1 Sam 18:10 - BAEBOLO ANZƐƐ BULUKU NWUANZANWUANZA

¹⁰ Aleɛ hyenle la Nyamenle manle sunsum ɛtane bie dwule Sɔɔlo anwo zo, na ɔdeɛdeanle nu mgbane mgbane wɔ ye sua ne anu. Devidi bɔle ye sanwule ne, kɛmɔ ɔbɔ ye dɛba ne ala la. Mekɛ zɔhane ɛnee Sɔɔlo lɛ ye atwɛ ne ɔ sa nu.

1 Sam 18:10 ပူးပေါင်းရင်းမြစ်များ

1 Arl 18:29

Sɛnzɛne ne kpalile la, bɛdeɛdeanle nuhua mgbole mgbole bie, noko bɛanyia mualɛ, bɛande nganeɛ yɛɛ awie ampili bɛ toonwo kɛyɛ sɛnzɛngyinla nee aledwolɛ muleɛ nu.

1 Arl 22:12

Nyamenle kpɔmanvolɛma ne mɔ amuala nrɛlaleɛ ne hɔle ko kɛ, “Bɛhɔ Releemɔto mɔɔ wɔ Geleade la bɛhɔho. Ɛdɛnkɛma bamaa bɛali konim.”

Gyɛlɛmaya Buluku ne 28:11

Na Hananaya dendɛle wɔ menli ne amuala anyunlu ɛkɛ zele kɛ, “Ɛdɛnkɛma se: Ɛvolɛ nwiɔ mekɛ nu, kɛ mebazi meabubu Babelonia Belemgbunli Nɛbukadenɛza gyɛnvayile ne mɔɔ gua maanle maanle kɔsɔɔti akɔme la ɛne.” Na Nyamenle Kpɔmanvolɛ Gyɛlɛmaya hɔle ye ɛleka bie.

Ɛzoanvolɛma Gyima ne 16:16

Kenle ko yɛlɛkɔ ɛleka mɔɔ bɛyɛ nzɛlɛlɛ la, yɛyiale kanranli bɛlɛra bie mɔɔ di ahɔne na ɔlua ye munzule ɛbɔlɛ zo ɔ menle mɔ ɛnyia bɛ nwo ninyɛne nee ezukoa la.

2 Tɛs 2:11

Ɔlua ɛhye ati, Nyamenle bazoa nvonleɛ tumi ne yeamaa yearayɛ gyima wɔ bɛ nu, amaa bɛalie mɔɔ le adalɛ la bɛali.

Maanlebuvolɛma Buluku ne 16:20

Dɛlaela zele ye kɛ, “Samesɛn, Filisitiama ɛva wɔ aze!” Ɔvi nafelɛ nu ɔdwazole na ɔhanle kɛ, “Mefinde meahɔkpundi me nwo, kɛmɔ meyɛ ye dɛba ne ala la.” Ɛnee ɔnze kɛ Ɛdɛnkɛma ɛhwe ɔ nwo ɛvi ɔ nwo.

1 Sam 16:23

Ɔvi mekɛ zɔhane, mekɛ biala mɔɔ Nyamenle kɛmaa sunsum ɛtane ne kɛdwu Sɔɔlo anwo zo la, Devidi bɔ sanwule ne na Sɔɔlo anwo tɔ ye.

1 Sam 18:9

Na ɔvi kenle ko ne Sɔɔlo nyianle Devidi anwo adwenle ɛtane na ɔvuale ɔ ti.

1 Sam 19:10

Sɔɔlo dole ye atwɛ ne kɛ ɔbɛtɛ Devidi wɔ bane ne anwo. Devidi yele ɔ nwo ɛkɛ, na atwɛ ne hɔminle bane ne anu. Devidi nriandile vindele na ɔyele ɔ nwo zo.

1 Sam 19:7

Dwɔnatan vɛlɛle Devidi na ɔhanle edwɛkɛ ne kɔsɔɔti ɔhilele ye. Ɔvale Devidi ɔhɔle ɔ ze anyunlu, na Sɔɔlo nee ye dɛnlanle, na Devidi zonlenle belemgbunli ne kɛ dɛba ne ala la.

1 Sam 19:9

Ɛdɛnkɛma manle sunsum ɛtane ne dwule Sɔɔlo anwo zo bieko. Ɛnee ɔde ye sua ne anu na ɔlɛ ye atwɛ ne ɔ sa nu; Devidi noko ɛlɛbɔ ye sanwule ne.

1 Sam 26:19

Nana, yɛ ɛnzolɛ tie me. Saa Ɛdɛnkɛma yɛɛ ɛmaa ɛlɛtu me mgbaliko ɛhye a, ɛnee azubɔlɛ bamaa yeahakyi ye adwenle; na saa ɔle menli ngyehyɛlɛ ɛdeɛ a, ɛnee Ɛdɛnkɛma ɛdua bɛ kakɛ, ɔluakɛ bɛvoa me bɛvi Ɛdɛnkɛma ɛzonlenlɛ ne anwo, na bɛmaa mehɔ ɛleka mɔɔ bɛnzonle Nyamenle la.