1 Sam 2:1 - BAEBOLO ANZƐƐ BULUKU NWUANZANWUANZA

¹ Hana zɛlɛle zele kɛ: “Ɛdɛnkɛma ɛmaa me nye ɛlie; Ɛdɛnkɛma ɛmaa me anwosesebɛ kpole! Na yemaa mezele me kpɔvolɛma, me nye ɛlie somaa, ɔboalekɛ wɔboa me.

1 Sam 2:1 ပူးပေါင်းရင်းမြစ်များ

2 Edk 20:27

Akee Dwudama o, Gyɛlusalɛmma o, bɛ muala bɛziale bɛrale Gyɛlusalɛm. Belemgbunli Gyɛhɔhyafate lile bɛ ti na bɛvale anyelielɛ bɛziale bɛrale, ɔluakɛ Ɛdɛnkɛma ɛmaa bɛli bɛ kpɔvolɛma ne mɔ anwo zo konim.

Nihɛmaya Buluku ne 11:17

Maeka ara Matanaya, ɔle Zabedae anlɔnra yɛɛ ɔle Esafe abo zo sonla. Yemɔ yɛɛ ɔlumuale ɔgyinlanle Ɛzonlenlɛ Sua nu edwɛndolɛma ati ɔmanle bɛdole moyɛlɛ nzɛlɛlɛ edwɛne ne a. Bakebukaya a ɛnee le Matanaya boavolɛ a. Hyamua ara Abeda, ɔle Geelale anlɔnra yɛɛ Gyɛdutɛn abo zo sonla ɔ.

Dwobu Buluku ne 16:15

Mekpomgba ɛrele meheda, na mekpofo ndɛtɛlɛ nu.

Edwɛndolɛ Buluku ne 118:14

Ɛdɛnkɛma le me anwosesebɛ, me konimlilɛ edwɛne, yelie me ngoane.

Edwɛndolɛ Buluku ne 13:5

Noko me rɛle wɔ wɔ ɛhulolɛ kpundii ne anu; mebali fɛlɛko wɔ wɔ ngoanelielɛ ne ati.

Edwɛndolɛ Buluku ne 148:14

Yemaa ye menli ne anwosesebɛ, amaa Nyamenle menli ne aye ye ayɛlɛ, ye menli Yizilayɛma mɔɔ la ye ahonle nwo. Bɛye Ɛdɛnkɛma ayɛlɛ!

Edwɛndolɛ Buluku ne 18:2

Ɛdɛnkɛma le me bodane, me aranemgbole nee me dievolɛ, me Nyamenle, me bodane mɔɔ menriandi mefea nu a, me enyinlike, me ngoanedievolɛ nee me ɛvealeka kpundii.

Edwɛndolɛ Buluku ne 20:5

Ɔmaa yɛva anyelielɛ yɛdeɛdea nuhua wɔ wɔ konimlilɛ ne anwo, yɛvola yɛ fɛlɛnra ne mɔ wɔ yɛ Nyamenle ne duma nu. Ɛdɛnkɛma ɛmaa mɔɔ ɛkɛbiza la amuala ɛyɛ ɛkɛ.

Edwɛndolɛ Buluku ne 21:2

Wɔva mɔɔ ɔkpondɛ la wɔmaa ye, wɔanzi ye ɛbizalɛdeɛ ne aze.

Edwɛndolɛ Buluku ne 35:9

Ɛdɛnkɛma ati, akee me ɛkɛla anye balie, na meava ye ngoanelielɛ ne meadu me nwo.

Edwɛndolɛ Buluku ne 51:15

O Awulae, buke me nloa, na mebaye wɔ ayɛlɛ.

Edwɛndolɛ Buluku ne 71:8

Meye wɔ ayɛlɛ mekɛ biala, na mebɔ wɔ anyunlunyia ne nolo alehyenlɛ biala.

Edwɛndolɛ Buluku ne 75:10

Ɔbazɛkye amumuyɛma tumi ne na tenlenema tumi ne bayɛ kpole.

Edwɛndolɛ Buluku ne 89:17

Ɔluakɛ wɔmɔ a ɛle bɛ anwosesebɛ a; wɔ moalɛ zo yɛɛ ɛmaa bɛdi konim a.

Edwɛndolɛ Buluku ne 89:18

O Ɛdɛnkɛma, ɛdawɔ a ɛyele yɛ pepɛdievolɛ ne ɛmanle yɛ a. Yizilayɛ Nwuanzanwuanza Ko ne a manle yɛ yɛ belemgbunli ne a.

Edwɛndolɛ Buluku ne 89:24

Me nɔhalɛlilɛ ne nee me ɛhulolɛ kpundii ne nee ye badɛnla, na me duma nu yɛɛ ye tumi ne bayɛ kpole a.

Edwɛndolɛ Buluku ne 9:14

amaa meadwu Gyɛlusalɛm anlenkɛ kpole ne anloa, na meado ayɛlɛyelɛ edwɛne meadia ninyɛne mɔɔ ɛmaa me nye ɛlie la, na me nye alie wɔ ngoanelielɛ ne anwo.

