1 Sam 19:8 - BAEBOLO ANZƐƐ BULUKU NWUANZANWUANZA

⁸ Konle zile Yizilayɛma nee Filisitiama avinli bieko. Devidi nee ye ɛlɔnema ne lile Filisitiama anwo zo konim bɔkɔɔ. Bɛhunle Filisitiama dɔɔnwo kpalɛ, na mɔɔ hale la guale ɛbɔ nu.

1 Sam 19:8 ပူးပေါင်းရင်းမြစ်များ

1 Arl 20:21

Yizilayɛ Belemgbunli Ehabe voanle bɛ ndinlizo, ɔhyele mgbɔnwɔ nee konle ehwili ne bie mɔ ɔzɛkyele bɛ na ɔhunle Seleama dɔɔnwo kpalɛ.

Edwɛndolɛ Buluku ne 27:3

Saa ɛlɔnema bɛnra yia me a, menrɛzulo ɛhwee; saa konle fa me aze a, me ahonle ɛnrɛdu.

1 Sam 18:14

na ɔlile bɛ muala anu konim, ɔluakɛ Ɛdɛnkɛma nee ye lua.

1 Sam 18:30

Filisitiama rale fane dɔɔnwo kɛ bɛ nee Yizilayɛma baho, na mekɛ biala Devidi lile bɛ nwo zo konim. Ɔlile konim dɔɔnwo ɔdɛlale Sɔɔlo mgbanyima mɔɔ nea ɛlɔnema anwo zo la kɔsɔɔti. Yemɔti Devidi duma nee ye nganeɛ dwule maanle ti nee maanle bo.

1 Sam 19:7

Dwɔnatan vɛlɛle Devidi na ɔhanle edwɛkɛ ne kɔsɔɔti ɔhilele ye. Ɔvale Devidi ɔhɔle ɔ ze anyunlu, na Sɔɔlo nee ye dɛnlanle, na Devidi zonlenle belemgbunli ne kɛ dɛba ne ala la.

1 Sam 19:9

Ɛdɛnkɛma manle sunsum ɛtane ne dwule Sɔɔlo anwo zo bieko. Ɛnee ɔde ye sua ne anu na ɔlɛ ye atwɛ ne ɔ sa nu; Devidi noko ɛlɛbɔ ye sanwule ne.

1 Sam 23:5

Devidi nee ɔ sa zo ne mɔ hɔle Kiayela na bɛ nee Filisitiama hɔhonle, bɛhunle bɛ somaa ne ala na bɛzoale bɛ nlankɛ ne mɔ kɔsɔɔti bɛhɔle. Na Devidi liele Kiayela ezuavolɛ ne ngoane.