1 Sam 19:17 - BAEBOLO ANZƐƐ BULUKU NWUANZANWUANZA

¹⁷ Sɔɔlo bizale Maekale kɛ, “Duzu ati yɛɛ wɔbɛlɛbɛla me zɛhae wɔmaa me kpɔvolɛ ɛvi me sa ɛ?” Maekale buale Sɔɔlo kɛ, “Ɔnwunlonwunlanle me kɛ saa meamboa ye meammaa yeanriandi a, ɔkɛhu me.”

1 Sam 19:17 ပူးပေါင်းရင်းမြစ်များ

2 Sam 17:20

Abesalɛm sonvolɛma ne rale raalɛ ne sua nu la, bɛbizale ye kɛ, “Ahaemaze nee Dwɔnatan wɔ nienwu?” Raalɛ ne buale bɛ kɛ, “Bɛpɛle azule ne bɛhɔle ɔ nzi lɔ.” Mɔɔ bɛkpondɛle bɛ toonwo na bɛannwu bɛ la bɛziale bɛhɔle Gyɛlusalɛm.

2 Sam 2:22

Abenɛɛ eza zele Asahɛle kɛ, “Mmafoa me ko; duzu ati a ɛgyegye me wɔamaa meahu wɔ a? Kɛ ɔkɛyɛ na meahola ɛ diema Dwowabe anyunlu nea ɛ?”

1 Arl 21:20

Ehabe nwunle Yilaegya ala la ɔhanle kɛ, “Hue e! Me kpɔvolɛ ɛvinde me.” Yilaegya buale ye kɛ, “Ɛhɛe, mevinde wɔ! Ɔboalekɛ wɔbɔ kpɔkɛ kɛ wɔmɔ, amumuyɛ ala a ɛyɛ wɔatia Ɛdɛnkɛma a.

Edwɛkpa ne kɛmɔ Mateyu hɛlɛle la 2:16

Mɔɔ Belemgbunli Hɛlɔdo nwunle kɛ nrɛlɛbɛvolɛma ne mɔ ɛbɛlɛbɛla ye la, ɔvale ɛya kpole, na ɔvale ye adwenle ɔbubule ɔvile mekɛ mɔɔ nrɛlɛbɛvolɛma ne rahanle edwɛkɛ ne hilele ye la, na ɔmanle bɛhɔhunle ngakula mrenya ngyikyi ngyikyi mɔɔ wɔ Bɛtelɛhɛm nee azua mɔɔ zuozua Bɛtelɛhɛm, na bɛli ɛvolɛ nwiɔ nee mɔɔ ɛtɛdwule ɛvolɛ nwiɔ la amuala, kɛmɔ nrɛlɛbɛvolɛma ne zile hilele mekɛ ne la.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:16

Na kɛ ɔyɛ mɔɔ kɛkala angome bɛmaa meyɛ bɛ kpɔvolɛ kɛ meha nɔhalɛ ne mehile bɛ la ɛ?

1 Sam 19:14

Mɔɔ Sɔɔlo soanvolɛma mɔɔ hɔle kɛ bɛkahye Devidi la dwule sua nu ɛkɛ ne la, ɔ ye zele bɛ kɛ, “Devidi ɛnde kpɔkɛ.”

1 Sam 19:16

Mɔɔ sonvolɛma ne hɔle la, bɛnwunle kɛ ananze a la ɛsokpa ne azo na abɔnkye enrinli esumi zɔ ɔ ti a.

1 Sam 22:17

Belemgbunli zele ye sinzavolɛma ne mɔ kɛ, “Bɛhu Ɛdɛnkɛma sɛlɛvolɛma ne mɔ kɔsɔɔti, ɔluakɛ bɛ nee Devidi vale akpamo na bɛanga bɛangile me kɛ yenriandi.” Na sinzavolɛma ne mɔ angulo kɛ bɛkɛhu Ɛdɛnkɛma sɛlɛvolɛma ne mɔ anu ko bɔbɔ.

1 Sam 28:12

Raalɛ ne nwunle Samoɛle la, ɔdeanle nu kpole bie na ɔzele Sɔɔlo kɛ, “Duzu ati a wɔbɛlɛbɛla me zɛhae a? Se wɔmɔ a ɛle Belemgbunli Sɔɔlo!”