1 Sam 18:8 - BAEBOLO ANZƐƐ BULUKU NWUANZANWUANZA

⁸ Sɔɔlo vale ɛya kpole, ɔluakɛ edwɛne ne agbɔkɛ ne mɔ anyɛ ye fɛ. Ɔzele kɛ, “Bɛva apenle apenle bulu bɛmaa Devidi, yɛɛ mame, bɛva apenle apenle ala a bɛmaa me a. Duzu bieko yɛɛ ɔwɔ kɛ ɔnyia a? Me belemgbunli maanle ne ala.”

1 Sam 18:8 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 37:11

Na akee ɔ mediema mrenya ne mɔ anye bolole ɔ nwo na ɔ ze ɛdeɛ, ɔvale edwɛkɛ ne ɔziele ɔ ti anu.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 37:8

Ɔ mediema ne mɔ bizale ye kɛ, “Ɛnee ɛdwenle kɛ ɛbali yɛ nwo zo belemgbunli ɔ? Anzɛɛ ɛdwenle kɛ wɔmɔ yɛɛ ɛbazie yɛ a?” Yemɔti ye ɛlalɛ ne mɔɔ ɔhanle nee ɔ nloa edwɛkɛ ne ati, bɛhyile ye bɔkɔɔ.

1 Arl 2:22

Belemgbunli ne bizale ɔ nli kɛ, “Duzu ati a ɛbiza Abehyage agyalɛ wɔamaa Adonaegya ɛ? Saa zɔhane ɛdeɛ a ɛnee die Yizilayɛ maanle ne amuala noko boka nwo maa Adonaegya ɛ. Yemɔ a ɔle adiema koatee a. Eza yeanga ye zɔhane, sɛlɛvolɛ Abayata nee Dwowabe wɔ ɔ nzi.”

Ɛseta Buluku ne 3:5

Heeman nwunle kɛ Mɔdekae amgba ɛmbɔ ɔ ti aze ɛmmaa ye, na ɛya hunle ye kpole.

Mrɛlɛbulɛ Buluku ne 13:10

Sonla mɔɔ ɛnde folɛ la mgbanyizonle ne fa ye kɔ ngyegyelɛ nu, na mɔɔ te folɛ la ze nrɛlɛbɛ.

Mrɛlɛbulɛ Buluku ne 27:4

Ɛya ati yɛ se, yɛɛ ahyi yɛ ahyi, na nwane a kɛhola kɛgyinla nungule anyunlu a?

Nolo 4:4

Akee menwunle kɛ ɛvɛlɛ muala nee sonla asa anloa gyima kɔsɔɔti gyi sonla agɔnwo anwo anyebolo zo. Ɛhye noko le mgbane; ɔle kɛ ɛlɛkye anwoma la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 11:1

Menli ne dendɛle Ɛdɛnkɛma bɛ nzo abo wɔ nyane mɔɔ ɔlɛkile bɛ la anwo. Ɛdɛnkɛma dele na ɔvale ɛya kpole ɔmanle senle radɔle bɛ avinli yelale azokoɛleɛ ne foa ko.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 22:34

Beelam buale kɛ, “Meyɛ ɛtane. Menze kɛ ɛgyi adenle ne anu kɛ ɛsi me aze. Na kɛkala, saa ɛnea na ɔnle kpalɛ kɛ mekɔ a, ɛnee mesia meahɔ sua nu.”

Gyemise Kɛlata ne 4:5

Bɛmmadwenle kɛ mɔɔ Nyamenle Edwɛkɛ ne ka la le mgbane. Ɔse, “Nyamenle twe ye Sunsum ne mɔɔ yeva yewula yɛ nu la anwo nungule.”

1 Sam 13:14

na kɛkala, wɔ belemgbunlililɛ ne ɛnrɛhɔ zolɛ bieko. Ɛdɛnkɛma ɛnyia sonla mɔɔ ɔdaye ɔkulo la, yeye ye kɛ ɔzie ye menli ne, ɔboalekɛ wɔdu ɔ nloa wɔdo.”

1 Sam 15:28

Na Samoɛle zele ye kɛ, “Ɛdɛnkɛma ɛza wɔ ɛlie Yizilayɛ belemgbunlililɛ ne ɛvi ɛ sa nu ɛnɛ na yeva yemaa sonla mɔɔ le kpalɛ tɛla wɔ la.

1 Sam 16:13

Samoɛle vale ɔlivi nwole ɛweɛne ko ne na ɔwolale ɔguale ɔ ti zo wɔ ɔ mediema ne mɔ anyunlu ɛkɛ. Ɛkɛ ne ala Ɛdɛnkɛma Sunsum ne dwule Devidi anwo zo na ɔvi mekɛ ne anu ɔhale ɔ nwo bɔkɔɔ. Na Samoɛle ziale hɔle Releema.

1 Sam 18:9

Na ɔvi kenle ko ne Sɔɔlo nyianle Devidi anwo adwenle ɛtane na ɔvuale ɔ ti.

1 Sam 19:1

Sɔɔlo zele ɔ ra Dwɔnatan nee ye sonvolɛma kɔsɔɔti kɛ bɛhu Devidi. Dwɔnatan ɛnee kulo Devidi edwɛkɛ kpalɛ.

1 Sam 20:31

Nwu ye wienyi kɛ, sumunli kenle ala mɔɔ Devidi de ngoane nu la, ɛnrɛnyia belemgbunli ɛnrɛli ye ɛlɛ wɔ maanle ɛhye anu. Maa bɛhɔva ye bɛrɛla ndɛndɛ na menye ye zo!”