1 Sam 17:43 - BAEBOLO ANZƐƐ BULUKU NWUANZANWUANZA

⁴³ Ɔzele Devidi kɛ, “Ɛdwenle kɛ mele twea mɔɔ yemɔti ɛ nee me baho a ɛnee ɛfa baka a?” Na Golayate vale ye nyamenle ne wale Devidi amonle.

1 Sam 17:43 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 27:29

Ɔmaa menli ɛzonle wɔ, na maanle maanle ɛbɔ bɛ ti aze ɛmaa wɔ. Ɔmaa ɛzie ɛ mediema ne mɔ, na ɛ nli akunlu amra mrenya ɛbɔ bɛ ti aze ɛmaa wɔ. Awie mɔɔ kɛbɔ wɔ sasa la, munzule ɛha ye, na mɔɔ kɛyileyila wɔ la, nyilalɛ ɛha ye!”

2 Sam 16:5

Mɔɔ Belemgbunli Devidi dwule Bahulem la, Sɔɔlo abo zo amra ne mɔ ko, mɔɔ le Gila ara Hyemɛyae, rayiale ye. Ɔba kɔsɔɔti la ɛnee ɔ ne la zo ɔlɛbɔ Devidi sasa.

2 Sam 16:9

Zɛluaya ara Abehyae zele belemgbunli ne kɛ, “Duzu ati bɔbɔ yɛɛ twea funli ɛhye kɛbɔ Nana aholoba ɛ? Nana, maa mengɔnli ɔ ti ne antɛnlɛma memaa ye.”

2 Sam 3:8

Edwɛkɛ ɛhye manle Abenɛɛ vale ɛya kpole manle ɔhanle kɛ, “Ɛdwenle kɛ mehakyi me nzi mezi Sɔɔlo ɔ? Anzɛɛ ɛdwenle kɛ melɛsonle Dwuda? Ɔvi mɔlebɛbo ne, meli nɔhalɛ memaa ɛ ze Sɔɔlo, ɔ mediema nee ɔ gɔnwo mɔ; melie wɔ mevi Devidi asa anu, meammaa yeanli ɛ nwo zo konim; ɛnɛ ