1 Sam 19:20 - BAEBOLO ANZƐƐ BULUKU NWUANZANWUANZA

²⁰ Yemɔti Sɔɔlo zoanle menli kɛ bɛhɔhye ye, na mɔɔ bɛnwunle Nyamenle kpɔmanvolɛma ekpunli ne mɔɔ Samoɛle li bɛ ti, na bɛlɛsi agole bɛka Nyamenle nrɛlaleɛ la, Ɛdɛnkɛma Sunsum ne dwule Sɔɔlo soanvolɛma ne anwo zo, na bɛdabɛ noko bɛzile agole bɛhanle Nyamenle nrɛlaleɛ.

1 Sam 19:20 ပူးပေါင်းရင်းမြစ်များ

Dwowɛle Buluku ne 2:28

“Na ɔbara kɛ nzinlii, mebawola me Sunsum ne meagua awie biala anwo zo: bɛ mra mrenya nee bɛ mra mraalɛ baha me nrɛlaleɛ ne; bɛ mgbanyinli baha ɛlalɛ, na bɛ mgbavolɛ anwu ɛnyelɛzodeɛnwunlɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 24:2

na ɔnwunle kɛ Yizilayɛma wɔ azokoɛleɛ lɔ, bɛgua ye mbusua ekpunli ekpunli. Nyamenle Sunsum ne dwule ɔ nwo zo,

Dw 7:32

Falasiima dele mɔɔ menli ne ɛlɛka ye huhuhuhu wɔ Gyisɛse anwo la, yemɔti bɛ nee sɛlɛvolɛ mgbanyinli ne mɔ yɛle adwenle na bɛzoanle kɛ bɛhɔhye ye bɛrɛla.

1 Kɔl 14:3

Na mɔɔ bɔ Nyamenle edwɛkɛ ne nolo la tendɛ kile menli, ɔboa bɛ, ɔmaa bɛ akɛnrazilɛ na ɔkyekye bɛ rɛle.

1 Sam 10:10

Mɔɔ Sɔɔlo nee ye sonvolɛ ne dwule Gebɛya la, bɛ nee Nyamenle kpɔmanvolɛma ekpunli bie yiale. Arɛlevilɛ nu Nyamenle Sunsum ne dwule Sɔɔlo anwo zo kpole bie, na ɔ nee bɛ zile agole na bɛhanle Nyamenle nrɛlaleɛ ne.

1 Sam 19:11

Kenle ko ne nɔsolɛ, Sɔɔlo zoanle menli kɛ bɛhɔzinza Devidi sua ne na nwonlomɔ bɛ sa aha ye bɛahu ye. Na Devidi aye Maekale hwenle Devidi anzo kɛ, “Saa ɛnɛ nɔe wɔanye ɛ nwo zo a, nwonlomɔ mangyee ne bɛbahu wɔ.”

1 Sam 19:14

Mɔɔ Sɔɔlo soanvolɛma mɔɔ hɔle kɛ bɛkahye Devidi la dwule sua nu ɛkɛ ne la, ɔ ye zele bɛ kɛ, “Devidi ɛnde kpɔkɛ.”

1 Sam 19:19

Bɛhɔbɔle Sɔɔlo amaneɛ kɛ Devidi wɔ Naeyo mɔɔ wɔ Releema la.

1 Sam 19:21

Bɛrahanle edwɛkɛ ne bɛhilele Sɔɔlo na ɔzoanle menli fofolɛ, na bɛdabɛ noko bɛhɔbokale Nyamenle kpɔmanvolɛma ekpunli ne anwo. Eza Sɔɔlo zoanle menli bieko, ɛhye tɔ zolɛ fane nsa, na bɛdabɛ noko bɛhɔbokale Nyamenle kpɔmanvolɛma ekpunli ne anwo.