1 Sam 18:16 - BAEBOLO ANZƐƐ BULUKU NWUANZANWUANZA

¹⁶ Na Yizilayɛma nee Dwudama ɛdeɛ bɛ kɔsɔɔti bɛhulole Devidi edwɛkɛ, ɔboalekɛ saleɛ doa ye.

1 Sam 18:16 ပူးပေါင်းရင်းမြစ်များ

2 Sam 5:2

Tete ne mɔɔ ɛnee Sɔɔlo a di yɛ belemgbunli la, wɔmɔ yɛɛ ɛ nee yɛ hɔle ɛ nee yɛ rale a; na Ɛdɛnkɛma zele wɔ kɛ, ‘Ɛbayɛ kɛ mboaneneavolɛ la, wɔanlea me menli Yizilayɛma na wɔali bɛ belemgbunli.’ ”

1 Arl 3:7

O Ɛdɛnkɛma, me Nyamenle, mele kakula somaa mɔɔ menze nwolɛ bie, noko wɔva me wɔzie belemgbunli, wɔ egya Devidi abo zo ne.

Ɛseta Buluku ne 10:3

Ɛnee saa ɛye Belemgbunli Zɛzɛse a, Dwuunli Mɔdekae a wɔ ɛkɛ a. Mɔdekae nyianle ɔ nyunlu na Dwuuma nee ɔ gɔnwo mɔ amuala hulole ye edwɛkɛ na bɛlile ye eni. Mɔdekae eza kpondɛle Dwuuma kpalɛyɛlɛ na ɔmanle bɛ nzo nu dwole bɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 27:17

mɔɔ kɛli bɛ nyunlu ɔ nee bɛ kɛhɔ, ɔ nee bɛ kɛra la, amaa menli ne anyɛ kɛ mboane mɔɔ ɛnlɛ neavolɛ la.”

Edwɛkpa ne kɛmɔ Luku hɛlɛle la 19:48

na bɛannyia nwolɛ adenle, ɔboalekɛ ɛnee menli ne amuala kulo kɛ bɛtie ye, amaa ye edwɛkɛ ne kpɔkɛ ko bɔbɔ andɛla bɛ nzo.

Edwɛkpa ne kɛmɔ Luku hɛlɛle la 20:19

Mɛla kilehilevolɛma ne nee sɛlɛvolɛ mgbanyinli ne mɔ yɛle kɛ bɛkye Gyisɛse ɛkɛ ne ala, ɔboalekɛ bɛze kɛ ɔbule ɛrɛlɛ ne ɔtiale bɛ; noko akee bɛzulole menli ne anye.

1 Sam 18:13

Yemɔti Sɔɔlo yele ye ɔ nwo ɛkɛ ne na ɔyɛle ye ɛlɔnema apenle safohyenle. Ɔ nee ye ɛlɔnema ne hɔle konle dɔɔnwo,

1 Sam 18:15

Mɔɔ Sɔɔlo nwunle kɛ debie biala anu Devidi ko tɔ zolɛ la, ɔ nwo yɛle ye ɛzulolɛ kpole.

1 Sam 18:5

Ɛzoanlɛ nee gyima biala mɔɔ Sɔɔlo vale manle Devidi la, ɔyɛle bɛ muala gyɛlɛɛnye; yemɔti Sɔɔlo yɛle ye safohyenle wɔ ye ɛlɔne ne anu. Awie biala, bɔbɔ Sɔɔlo sonvolɛma ne akunlu dwole fɔɔnwo wɔ Devidi gyinlabelɛ ne anwo.