Edwɛndolɛ Buluku ne 92:10

Wɔmaa me anwosesebɛ ɛyɛ kɛ ɛnlankɛ nyinli; wɔkpokpa me nwole fofolɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 15:1

Akee Mosisi nee Yizilayɛma dole edwɛne ɛhye yeyɛle Ɛdɛnkɛma: “Mebado edwɛne meayeyɛ Ɛdɛnkɛma, ɔluakɛ yeli konim anyunlunyia nu; ɛkpɔnwɔ nee ye kavolɛ ne, yevuandi bɛ yegua nyevile nu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 15:21

Meleam dole edwɛne manle bɛ kɛ: “Bɛdo edwɛne bɛyeyɛ Ɛdɛnkɛma, ɔluakɛ yeli konim anyunlunyia nu; ɛkpɔnwɔ nee ye kavolɛ ne, yevuandi bɛ yegua nyevile nu.”

Habakɛke Buluku ne 3:1

Nyamenle kpɔmanvolɛ Habakɛke nzɛlɛlɛ ne, kɛmɔ Hyegeyenotu hɛlɛle la:

Habakɛke Buluku ne 3:18

noko Ɛdɛnkɛma ati, mebali fɛlɛko, me ngoanelielɛ Nyamenle ne ati, me nye balie.

Edwɛkpa ne kɛmɔ Luku hɛlɛle la 1:69

Yemaa yɛ Ngoanedievolɛ kpole bie mɔɔ vi ye sonvolɛ Devidi abusua nu a.

Wulo 5:11

Noko tɛ ɔ muala ɛ. Yɛdua Awulae Gyisɛse Kelaese anwo zo yɛdi fɛlɛko wɔ Nyamenle anu, ɔluakɛ yeyɛ yɛ Nyamenle agɔnwo mɔ.

Mɛla 33:17

Dwosefi anwosesebɛ le kɛ ɛnlankɛ nyinli, ye mɛne ɛsesebɛ le kɛ ɛnlankɛ kokonyinli. Ye mɛne le Manasɛ ɛdeɛ apenle, ɔle Yifelaem ɛdeɛ apenle bulu. Ɔfa ɔpia maanle maanle ne mɔ, ɔpia bɛ toonwo ɔkɔ ewiade ati nee ɔ bo.”

Pɔɔlo Kɛlata mɔɔ ɔhɛlɛle ɔhɔmanle Felepaema la 3:3

Yɛmɛ a yɛnyia nɔhalɛ mrenyanu nzonlɛyɛlɛ ne a, na tɛ bɛmɛ ɔ, ɔluakɛ yɛdua Nyamenle Sunsum ne azo a yɛsonle a, na yɛdi fɛlɛko kɛ yɛnyia Kelaese Gyisɛse wɔ yɛ ɛbɛla nu. Yɛnva yɛ rɛle yɛnwula ewiade amaamuo nu.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:4

Bɛmaa bɛ nye ɛlie dahuu kɛ bɛle Awulae ɛdeɛ a; mesi zo bieko: bɛmaa bɛ nye ɛlie!

Pɔɔlo Kɛlata mɔɔ ɔhɛlɛle ɔhɔmanle Felepaema la 4:6

Bɛmmadwenle debie biala anwo. Wɔ debie biala anu bɛyɛ moyɛlɛ nzɛlɛlɛ na bɛva mɔɔ bɛhyia nwolɛ la bɛdo Nyamenle anyunlu.

1 Pit 1:8

Bɛtɛnwunle Gyisɛse ɛlɛ, noko bɛkulo ye. Kɛkala bɔbɔ bɛnnwu ye, noko bɛdie ye bɛdi, na ɔlua zo bɛ nye die na bɛdi fɛlɛko kpole mɔɔ ɛnloanlɛ ɛngola ɛnga a,

Yekile 18:20

Anwuma amra, bɛli fɛlɛko kɛ yebɔ a! Nyamenle menli, bɛli fɛlɛko; ɛzoanvolɛma nee Nyamenle kpɔmanvolɛma, bɛli fɛlɛko! Ɔboalekɛ bɛdabɛ bɛ ti Nyamenle ɛdea ye wɔ mɔɔ ɔyɛle bɛ la anwo.

1 Sam 1:6

Dahuu ɔ hola Pɛnena si ye amgbu na ɔfa ye mota ɔse ye, ɔluakɛ Ɛdɛnkɛma ammaa yeannyia ɛkolɛ yeanwo ralɛ.

1 Sam 1:7

Nyɛleɛ ɛhye hɔle zolɛ ɛvolɛ biala; mekɛ biala mɔɔ bɛkɛhɔ Ɛdɛnkɛma Ɛzonlenlɛ Sua ne anu kɛ bɛkazonle la Pɛnena ta Hana anye zo ɔmaa ɔsu toonwo mɔɔ aleɛ bɔbɔ ɔnli bie a.