1 Sam 2:10 - BAEBOLO ANZƐƐ BULUKU NWUANZANWUANZA

¹⁰ Bɛbazɛkye Ɛdɛnkɛma kpɔvolɛma; ɔbadea bɛ nu wɔ anwuma anwuma lɔ. Ɛdɛnkɛma babua aleɛabo amra ndɛne. Ɔbamaa ye belemgbunli ne anwosesebɛ, ɔbamaa ye belemgbunli ne ali konim.”

1 Sam 2:10 ပူးပေါင်းရင်းမြစ်များ

2 Sam 22:14

Ɛdɛnkɛma hulule anwuma lɔ, na Nyamenle Bedevinli ne ane lieliele.

2 Sam 7:13

Yemɔ yɛɛ ɔbazi ɛzonlenlɛ sua yeamaa me a, na mebanlea kɛ ye belemgbunli maanle ne ɛgyinla kpundii dahuu.

2 Sam 7:8

“Yemɔti ka kile me sonvolɛ Devidi kɛ, medame Tumivolɛ Ɛdɛnkɛma mese, ‘Menyele wɔ menvile mboane ɛnleanlɛ zo wɔ fiene ne anu kɛ ɛrali me menli Yizilayɛma belemgbunli;

Dwobu Buluku ne 40:9

Asoo ɛlɛ anwosesebɛ kɛ Nyamenle, yɛɛ ɛkɛhola ɛkɛva ɛnelɛ ɛkɛhulu kɛ ye ɛdeɛ ne la?

Edwɛndolɛ Buluku ne 132:17

Ɛke a mebamaa Devidi abo zo amra ne mɔ ko adwazo ayɛ belemgbunli kpole a, na mebazinza mɔɔ mekpa nu meye ye belemgbunli la.

Edwɛndolɛ Buluku ne 148:14

Yemaa ye menli ne anwosesebɛ, amaa Nyamenle menli ne aye ye ayɛlɛ, ye menli Yizilayɛma mɔɔ la ye ahonle nwo. Bɛye Ɛdɛnkɛma ayɛlɛ!

Edwɛndolɛ Buluku ne 2:2

Ewiade arelemgbunli boɔboa dwenle ɛtane, bɛ maanle mgbanyinli bɔ nu kɔ agyinla tia Ɛdɛnkɛma nee mɔɔ yekpa nu yeye ye la.

Edwɛndolɛ Buluku ne 2:6

Ɔse, “Wɔ Zayɔn, me boka nwuanzanwuanza ne azo, yɛɛ mezie me belemgbunli ne a.”

Edwɛndolɛ Buluku ne 2:9

Ɛbava tumi kpole wɔazie bɛ, na wɔabubu bɛ kɛ abua.”

Edwɛndolɛ Buluku ne 20:6

Kɛkala, meze kɛ Ɛdɛnkɛma baboa mɔɔ yekpa nu yeye ye la; ɔbabua ye wɔ anwuma lɔ ye ɛleka nwuanzanwuanza ne, yeava tumi kpole yeamaa yeali konim mgbole.

Edwɛndolɛ Buluku ne 20:7

Bie mɔ fa konle ehwili tu bɛ nloa anu, yɛɛ bie mɔ fa mgbɔnwɔ; na yɛmɛ, yɛfa Ɛdɛnkɛma yɛ Nyamenle ne duma a yɛtu yɛ nloa anu a.

Edwɛndolɛ Buluku ne 21:1

O Ɛdɛnkɛma, wɔ tumi ne ati, belemgbunli anye die, yɛɛ ɔfa wɔ moalɛ ɔtu ɔ nwo.

Edwɛndolɛ Buluku ne 28:8

Ɛdɛnkɛma a le ye menli ne anwosesebɛ a, ɔle mɔɔ yekpa nu yeye ye la ngoanelielɛ ɛvealeka.

Edwɛndolɛ Buluku ne 45:7

ɛkulo pɛlepɛlelilɛ, ɛkyi amumuyɛ. Yemɔti Nyamenle, wɔ Nyamenle ne, ɛva anyelielɛ nwole ɛkpokpa wɔ ɛgyakyi ɛ gɔnwo mɔ.

Edwɛndolɛ Buluku ne 89:17

Ɔluakɛ wɔmɔ a ɛle bɛ anwosesebɛ a; wɔ moalɛ zo yɛɛ ɛmaa bɛdi konim a.

Edwɛndolɛ Buluku ne 89:24

Me nɔhalɛlilɛ ne nee me ɛhulolɛ kpundii ne nee ye badɛnla, na me duma nu yɛɛ ye tumi ne bayɛ kpole a.

