1 Sam 17:51 - BAEBOLO ANZƐƐ BULUKU NWUANZANWUANZA

⁵¹ Akee Devidi nriandile hɔvole gyinlanle Golayate anwo zo, ɔhwenle Golayate mumua ne dadeɛ ne wɔ ye boa ne anu, na ɔvale ɔpɛle Golayate ati. Mɔɔ Filisitiama nwunle kɛ bɛhu bɛ sonla anwo ɛzulolɛ ne mɔɔ li bɛ ti la, bɛguale ɛbɔ nu.

1 Sam 17:51 ပူးပေါင်းရင်းမြစ်များ

2 Sam 23:21

Eza ɔhunle Yigyibitinli nrenya anwo fɛlɛko bie. Ɛnee Yigyibitinli ne lɛ atwɛ. Bɛnaya lɛ kokolobaka ala; ɔzale Yigyibitinli ne ɔliele ye atwɛ ne na ɔvale ɔwɔle ye ɔhunle ye.

2 Sam 4:7

Mɔɔ bɛwolole la bɛnwunle kɛ Yehyebɔhyɛte ɛlafe, bɛhunle ye, na bɛpɛle ɔ ti. Bɛvale ɔ ti ne bɛluale Dwɔdan Bɔnza, nɔe ne bɛdiale toonwo

Ɛseta Buluku ne 7:10

Na bɛvale Heeman bɛhɔzinzele ɛhuleka ne mɔɔ ɔmanle bɛzieziele kɛ ɔbava yeahu Mɔdekae la azo. Na akee belemgbunli ne akunlu dwole fɔɔnwo.

Kɛlata mɔɔ bɛhɛlɛle bɛhɔmanle Hibuluma la 11:34

bɛnluanle sendɔlɔra, yɛɛ bɛango bɛandɔ. Ɛnee bɛle bɛtɛɛ, noko bɛ nwo yɛle se; bɛ nwo yɛle ɛzulolɛ wɔ konle nu na bɛmanle nyɛvolɛ ɛlɔnema guale ndwɛlɛ aze.

Kɛlata mɔɔ bɛhɛlɛle bɛhɔmanle Hibuluma la 2:14

Zɔhane ati kɛmɔ ngakula ne mɔ le nwonane nee mogya la, Gyisɛse ɔdaye ɔyɛle ɔ nwo kɛ bɛdabɛ la na ɔnyianle bɛ nwonane ne bie, amaa yealua ye ewule zo yeazɛkye Abɔnsam, mɔɔ ɛnee lɛ tumi wɔ ewule nwo zo la,

1 Sam 17:50

Yemɔti, Devidi vale totoabɔ mgbane hunle Golayate na ɔlile ɔ nwo zo konim. Devidi anva dadeɛ, ɔvale ɔ sa mgbane.

1 Sam 21:10

Yemɔti Devidi vile ɛkɛ ne, ɔnriandile Sɔɔlo na ɔhɔle Gate Belemgbunli Ekehye anwo lɔ.

1 Sam 21:9

Sɛlɛvolɛ ne zele kɛ, “Filisitianli Golayate mɔɔ ɛhunle ye wɔ Yila Bɔnza la dadeɛ ne kyekye ɛdanlɛ nu gyi ɛleka mɔɔ sɛlɛvolɛma tɛladeɛ Yifɔdo ne henda la. Saa ɛkulo a, fa yemɔ, ɔluakɛ dadeɛ gyɛne biala ɛnle ɛke.” Devidi zele kɛ, “Dadeɛ biala nee ye ɛnzɛ; fa maa me.”

1 Sam 31:9

Bɛpɛle Sɔɔlo ati, bɛyele ye konle tɛladeɛ ne, na bɛzoanle menli bɛmanle bɛhɔkpɔsale Filisitia maanle ne anu kɔsɔɔti kɛ bɛva amaneɛ fɛlɛko ɛhye bɛhɔbɔ bɛ menli ne nee bɛ mmonle ne mɔ.