1 Sam 17:47 - BAEBOLO ANZƐƐ BULUKU NWUANZANWUANZA

⁴⁷ na menli mɔɔ ɛyia ɛke la kɔsɔɔti anwu kɛ Ɛdɛnkɛma ɛnva dadeɛ nee atwɛ a die ye menli a, ɔluakɛ konle ne le ye ɛdeɛ, na Ɛdɛnkɛma baye bɛ kɔsɔɔti amaa yɛ.”

1 Sam 17:47 ပူးပေါင်းရင်းမြစ်များ

2 Arl 5:15

Yemɔti ɔziale ɔrale Yilaehya ɛkɛ ne na ɔhanle kɛ, “Kɛkala, akee menwu kɛ Nyamenle ɛnle ɛleka biala kɛ Yizilayɛ ala; zɔhane ati, yɛmenle, die me sa nu ahyɛlɛdeɛ.”

2 Edk 14:11

Na Belemgbunli Esa zɛlɛle Ɛdɛnkɛma ye Nyamenle ne kɛ, “O Ɛdɛnkɛma, awie biala ɛnle ɛkɛ mɔɔ kola boa, kɛ ɛdawɔ ala yɛɛ ɛkɛgyinla tumima nee koahweabanema avinli a. Boa yɛ, O Ɛdɛnkɛma yɛ Nyamenle, ɔluakɛ wɔmɔ yɛɛ yɛ rɛle wɔ wɔ nu a, yɛɛ wɔ duma nu a yɛra yɛbadoa menli pemgbenleamgbe ɛhye mɔ yɛ nee bɛ aho a. O Ɛdɛnkɛma, wɔmɔ a ɛle yɛ Nyamenle a. Mmamaa dasanli di ɛ nwo zo konim.”

Edwɛndolɛ Buluku ne 46:11

Tumivolɛ Ɛdɛnkɛma nee yɛ de; Gyekɔbo Nyamenle ne le yɛ ɛvealeka.

Ayezaya Buluku ne 9:7

Ye maanlebulɛ ne bahɔ zo melɛ mɔɔ ɛnlɛ awieleɛ; ye maanlema anzo nu badwo bɛ dahuu. Ɔbali ye ebia ne kɛ yeli Belemgbunli Devidi agya, yeava nɔhalɛlilɛ nee pɛlepɛlelilɛ yeabu ye maanle ne, ɔvi ɛnɛ mɔɔ kɔ nee mekɛ mɔɔ ɛnlɛ awieleɛ. Tumivolɛ Ɛdɛnkɛma ɛbɔ kpɔkɛ kɛ ɔbayɛ ɛhye.

Hozia Buluku ne 1:7

Mebaze Dwudama anwunvɔne, medame, Ɛdɛnkɛma bɛ Nyamenle, mebalie bɛ ngoane, na tɛ konle nu ɔ, menrɛva konle dadeɛ anzɛɛ ɛda nee ɛda mbaka anzɛɛ mgbɔnwɔ nee menli mɔɔ ka mgbɔnwɔ la.”

Zɛkalaya Buluku ne 4:6

Na ɔzele me kɛ, “Edwɛkɛ mɔɔ Ɛdɛnkɛma ɛlɛka ahile Zɛlubabɛle la ɛne: Tɛ anwosesebɛ anzɛɛ tumi, na me Sunsum ne yɛɛ ɛbava wɔali konim a, medame Tumivolɛ Ɛdɛnkɛma a mese a.

Wulo 8:31

Saa ɔle zɛhae ɛdeɛ a, ɛnee akee kɛ yɛzi yɛha ye ɛ? Saa Nyamenle gyi yɛ nzi a nwane a kɛhola yɛ a?

Wulo 8:37

Kyɛkyɛ, wɔ ninyɛne ɛhye mɔ kɔsɔɔti anu, yɛlua mɔɔ hulole yɛ la anwo zo yɛdi konim!

Dwɔhyua Buluku ne 10:8

Ɛdɛnkɛma zele Dwɔhyua kɛ, “Mmasulo bɛ na meva konimlilɛ memaa wɔ dɛbadɛba. Bɛ nuhua ko bɔbɔ ɛnrɛhola ɛ nyunlu gyinla.”

1 Sam 14:6

Dwɔnatan zele kpavolɛ ne mɔɔ soa ye konle ninyɛne ne la kɛ, “Maa yɛhɔ menli ne mɔɔ ɛnze Nyamenle la azokoɛleɛ lɔ; ɔkɛyɛ kɛ Ɛdɛnkɛma bayɛ gyima ne amaa yɛ, ɔluakɛ kanzɛ yɛanzo bɔbɔ a, debie biala ɛnle ɛkɛ mɔɔ kola tua Ɛdɛnkɛma adenle mɔɔ ɔnrɛmaa ɔnrɛlie yɛ a.”

1 Sam 18:17

Akee Sɔɔlo zele Devidi kɛ, “Me ra raalɛ kpanyinli Milabe ɛne. Mefa ye meamaa wɔagya; debie mɔɔ hyia wɔ afoa nu la a le kɛ ɛkɛzi ahonle ɛkɛli nɔhalɛ ɛkɛmaa me na ɛkɛho ɛkɛmaa Ɛdɛnkɛma.” (Ɛnee Sɔɔlo adwenle a le kɛ, “Medame mumua ne menrɛhu ye; ɔle kpalɛ kɛ Filisitiama kɛhu ye.”)