1 Sam 18:14 - BAEBOLO ANZƐƐ BULUKU NWUANZANWUANZA

¹⁴ na ɔlile bɛ muala anu konim, ɔluakɛ Ɛdɛnkɛma nee ye lua.

1 Sam 18:14 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 39:23

Yeanvane nrenya ne mɔɔ nea pilizama anwo zo la anwo kɛ ɔkɛnlea debie mɔɔ bɛvale bɛwulale Dwosefi asa anu la, ɔboalekɛ ɛnee Ɛdɛnkɛma nee ye a lua a, yɛɛ debie biala mɔɔ ɔyɛle la, Ɛdɛnkɛma manle ɔyɛle kpalɛ.

2 Sam 5:10

Akee Devidi anwo yɛle ɛzulolɛ kpole kpalɛ, ɔboalekɛ Tumivolɛ Ɛdɛnkɛma Nyamenle ne nee ye lua.

2 Arl 18:7

Yemɔti ɛnee Ɛdɛnkɛma nee ye lua yɛɛ ɔkpazile wɔ debie biala mɔɔ ɔyɛle la anu. Ɔdele Aselea belemgbunli ne anwo atua na ɔkpole kɛ ɔkɛboa belemgbunli ne abo.

1 Edk 18:13

Ɔyɛle ye ɛlɔnema azokoɛleɛ dɔɔnwo wɔ Yidɔm amuala, na ɔmanle menli mɔɔ wɔ maanle ne anu la yɛle Belemgbunli Devidi ngɛkɛlɛ. Ɛdɛnkɛma manle Devidi lile konim wɔ ɛleka biala.

1 Edk 18:6

Akee ɔvale ɛlɔnema ɔhɔguale bɛ azɛlɛ ne azo ɔmanle menli ne yɛle ye ngɛkɛlɛ na bɛduale adwule bɛmanle ye. Ɛdɛnkɛma manle Devidi lile konim wɔ konle biala anu.

2 Edk 17:3

Ɛdɛnkɛma nee Gyɛhɔhyafate luale, ɔboalekɛ ɔbɔle ɔ ze Esa ɛbɛla ne mɔɔ ɔlumuale ɔbɔle la bie, yeandoa bozonle Beeyale ne mɔ abo zo.

Edwɛndolɛ Buluku ne 101:2

Mebalua adenle mɔɔ ngehanleɛ ɛnle nwo la anu; O, kenlenzu yɛɛ ɛkɛra me nwo a? Mebava pɛlepɛlelilɛ meadɛnla me sua nu.

Edwɛkpa ne kɛmɔ Mateyu hɛlɛle la 1:23

“Bɛlɛra mɔɔ ɛnze nrenya la banrenzɛ awo ralɛ nrenya na bɛbavɛlɛ ye Yemanoɛle.” (Ɔ bo a le “Nyamenle nee yɛ de.”)

Edwɛkpa ne kɛmɔ Mateyu hɛlɛle la 28:20

na bɛhilehile bɛ bɛmaa bɛli debie biala mɔɔ meha mehile bɛ la azo. Na bɛhakye kɛ me nee bɛ lua dahuu, kɔkpula ewiade awieleɛ.”

Ɛzoanvolɛma Gyima ne 18:10

na mezua ɛ nzi. Awie biala ɛnrɛhola wɔ ɛhwee yɛ, ɔluakɛ menli dɔɔnwo wɔ sua ye azo mɔɔ bɛle me ɛdeɛ a.”

Dwɔhyua Buluku ne 6:27

Na Ɛdɛnkɛma nee Dwɔhyua luale, na ye nganeɛ hɔle maanle ne anu ɛleka biala.

Maanlebuvolɛma Buluku ne 1:19

Ɛdɛnkɛma lile Dwuda anzi manle ɔvale maanle ne mɔɔ gua awoka ne mɔ azo la amuala, noko yeangola menli mɔɔ wɔ fienemgbole ne anu la tu, ɔluakɛ bɛlɛ mbulalɛ ehwili mɔɔ bɛfa bɛko la.

1 Sam 10:7

Saa sɛkɛlɛneɛ ɛhye mɔ sisi a, debie biala mɔɔ Nyamenle kɛze wɔ kɛ ɛyɛ la, yɛ. Ɔluakɛ Nyamenle nee wɔ a lua a.

1 Sam 16:18

Mgbavolɛ ne mɔ ko zele kɛ, “Gyɛsi mɔɔ vi Bɛtelɛhɛm la amra mrenya ne mɔ ko ze ye bɔ kpalɛ kpalɛ. Ɔle sonla mɔɔ te kpɔkɛ, ɔ nwo yɛ fɛ, ɔze konle nye zo kpalɛ, ɔ nloa ɛde, yɛɛ Ɛdɛnkɛma Sunsum ne wɔ ye nu.”

1 Sam 18:15

Mɔɔ Sɔɔlo nwunle kɛ debie biala anu Devidi ko tɔ zolɛ la, ɔ nwo yɛle ye ɛzulolɛ kpole.

1 Sam 19:8

Konle zile Yizilayɛma nee Filisitiama avinli bieko. Devidi nee ye ɛlɔnema ne lile Filisitiama anwo zo konim bɔkɔɔ. Bɛhunle Filisitiama dɔɔnwo kpalɛ, na mɔɔ hale la guale ɛbɔ nu.

1 Sam 3:19

Samoɛle dule zolɛ; Ɛdɛnkɛma nee ye luale na ɔmanle edwɛkɛ biala mɔɔ Samoɛle hanle la yɛle nɔhalɛ.