1 Sam 18:6 - BAEBOLO ANZƐƐ BULUKU NWUANZANWUANZA

⁶ Mɔɔ Devidi hunle Filisitianli ne na bɛsia bɛara sua nu la, mraalɛ kɔsɔɔti mɔɔ wɔ Yizilayɛ azuamgbole ne mɔ azo la vindele vale akɛya ɛwozolɛ, edwɛnedolɛ yɛɛ agolezilɛ rayiale Belemgbunli Sɔɔlo.

1 Sam 18:6 ပူးပေါင်းရင်းမြစ်များ

2 Sam 1:20

Bɛmmabɔ ye nolo wɔ Gate, anzɛɛ Ahyekɛlɔn mgbata ne mɔ azo. Anrɛɛ Filisitia mraalɛ kɛli fɛlɛko, anrɛɛ mraalɛ mɔɔ ɛnze Nyamenle la anye kɛlie.

2 Sam 6:5

Na Devidi nee Yizilayɛma kɔsɔɔti bubule nya vale bɛ anwosesebɛ dole edwɛne, zile agole, bɔle getaa, akɛya, aweɛne, sɔnwosɔnwo yɛɛ ahenle yele Ɛdɛnkɛma ayɛlɛ.

Edwɛndolɛ Buluku ne 149:3

Bɛzi agole bɛye ye ayɛlɛ; bɛva ahenle nee getaa bɛye ye ayɛlɛ!

Edwɛndolɛ Buluku ne 68:11

Awulae dendɛle tumi nu; na menli mɔɔ vale edwɛkɛ ne hɔle la zonle.

Edwɛndolɛ Buluku ne 68:25

Edwɛndolɛma ne lumua, agolehanlɛma ne li bɛ nzi; mbɛlɛra mɔɔ wozo akɛya la li avinli.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 15:20

Na Nyamenle kpɔmanvolɛ raalɛ Meleam, Aalɔn adiema raalɛ ne vale akɛya, na mraalɛ ne mɔ kɔsɔɔti doale ye, wozole akɛya, zile agole.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 15:21

Meleam dole edwɛne manle bɛ kɛ: “Bɛdo edwɛne bɛyeyɛ Ɛdɛnkɛma, ɔluakɛ yeli konim anyunlunyia nu; ɛkpɔnwɔ nee ye kavolɛ ne, yevuandi bɛ yegua nyevile nu.”

Ayezaya Buluku ne 30:32

Mɔɔ Ɛdɛnkɛma ɛlɛfa ye ndeanlɛ baka ne abɔ Aseleama la ɛnee ye menli ne lɛ akɛya nee getaa ɛlɛdielie zolɛ. Nyamenle ɔdaye ɔbava tumi kpole yeaho yeamaa ye menli ne.

Maanlebuvolɛma Buluku ne 11:34

Akee Gyɛfeta ziale rale ye sua zo Mezepa, na nea, ɔ ra raalɛ ne bɔle akɛya, zile agole vi awuke ne anu vindele kɛ ɔkayia ɔ ze adenle. Ɔ ze ara ala ɛne. Ɔnlɛ ralɛ nrenya anzɛɛ ralɛ raalɛ bieko ɔmboka ɔ nwo.

1 Sam 18:5

Ɛzoanlɛ nee gyima biala mɔɔ Sɔɔlo vale manle Devidi la, ɔyɛle bɛ muala gyɛlɛɛnye; yemɔti Sɔɔlo yɛle ye safohyenle wɔ ye ɛlɔne ne anu. Awie biala, bɔbɔ Sɔɔlo sonvolɛma ne akunlu dwole fɔɔnwo wɔ Devidi gyinlabelɛ ne anwo.