Edwɛndolɛ Buluku ne 89:25

Mebamaa yeanyia nyevile nwo zo tumi, na yeanyia azule muala anwo zo tumi.

Edwɛndolɛ Buluku ne 96:13

wɔ Ɛdɛnkɛma anyunlu, ɔluakɛ ɔlɛba, ɔlɛba yearabua ewiade amra ndɛne. Ɔbava tenleneyɛlɛ yeabua ewiade amra ndɛne, ɔbabua menli kɔsɔɔti ndɛne nɔhalɛ nu.

Edwɛndolɛ Buluku ne 98:9

ɛmaa Ɛdɛnkɛma, ɔluakɛ ɔlɛba yearabua ewiade ndɛne. Ɔbava tenleneyɛlɛ yeazie ewiade, na yeava pɛlepɛlelilɛ yeabua menli ne ndɛne.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 15:6

“O Ɛdɛnkɛma, ɛ sa fema le tumi kpole; O Ɛdɛnkɛma, ɛ sa fema bubu kpɔvolɛ.

Nolo 11:9

Mgbavolɛ nee mbɛlɛra, bɛlie bɛ nye wɔ bɛ ngakula nu. Bɛli fɛlɛko wɔ mekɛ mɔɔ bɛtɛde mgbavolɛ nee mbɛlɛra la. Bɛli bɛ atiakunluwɔzo nzi, na bɛyɛ mɔɔ bɛkulo la. Noko bɛhakye kɛ Nyamenle babua bɛ debie biala mɔɔ bɛkɛyɛ la anwo ndɛne.

Nolo 12:14

Ɔluakɛ Nyamenle babua debie biala mɔɔ yɛyɛ, nee awozinli nu nyɛleɛ biala anwo ndɛne, kpalɛ o, ɛtane o.

Ayezaya Buluku ne 29:6

Tumivolɛ Ɛdɛnkɛma bava ɛnelɛ kpole, ɛhululɛ nee azɛlɛkpusulɛ aralie wɔ. Ɔbara kɛ ahumuakyima nee ahumu kpole, yɛɛ sendɔlɔra senle la.

Ayezaya Buluku ne 32:1

Bɛnlea, belemgbunli bie bara mɔɔ ɔbava tenleneyɛlɛ a yeabu ye maanle a, yɛɛ maanle mgbanyima bava pɛlepɛlelilɛ abu bɛ amaamuo.

Ayezaya Buluku ne 45:24

“Bɛbaha wɔ me nwo kɛ, Ɛdɛnkɛma anu yɛɛ yɛnwu tenleneyɛlɛ nee tumi a. Bɛdabɛ mɔɔ bɛva ɔ nwo ɛya la bara ye ɛkɛ na bɛ nyunlu agua aze.

Yizikeɛle Buluku ne 29:21

“Mekɛ ne anu, mebamaa katakyiema adwazo Yizilayɛma avinli, na mebade ɛ nloa wɔ bɛ avinli. Na akee bɛbanwu kɛ medame a mele Ɛdɛnkɛma a.”

Edwɛkpa ne kɛmɔ Mateyu hɛlɛle la 25:34

Na akee meaze menli mɔɔ wɔ me sa fema zo la kɛ, ‘Bɛmɛ mɔɔ Egya ɛyila bɛ a, bɛrɛla! Bɛ nee me ɛrali belemgbunli. Egya hyehyɛle manle bɛ kolaa na bɛabɔ ewiade ye.

Edwɛkpa ne kɛmɔ Mateyu hɛlɛle la 28:18

Gyisɛse bikyele bɛ na ɔzele bɛ kɛ, “Bɛva tumi muala mɔɔ wɔ anwuma nee aze la bɛmaa me.

Edwɛkpa ne kɛmɔ Luku hɛlɛle la 1:69

Yemaa yɛ Ngoanedievolɛ kpole bie mɔɔ vi ye sonvolɛ Devidi abusua nu a.

Edwɛkpa ne kɛmɔ Luku hɛlɛle la 19:27

Akee me agbɔvolɛ ne mɔ mɔɔ se bɛngulo kɛ medi bɛ belemgbunli la, bɛva bɛ bɛrɛla bɛrahu bɛ wɔ me nyunlu ɛke!’ ”

Ɛzoanvolɛma Gyima ne 10:38

Bɛze Gyisɛse mɔɔ vi Nazalɛte la anwo edwɛkɛ nee kɛ Nyamenle zile vale Sunsum Nwuanzanwuanza ne wulale ye na ɔmanle ye tumi la amuala. Gyisɛse kpɔsale ɛleka dɔɔnwo yɛle ahunlunyele gyima, na ɔyɛle bɛdabɛ mɔɔ Abɔnsam ɛlɛfa ye tumi ne agyegye bɛ la ayile, ɔluakɛ Nyamenle nee ye lua.

