛ ɛnle nu la tetɛkɛɛ.

2 Kɔl 6:15

Kɛ ɔkɛyɛ na Kelaese nee Abɔnsam anloa azɛ bɛ nwo ɛ? Duzu a diedinli nee bozonle ɛzonlenlɛnli lɛ ye yɛ a?

Mɛla 13:13

na bɛte kɛ kpamgbanvolɛma bie ɛdwazo sua bie azo amra anwo zo, bɛze bɛ kɛ, ‘Bɛmaa yɛhɔzonle awozonle,’ mɔɔ bɛ ze mɔ anzonle bie ɛlɛ la a,

Mɛla 13:14

bɛbiza nu kpalɛ, bɛvedevede nuhua gyɛlɛɛnye na saa amgba edwɛkɛ ne le nɔhalɛ kɛ debie zɛhae ɛzi a,

Maanlebuvolɛma Buluku ne 19:22

Na mekɛ mɔɔ bɛlɛdi debie na bɛ nye ɛlie la, arɛlevilɛ nu ala, suakpole ne azo mrenya bie mɔɔ fa bɛ gɔnwo mɔ mrenya la rabɔle yiale sua ne na bɛbɔle anlenkɛ ne anu ndinlizo. Bɛzele nrenya kpanyinli ne kɛ, “Fa nrenya ne mɔɔ wɔ wɔ sua ne anu la finde maa yɛ nee ye ɛyɛ nrenya nee nrenya.”

Maanlebuvolɛma Buluku ne 2:10

Na awolɛndoazo zɔhane anu amra amuala wule, na awolɛndoazo fofolɛ mɔɔ ɛnze Ɛdɛnkɛma anzɛɛ ɛnze gyima mɔɔ Ɛdɛnkɛma ɛli ɛmaa Yizilayɛma la dwazole.

1 Sam 10:27

Na menli kpamgbanvolɛma bie zele kɛ, “Duzu debie kpaziwɔkɛ bɔbɔ yɛɛ sonla ɛhye kɛhola kɛyɛ kɛmaa yɛ a?” Bɛkpole ye, bɛammaa ye ahyɛlɛdeɛ biala, noko Sɔɔlo andɛne bɛ zo.

1 Sam 25:17

Mesɛlɛ wɔ, dwenle ɛhye anwo ɛsesebɛ na bu nwolɛ amaamuo kpalɛ. Ɔluakɛ ɛhye kola twe munzule maa yɛ menle ne nee ye awuke nu amra; yɛɛ ɔnlɛ subane noko bɔbɔ mɔɔ bɛka ye edwɛkɛ a ɔfa a.”

1 Sam 3:13

Melumua meha mehile ye kɛ mebadea ye abusua ne ndeanlɛ mɔɔ ɛnlɛ awieleɛ la, ɔboalekɛ ɔ mra ne mɔ dendɛle ɛtane tiale Nyamenle mɔɔ ɔdaye Yilae ɔze a, noko yeandua bɛ.