1 Sam 17:53 - BAEBOLO ANZƐƐ BULUKU NWUANZANWUANZA

⁵³ Akee Yizilayɛma gyakyile bɛ ɛvoanlɛ na bɛziale bɛrale Filisitiama azokoɛleɛ ne, bɛravulovulale bɛ ninyɛne ne mɔ kɔsɔɔti bɛhɔle.

1 Sam 17:53 ပူးပေါင်းရင်းမြစ်များ

2 Sam 23:10

na ɔgyinlanle ɔ gyakɛ anu kpundii ɔ nee Filisitiama honle toonwo ɔ sa nyianle mɔɔ ɛnee akee ɔgyakyi dadeɛ ne anu a ɔnyɛ boɛ a. Ɛdɛnkɛma lile konim kenle ko ne. Konle ne wiele la, Yizilayɛma ziale hɔle ɛleka mɔɔ Ɛlieza wɔ la na bɛhɔyeyele avunli ne mɔ konle adɛladeɛ ne mɔ.

Gyɛlɛmaya Buluku ne 30:16

Yemɔti menli mɔɔ kɛzɛkye bɛ la, bɛbazɛkye bɛdabɛ, yɛɛ bɛbahye bɛ kpɔvolɛma amuala nuokɛ; menli mɔɔ kɛkpokpo bɛ la, bɛkɛkpokpo bɛdabɛ, yɛɛ menli mɔɔ kɛve bɛ anwonyia la, mebamaa bɛave bɛdabɛ bɛ ɛdeɛ.

Gyɛlɛmaya Buluku ne 4:20

Anwubɛnyunlu doa anwubɛnyunlu, maanle ne ɛbɔ bɔkɔɔ. Arɛlevilɛ nu, me ndanlɛ azua ne mɔ ɛzɛkye; me mgbɛnu ndanlɛ ne mɔ ɛtete nzokanzoka.

1 Sam 17:52

Na Yizilayɛma nee Dwudama vale fɛlɛkolilɛ nee ɛwudolɛ voanle Filisitiama ndinlizo toonwo bɛhɔdwule Gate yɛɛ Ɛkelɔn nlenkɛ mgbole ne mɔ anloa. Adenle ne mɔɔ vi Gate kɔ Ɛkelɔn nee Hyeeyaleeyem la anu yɛle avunli ngome.

1 Sam 17:54

Na Devidi vale Golayate ati ne hɔle Gyɛlusalɛm, na ɔgyakyile Golayate konle ninyɛne ne mɔ wɔ ɔdaye ye ɛdanlɛ sua ne anu.

1 Sam 19:5

Ɔvale ye ngoane ɔdole nzeleba ɔhunle Golayate, na Ɛdɛnkɛma lile konim manle Yizilayɛma kɔsɔɔti. Ɛnwunle ye la, ɛlile fɛlɛko, na duzu ati bɔbɔ yɛɛ akee ɛkpondɛ kɛ ɛku Devidi mgbane gyɛne ne ala, ɛka mogya mɔɔ ɛnli fɔlɛ la ɛgua ɛ?”