Ɛzoanvolɛma Gyima ne 4:27

Hɛlɔdo nee Pɔnteɛse Paelɛte, nee bɛdabɛ mɔɔ bɛnle Dwuuma la, nee menli mɔɔ wɔ Yizilayɛ la amuala yiale nu wɔ suakpole ɛhye azo na bɛvale adwenle bɛtiale wɔ Sonvolɛ Nwuanzanwuanza Gyisɛse mɔɔ wɔyɛ ye Mɛzaya la.

2 Kɔl 5:10

Ɔluakɛ ɔwɔ kɛ yɛ muala yɛfinde Kelaese anyunlu na ɔbua yɛ ndɛne, amaa yɛ nuhua ko biala asa aha ahatualɛ mɔɔ ɔfɛta la, kpalɛ o, ɛtane o, kɛmɔ ye ɛbɛla mɔɔ ɔdaye ɔlua ye sonlabaka ye azo yebɔ la de la.

Maanlebuvolɛma Buluku ne 5:31

O Ɛdɛnkɛma, maa menli mɔɔ kpɔ wɔ la abo zo ɛbɔ, na maa bɛdabɛ mɔɔ bɛkulo wɔ la ɛda wienyi kɛ mangyee sɛnzɛne. Na anzonudwolɛ rale maanle ne anu ɛvolɛ abulanla.

1 Sam 12:13

“Bɛ belemgbunli ne ɛne; bɛdabɛ a bɛbizale a, yɛɛ Ɛdɛnkɛma ɛye ye ɛmaa bɛ a.

1 Sam 12:17

Bɛ muala bɛze kɛ yɛwɔ wawaa mekɛ nu. Mebazɛlɛ ye meamaa yeamaa maanle nu ahulu na ezule adɔ. Saa ɛhye si a, bɛbanwu kɛ bɛyɛ ɛtane kpole bɛtia Ɛdɛnkɛma kɛ bɛdabɛ bɛbizale bɛliele belemgbunli a.”

1 Sam 12:18

Yemɔti Samoɛle zɛlɛle Ɛdɛnkɛma, na kenle ko ne ala maanle nu hulule na ezule dɔle. Na menli ne kɔsɔɔti zulole Ɛdɛnkɛma nee Samoɛle.

1 Sam 12:3

Mame ɛne; saa meyɛ ɛtane metia bɛ a, bɛha ye wɔ Ɛdɛnkɛma nee bɛ belemgbunli ye mɔɔ yeye yemaa bɛ la anyunlu ɛke. Meva awie ɛnlankɛ anzɛɛ meva awie asoaso ɔ? Meli awie ndunlumi ɔ? Mesisi awie anzɛɛ mekpuokpua awie ɔ? Melie awie ndoloboa ɔ? Ninyɛne ɛhye mɔ kɔsɔɔti, saa meyɛ nuhua bie a, bɛha na menwɔzie ɔ bo zo.”

1 Sam 15:28

Na Samoɛle zele ye kɛ, “Ɛdɛnkɛma ɛza wɔ ɛlie Yizilayɛ belemgbunlililɛ ne ɛvi ɛ sa nu ɛnɛ na yeva yemaa sonla mɔɔ le kpalɛ tɛla wɔ la.

1 Sam 16:1

Ɛdɛnkɛma bizale Samoɛle kɛ, “Kenle nyɛ yɛɛ ɛfa wɔali Sɔɔlo anwo nyane a? Mekpo ye, ɔnli Yizilayɛ belemgbunli bieko. Dwazo fa ɔlivi nwole gua wɔ ɛweɛne ne anu. Mesoa wɔ wɔ Bɛtelɛhɛmenli Gyɛsi ɛkɛ ne, ɔluakɛ meye ɔ mra mrenya ne mɔ ko kɛ mesie ye belemgbunli.”

1 Sam 7:10

Mekɛ mɔɔ Samoɛle wɔ zolɛ ɔlɛbɔ azu ne la, Filisitiama rale Yizilayɛma anwo zo, na ɛkɛ ne ala Ɛdɛnkɛma kpakyele ɛsɛnlɛmanye guale Filisitiama anwo zo manle bɛ nye zo danle bɛ, na bɛvale sulosulo bɛbɔle asande bɛguale ɛbɔ nu.