1 Sam 18:12 - BAEBOLO ANZƐƐ BULUKU NWUANZANWUANZA

¹² Sɔɔlo sulo Devidi kpole, ɔluakɛ Ɛdɛnkɛma Sunsum ne ɛva Devidi na Sɔɔlo ɛdeɛ ne ɛvi ɔ nwo.

1 Sam 18:12 ပူးပေါင်းရင်းမြစ်များ

2 Sam 5:10

Akee Devidi anwo yɛle ɛzulolɛ kpole kpalɛ, ɔboalekɛ Tumivolɛ Ɛdɛnkɛma Nyamenle ne nee ye lua.

2 Edk 17:3

Ɛdɛnkɛma nee Gyɛhɔhyafate luale, ɔboalekɛ ɔbɔle ɔ ze Esa ɛbɛla ne mɔɔ ɔlumuale ɔbɔle la bie, yeandoa bozonle Beeyale ne mɔ abo zo.

Edwɛndolɛ Buluku ne 51:11

Mmafuandi me ɛto, yɛɛ mmaye wɔ Sunsum Nwuanzanwuanza ne ɛfi me nu.

Edwɛndolɛ Buluku ne 53:5

Bɛmɛ a ɛzulolɛ kpole ɛha bɛ la. ɛzulolɛ mɔɔ bɛtɛnwunle bie ɛlɛ la ɛha bɛ! Ɔluakɛ Nyamenle babubu bɛdabɛ mɔɔ bɛnzonle ye la mbowule nu; nyiane bahu bɛ, ɔluakɛ Nyamenle ɛkpo bɛ.

Hozia Buluku ne 9:12

Saa bɛwo mralɛ bɔbɔ a, mebahu bɛ kɔsɔɔti; menrɛgyakyi ko bɔbɔ. Saa mefi bɛ avinli meye me nwo a, munzule baha bɛ!”

Edwɛkpa ne kɛmɔ Mateyu hɛlɛle la 25:41

“Akee mebaze bɛdabɛ mɔɔ bɛwɔ me sa bɛne zo la kɛ, ‘Bɛvi me nwo ɛke bɛhɔ, munzule menli! Bɛhɔ senle ne mɔɔ ɛnnu ɛlɛ, mɔɔ ɔvi ewiade abobɔlɛ bɛhua bɛmaa Abɔnsam nee ye soanvolɛma la anu!

Edwɛkpa ne kɛmɔ Maake hɛlɛle la 6:20

Hɛlɔdo zulole, ɔboalekɛ Dwɔn le sonla mɔɔ ye ɛbɛla tenrɛ na ɔ nwo te a, yemɔti ɔvale ye ɔziele kpalɛ. Ɔhulole kɛ ɔkɛdie Dwɔn anloa edwɛkɛ, noko kenle mɔɔ ɔkɛdie ye la ɛnee ɔ ti akunlu ɛzɛkye bɔkɔɔ.

Edwɛkpa ne kɛmɔ Luku hɛlɛle la 8:37

Ɛzulolɛ kpole mɔɔ hanle Gɛlasa maanlema la manle bɛzele Gyisɛse kɛ ɔvi bɛ maanle ne anu ɔhɔ. Yemɔti Gyisɛse vole ɛlɛne nu kɛ ɔkɔ.

Ɛzoanvolɛma Gyima ne 24:25

Pɔɔlo noko hɔle zolɛ, na mɔɔ ɔka boɛlilɛ, bɛ nwo zo ɛhomonlɛ, yɛɛ Ndɛnebualɛ Kenle ne mɔɔ bara la anwo edwɛkɛ la, Filekese ahonle dule na ɔzele kɛ, “Yeyɛ boɛ, kɔ. Saa menyia alagye a mebazoa meamaa bɛarava wɔ bieko.”

Ɛzoanvolɛma Gyima ne 7:9

“Dwosefi anwo yɛle ɔ mediema ne mɔ ɛya na ɔlua zolɛ bɛdɔnenle ye kɛ kanra bɛmanle bɛ nee ye hɔle Yigyibiti, na Nyamenle lile ɔ nzi,

Maanlebuvolɛma Buluku ne 1:19

Ɛdɛnkɛma lile Dwuda anzi manle ɔvale maanle ne mɔɔ gua awoka ne mɔ azo la amuala, noko yeangola menli mɔɔ wɔ fienemgbole ne anu la tu, ɔluakɛ bɛlɛ mbulalɛ ehwili mɔɔ bɛfa bɛko la.

