1 Sam 18:9 - BAEBOLO ANZƐƐ BULUKU NWUANZANWUANZA

⁹ Na ɔvi kenle ko ne Sɔɔlo nyianle Devidi anwo adwenle ɛtane na ɔvuale ɔ ti.

1 Sam 18:9 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 31:2

Gyekɔbo eza nwunle kɛ Leeban ɛmbu ye, kɛmɔ alumua ne ɔbu ye la.

Mrɛlɛbulɛ Buluku ne 27:4

Ɛya ati yɛ se, yɛɛ ahyi yɛ ahyi, na nwane a kɛhola kɛgyinla nungule anyunlu a?

Nolo 4:4

Akee menwunle kɛ ɛvɛlɛ muala nee sonla asa anloa gyima kɔsɔɔti gyi sonla agɔnwo anwo anyebolo zo. Ɛhye noko le mgbane; ɔle kɛ ɛlɛkye anwoma la.

Edwɛkpa ne kɛmɔ Mateyu hɛlɛle la 20:15

Ɛkpondɛ wɔaze kɛ menlɛ adenle kɛ mefa me ezukoa meyɛ mɔɔ medame mekulo la ɔ? Anzɛɛ ɔyɛ wɔ anyebolo kɛ me ti akunlu le kpalɛ la ɔ?’ ”

Edwɛkpa ne kɛmɔ Maake hɛlɛle la 7:22

ɔfa nwuvolɛ, ɔyɛ anyebolo, ɔyɛ amumuyɛ, ɔbɔ adalɛ, ɔyɛ ahulomrenya anzɛɛ ahulomraalɛ, ɔdi nzisi, ɔyɛ ngunzi, ɔtu ɔ nwo na ɔyɛ ngoaseade a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:27

Bɛmmamaa Abɔnsam adenle.

Gyemise Kɛlata ne 5:9

Mediema, bɛmmatendɛ bɛ gɔnwo mɔ bɛ nzo abo, amaa bɛambua bɛdabɛ noko bɛ ndɛne. Ndɛnebuavolɛ ne ɛbikye, ɔgyi bɛ nlenkɛ ne mɔ anloa.

1 Sam 18:10

Aleɛ hyenle la Nyamenle manle sunsum ɛtane bie dwule Sɔɔlo anwo zo, na ɔdeɛdeanle nu mgbane mgbane wɔ ye sua ne anu. Devidi bɔle ye sanwule ne, kɛmɔ ɔbɔ ye dɛba ne ala la. Mekɛ zɔhane ɛnee Sɔɔlo lɛ ye atwɛ ne ɔ sa nu.

1 Sam 18:8

Sɔɔlo vale ɛya kpole, ɔluakɛ edwɛne ne agbɔkɛ ne mɔ anyɛ ye fɛ. Ɔzele kɛ, “Bɛva apenle apenle bulu bɛmaa Devidi, yɛɛ mame, bɛva apenle apenle ala a bɛmaa me a. Duzu bieko yɛɛ ɔwɔ kɛ ɔnyia a? Me belemgbunli maanle ne ala.”

1 Sam 19:1

Sɔɔlo zele ɔ ra Dwɔnatan nee ye sonvolɛma kɔsɔɔti kɛ bɛhu Devidi. Dwɔnatan ɛnee kulo Devidi edwɛkɛ kpalɛ.