1 Sam 17:8 - BAEBOLO ANZƐƐ BULUKU NWUANZANWUANZA

⁸ Golayate vindele radeanle nu zele Yizilayɛma kɛ, “Duzu ati yɛɛ bɛra bɛ nee yɛ baho a? Mame, mele Filisitianli, na bɛmɛ, bɛle Sɔɔlo ahanra! Bɛdabɛ bɛye bɛ sonla mɔɔ le katakyie la bɛmaa ɔ nee me yɛva konle ne yɛbɔ zolɛ.

1 Sam 17:8 ပူးပေါင်းရင်းမြစ်များ

2 Sam 11:11

Yulaya buale kɛ, “Nana, Yizilayɛma nee Dwudama wɔ konle nloa. Nyamenle Ngyekyeleɛ Ɛlɛka ne nee bɛ a wɔ lɔ a; me Safohyenle Kpanyinli Dwowabe nee ye boavolɛma la kpatawienyi nu. Duzu ati a ɔwɔ kɛ mame mekɔ sua nu, mekɔdi meno, na me nee me ye da ɛ? Meka ɛ ti metane wɔ kɛ menrɛyɛ nyɛleɛ mɔɔ le zɛhae la fee.”

1 Edk 21:3

Dwowabe buale kɛ, “Yɛsɛlɛ kɛ Ɛdɛnkɛma ɛmaa ye menli ne ɛzo ɛyɛ mɔnwo fane ɛya ɛdɛla kɛmɔ ɛnɛ bɛde la. Nana, menli ne kɔsɔɔti le wɔ menli. Duzu ati yɛɛ ɛkulo kɛ ɛmaa bɛtia bɛ na yɛfa ndeanlɛ yɛba yɛ nwo zo ɛ?”

1 Sam 17:23

Mɔɔ ɔ nee bɛ ɛlɛtendɛ la, Golayate vi Filisitiama avinli ragyinlanle ɔ bo zo ne na ɔdeanle nu kɛ ɔkpondɛ nrenya aye ɔ nyunlu nee ye araho. Ɔhehanle edwɛkɛ mɔɔ ɔkeha ye dɛba la. Na Devidi dele.

1 Sam 17:26

Devidi bizale menli mɔɔ gyigyi ɔ nwo ɛkɛ ne la kɛ, “Duzu ahyɛlɛdeɛ a sonla mɔɔ kɛhu Filisitianli ye na ɔkɛlie Yizilayɛma ɔkɛvi anyiemgba ɛhye anu la banyia a? Ɔluakɛ, Filisitianli ɛhye mɔɔ ɛnze Nyamenle la a le nwane, mɔɔ ɔdaye bɔbɔ ɔwɔ kɛ ɔko ɔtia tease Nyamenle ne ɛlɔnema a?”

1 Sam 8:17

Ɔbahyɛ awie biala nyɛmoa ne mɔ anu bulu yeadu ɛkpɔ ko, na bɛdabɛ mumua ne, ɔbayɛ bɛ ye ahanra.