Maanlebuvolɛma Buluku ne 16:20

Dɛlaela zele ye kɛ, “Samesɛn, Filisitiama ɛva wɔ aze!” Ɔvi nafelɛ nu ɔdwazole na ɔhanle kɛ, “Mefinde meahɔkpundi me nwo, kɛmɔ meyɛ ye dɛba ne ala la.” Ɛnee ɔnze kɛ Ɛdɛnkɛma ɛhwe ɔ nwo ɛvi ɔ nwo.

1 Sam 16:18

Mgbavolɛ ne mɔ ko zele kɛ, “Gyɛsi mɔɔ vi Bɛtelɛhɛm la amra mrenya ne mɔ ko ze ye bɔ kpalɛ kpalɛ. Ɔle sonla mɔɔ te kpɔkɛ, ɔ nwo yɛ fɛ, ɔze konle nye zo kpalɛ, ɔ nloa ɛde, yɛɛ Ɛdɛnkɛma Sunsum ne wɔ ye nu.”

1 Sam 16:4

Samoɛle diele mɔɔ Ɛdɛnkɛma hanle hilele ye la na ɔhɔle Suakpole Bɛtelɛhɛm azo. Mgbanyima ne vale sulosulo rayiale ye, na bɛbizale ye kɛ, “Ɛrale ye anzonudwolɛ nu ɔ?”

1 Sam 18:15

Mɔɔ Sɔɔlo nwunle kɛ debie biala anu Devidi ko tɔ zolɛ la, ɔ nwo yɛle ye ɛzulolɛ kpole.

1 Sam 18:20

Sɔɔlo ara raalɛ Maekale hulole Devidi kpole. Mɔɔ bɛhanle bɛhilele Sɔɔlo la ɔ nye liele nwolɛ somaa.

1 Sam 18:29

ɔzulole ye kpole kpalɛ, na ɔyɛle Devidi anwo ɛlɔne.

1 Sam 20:13

Saa ɔlɛ ɛ nwo adwenle ɛtane biala na meammaa wɔande, na eza meanlie wɔ ngoane a, Ɛdɛnkɛma ɛdua me kakɛ ɛgua me bie zo. Ɛdɛnkɛma nee wɔ ɛlua, kɛmɔ ɔ nee egya lua la.

1 Sam 22:13

Sɔɔlo bizale ye kɛ, “Duzu ati yɛɛ ɛdawɔ nee Gyɛsi ara ne bɛhɔ me ti akpamo, bɔbɔ wɔmaa ye kpanwo nee konle dadeɛ, na eza wɔbiza ɔ ti wɔ Ɛdɛnkɛma ɛkɛ ne wɔmaa ye, amaa ɔlua zolɛ ɔlɛko yeatia me, na sumunli kɛ de la yedɛ me toonwo yeradwu ɛnɛ, ɔkpondɛ me yeahu me a?”

1 Sam 28:15

Akee Samoɛle zele Sɔɔlo kɛ, “Duzu ati yɛɛ wɔgyegye me zɛhae wɔmaa mezia mera ɛke bieko ɛ?” Sɔɔlo buale ye kɛ, “Kɛkala, edwɛkɛ ɛdo me, ɔluakɛ Filisitiama ɛlɛfa konle aradoa me. Mebiza Nyamenle nwolɛ bie, na yeanga me ɛlalɛ yɛɛ yeammaa Nyamenle kpɔmanvolɛ bie ambua nwolɛ fee. Yemɔti yɛɛ mevɛlɛ wɔ a, amaa wɔaha mɔɔ ɔwɔ kɛ meyɛ la wɔahile me.”

1 Sam 3:19

Samoɛle dule zolɛ; Ɛdɛnkɛma nee ye luale na ɔmanle edwɛkɛ biala mɔɔ Samoɛle hanle la yɛle nɔhalɛ.