1 Sam 17:44 - BAEBOLO ANZƐƐ BULUKU NWUANZANWUANZA

⁴⁴ Ɔzele Devidi kɛ, “Bɛla maa menva wɔ nwonane memaa anwomanyunlu nloma nee ɛbɔkunlu nanemgbole ɛli.”

1 Sam 17:44 ပူးပေါင်းရင်းမြစ်များ

2 Sam 21:10

Na Eyiya ara raalɛ Relezepa vale ɛrele bɔle kpɔda wɔ bolɛ ne anwo, ɛleka mɔɔ avunli ne mɔ hendɛhenda la. Ɔdɛnlanle ɔ bo ɔzinzale avunli ne mɔ, ɔvi ɛbuhenle ne mɔlebɛbo toonwo ɔhɔdwule mekɛ mɔɔ ezule dɔle guale bɛ nwo zo la. Yeammaa nloma annyia adenle ambansuso avunli ne wɔ alehyenlɛ nu, yɛɛ nanemgbole noko annyia adenle anli bɛ nɔɔzo.

Mrɛlɛbulɛ Buluku ne 18:12

Sonla mɔɔ memaa ɔ nwo zo la sɛkye ɔ nwo, na mɔɔ bɛlɛ ɔ nwo aze la, bɛdi ye eni.

Gyɛlɛmaya Buluku ne 34:20

Mebaye bɛ meamaa bɛ kpɔvolɛma nee menli mɔɔ ɛlɛkpondɛ bɛ ahu bɛ la. Bɛ avunli bayɛ anwomanyunlu nloma nee ɛbɔ nu nane aleɛ.

Gyɛlɛmaya Buluku ne 9:23

Ɛdɛnkɛma se, “Nrɛlɛbɛvolɛma mmafa bɛ nrɛlɛbɛ ne tu bɛ nwo, anwosesebɛma mmafa bɛ anwosesebɛ ne tu bɛ nwo, yɛɛ sukoavolɛma mmafa bɛ anwonyia ne tu bɛ nwo.

Yizikeɛle Buluku ne 28:2

Ɔse, “Sonla ra, ka kile Taya belemgbunli ne kɛ, medame Awulae Nyamenle mese: Kɛmɔ ɛtu ɛ nwo la ati, wɔha mgbole kɛ, ‘Medame, mele nyamenle, mede nyamenle ne mɔ kɔsɔɔti ebia nu, wɔ nyevile kunlu nehane,’ noko ɛle sonla, ɛnle nyamenle. Ɛyɛ ɛ nwo kɛ ɛze nrɛlɛbɛ kɛ nyamenle bie,

Yekile 19:17

Akee menwunle Nyamenle soanvolɛ ko noko kɛ ɔgyi sɛnzɛne ne azo. Ɔvale ɛnelɛ kpole ɔzele nloma mɔɔ luolua anwomanyunlu la amuala kɛ, “Bɛboɔboa bɛ nloa bɛrɛla Nyamenle ɛkponledolɛ kpole ne abo!

1 Sam 14:12

Na Filisitia ɛlɔnema ne vɛlɛle Dwɔnatan nee ye sonvolɛ ne kɛ, “Bɛrɛla yɛ nwo ɛke bɛmaa yɛha edwɛkɛ yɛhile bɛ.” Dwɔnatan zele kpavolɛ ne kɛ, “Toa me; Ɛdɛnkɛma ɛmaa Yizilayɛma ɛli bɛ nwo zo konim ɛwie ala ɛne.”

1 Sam 17:46

Ɛnɛ kenle ye, Ɛdɛnkɛma baye wɔ awula me sa nu, mebabɔ wɔ meado aze na meapɛ ɛ ti. Mebava Filisitia ɛlɔnema ne avunli meamaa anwomanyunlu nloma nee ɛbɔkunlu nanemgbole ali, amaa aleɛabo amra kɔsɔɔti anwu kɛ Yizilayɛma lɛ Nyamenle,