1 Sam 17:50 - BAEBOLO ANZƐƐ BULUKU NWUANZANWUANZA

⁵⁰ Yemɔti, Devidi vale totoabɔ mgbane hunle Golayate na ɔlile ɔ nwo zo konim. Devidi anva dadeɛ, ɔvale ɔ sa mgbane.

1 Sam 17:50 ပူးပေါင်းရင်းမြစ်များ

Maanlebuvolɛma Buluku ne 15:15

Na ɔ nye bɔle asoaso awudwelɛ bowule amolɛ zo, na ɔvale ɔhunle menli apenle.

Maanlebuvolɛma Buluku ne 3:31

Sonla bieko mɔɔ dwazole Yihɛde anzi lile Yizilayɛma ati la a le Enate ara Hyamega. Ɔdaye noko ɔvale baka mɔɔ bɛfa bɛka nlankɛ la ɔhonle ɔhunle Filisitiama ɛya nsia na ɔliele Yizilayɛma.

1 Sam 13:22

Yemɔti kenle ne mɔɔ konle ne zile la, ɛnee Sɔɔlo ɛlɔnema ne biala ɛnlɛ konle debie biala kɛ Sɔɔlo nee ɔ ra Dwɔnatan ala.

1 Sam 17:39

Devidi vale Sɔɔlo konle dadeɛ ne zianle ɔ nwo. Ɔhyehyɛle ɔ nwo bɔkɔɔ ɔwiele la, yeangola ɔ gyakɛ ko bɔbɔ tu. Na ɔzele Sɔɔlo kɛ, “Metɛfale konle ninyɛne ɛhye mɔ bie metɛsieziele me nwo ɛlɛ, yemɔti mefa mekɔ konle ne a, ɔnrɛyɛ boɛ.” Na Devidi kpolokpolole bɛ guale.

1 Sam 17:49

Devidi yele bozane ko ye kodoku ne anu, ɔvale ɔwulale ye totoabɔ ne anu, ɔdole ɔbɔle Golayate. Bolɛ ne yiale ɔ nwoma azo na ɔminle ɔhɔle nu. Golayate dule dɔle aze mutule nu.

1 Sam 17:51

Akee Devidi nriandile hɔvole gyinlanle Golayate anwo zo, ɔhwenle Golayate mumua ne dadeɛ ne wɔ ye boa ne anu, na ɔvale ɔpɛle Golayate ati. Mɔɔ Filisitiama nwunle kɛ bɛhu bɛ sonla anwo ɛzulolɛ ne mɔɔ li bɛ ti la, bɛguale ɛbɔ nu.

1 Sam 19:5

Ɔvale ye ngoane ɔdole nzeleba ɔhunle Golayate, na Ɛdɛnkɛma lile konim manle Yizilayɛma kɔsɔɔti. Ɛnwunle ye la, ɛlile fɛlɛko, na duzu ati bɔbɔ yɛɛ akee ɛkpondɛ kɛ ɛku Devidi mgbane gyɛne ne ala, ɛka mogya mɔɔ ɛnli fɔlɛ la ɛgua ɛ?”

1 Sam 21:9

Sɛlɛvolɛ ne zele kɛ, “Filisitianli Golayate mɔɔ ɛhunle ye wɔ Yila Bɔnza la dadeɛ ne kyekye ɛdanlɛ nu gyi ɛleka mɔɔ sɛlɛvolɛma tɛladeɛ Yifɔdo ne henda la. Saa ɛkulo a, fa yemɔ, ɔluakɛ dadeɛ gyɛne biala ɛnle ɛke.” Devidi zele kɛ, “Dadeɛ biala nee ye ɛnzɛ; fa maa me.”

1 Sam 23:21

Na Sɔɔlo zele kɛ, “Ɛdɛnkɛma ɛyila bɛ kɛ bɛyɛ nyele ɛhye bɛmaa me a.