1 Sam 19:13 - BAEBOLO ANZƐƐ BULUKU NWUANZANWUANZA

¹³ Akee Maekale vale ananze dedale ye kɛ sonla la wɔ ɛsokpa ne azo. Ɔvale esumi mɔɔ bɛva abɔnkye enrinli bɛwula la ɔzɔle ɔ ti, na ɔdule ɛdanlɛ ɔguale ɔ nwo.

1 Sam 19:13 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 31:19

Ɛnee Leeban ɛhɔ kɛ ɔkapepɛ ye mboane nwo enrinli, na Relahyɛle wuale ɔ ze sua nu mmonle ne mɔ.

Hozia Buluku ne 3:4

Ɔluakɛ Yizilayɛma badɛnla ahyɛ dɔɔnwo mɔɔ bɛnrɛnyia belemgbunli anzɛɛ mgbanyima; bɛnrɛbɔ azu yɛɛ bɛnrɛnyia awolɛ mpila, bɛnrɛnyia mmonle anzɛɛ ananze mɔɔ bɛfa bɛayɛ sɛkɛlɛneɛ bɛazonle nee ɛzonlenlɛ tɛladeɛ Yifɔdo.

Maanlebuvolɛma Buluku ne 17:5

Maeka ɛhye lɛ ye amonle sua. Ɔyɛle mmonle nee ɛzonlenlɛ tɛladeɛ ne mɔɔ bɛfɛlɛ ye “yifɔdo” la bie, na ɔyele ɔ mra mrenya ne mɔ ko kɛ ɔdendɛ ye nyamenle ne anloa azo.

Maanlebuvolɛma Buluku ne 18:14

Akee menli nnu ne mɔɔ hɔlile Leeyehye azɛlɛ ne azo busia la zele bɛ mediema ne mɔ kɛ, “Asoo bɛze kɛ azua ɛhye mɔ, mmonle ngyikyi, ananze mɔɔ bɛze nee mɔɔ bɛholo dwɛtɛ fufule bɛgua nwolɛ la, nee nwolɛ ɛzonlenlɛ tɛladeɛ wɔ ko anu ɔ? Yemɔti bɛdwenle mɔɔ ɔwɔ kɛ bɛyɛ la anwo.”

Maanlebuvolɛma Buluku ne 18:17

Menli nnu ne mɔɔ hɔlile busia ne la bɔle hɔle sua ne anu. Bɛsesale ananze ne mɔ mɔɔ bɛze nee mɔɔ bɛholo dwɛtɛ fufule bɛgua nwolɛ, mmonle ngyikyi ne mɔ, yɛɛ ɛzonlenlɛ tɛladeɛ ne amuala. Mekɛ ɛhye noko ɛnee sɛlɛvolɛ ne nee ɛlɔnema ɛya nsia ne mɔɔ dedɛ konle ninyɛne la gyi anlenkɛ kpole ne anloa nehane.

1 Sam 19:16

Mɔɔ sonvolɛma ne hɔle la, bɛnwunle kɛ ananze a la ɛsokpa ne azo na abɔnkye enrinli esumi zɔ ɔ ti a.