1 Sam 19:10 - BAEBOLO ANZƐƐ BULUKU NWUANZANWUANZA

¹⁰ Sɔɔlo dole ye atwɛ ne kɛ ɔbɛtɛ Devidi wɔ bane ne anwo. Devidi yele ɔ nwo ɛkɛ, na atwɛ ne hɔminle bane ne anu. Devidi nriandile vindele na ɔyele ɔ nwo zo.

1 Sam 19:10 ပူးပေါင်းရင်းမြစ်များ

Edwɛndolɛ Buluku ne 124:7

Yɛvi ɛsalɛ kɛ anloma mɔɔ ɛvi ɛhane nu; ɛhane ne ɛbubu, yɛvi ɛsalɛ!

Edwɛndolɛ Buluku ne 18:17

Ɔliele me ɔvile me kpɔvolɛma mɔɔ anwo yɛ se, nee bɛdabɛ mɔɔ ɛnee bɛkyi me la asa anu, ɔluakɛ bɛ anwosesebɛ bo me nwo zo.

Edwɛndolɛ Buluku ne 34:19

Sonlakpalɛ nwu amaneɛ dɔɔnwo, noko Ɛdɛnkɛma ye ye fi ɔ muala anu.

Edwɛndolɛ Buluku ne 37:32

Amumuyɛnli bu tenlenenli anyehoanlɛ, na ɔbɔ mɔdenle kɛ ɔku ye.

Mrɛlɛbulɛ Buluku ne 1:16

ɔluakɛ bɛ gyakɛ ɛdudulɛ ne fa bɛ kɔ munzule nu, yɛɛ bɛle ahɔdiawu.

Mrɛlɛbulɛ Buluku ne 21:30

Nrɛlɛbɛ, ndelebɛbo, yɛɛ folɛdulɛ biala ɛnle ɛkɛ mɔɔ kola gyinla Ɛdɛnkɛma anyunlu a.

Ayezaya Buluku ne 54:17

noko akodeɛ biala mɔɔ bɛyɛ bɛatia wɔ la ɛnrɛyɛ kpalɛ ɛlɛ; yɛɛ awie biala mɔɔ kɛva edwɛkɛ kɛdo ɛ nwo zo la, ɛbaha wɔado ɔ nwo zo. Ɛdɛnkɛma sonvolɛma agyadeɛ, nee bɛ ti mɔɔ medie la a le ɛhye. Medame Ɛdɛnkɛma a mese a.”

Hozia Buluku ne 6:4

Na Ɛdɛnkɛma se, “O Yifelaemma, kɛ menyɛ bɛ ɛ? O Dwudama, kɛ menyɛ bɛ ɛ? Me nwo ɛhulolɛ mɔɔ bɛlɛ la le kɛ nwonlomɔ amungu, ɔle kɛ nwonlomɔ ɛbɔlɛ, ɔngyɛ na yeawe.

Edwɛkpa ne kɛmɔ Mateyu hɛlɛle la 10:23

Saa bɛyɛ bɛ kpɔdekpɔde wɔ sua ko azo a, bɛnriandi bɛhɔ mɔɔ doa ye la azo. Na meka meahile bɛ kɛ bɛnrɛwie Yizilayɛ azua ne mɔ amuala azo kɔ na Sonla Ra ne ara.

Edwɛkpa ne kɛmɔ Luku hɛlɛle la 4:30

Na Gyisɛse luale bɛ avinli ɛkɛ ne ala hɔle ye ɛleka bie.

Dw 10:39

Bɛyɛle ye bieko kɛ bɛkye ye, na ɔvile bɛ sa.

Kɛlata mɔɔ bɛhɛlɛle bɛhɔmanle Hibuluma la 11:34

bɛnluanle sendɔlɔra, yɛɛ bɛango bɛandɔ. Ɛnee bɛle bɛtɛɛ, noko bɛ nwo yɛle se; bɛ nwo yɛle ɛzulolɛ wɔ konle nu na bɛmanle nyɛvolɛ ɛlɔnema guale ndwɛlɛ aze.

1 Sam 18:10

Aleɛ hyenle la Nyamenle manle sunsum ɛtane bie dwule Sɔɔlo anwo zo, na ɔdeɛdeanle nu mgbane mgbane wɔ ye sua ne anu. Devidi bɔle ye sanwule ne, kɛmɔ ɔbɔ ye dɛba ne ala la. Mekɛ zɔhane ɛnee Sɔɔlo lɛ ye atwɛ ne ɔ sa nu.

1 Sam 18:11

Ɔvale adwenle kɛ, “Mebɛtɛ Devidi wɔ bane ne anwo.” Yemɔti ɔdole atwɛ ne fane nwiɔ na Devidi yele ɔ nwo ɛkɛ fane nwiɔ ne.

1 Sam 19:6

Sɔɔlo diele Dwɔnatan na ɔhanle ndane kɛ, “Sumunli kenle ala mɔɔ Ɛdɛnkɛma de aze la, bɛnrɛhu Devidi ɛlɛ.”

1 Sam 20:33

Na ɛkɛ ne ala Sɔɔlo dole atwɛ kɛ ɔku Dwɔnatan. Ɛhye manle Dwɔnatan nwunle ye wienyi kɛ ɔ ze ɛvua ɛtafe zolɛ kɛ ɔku Devidi.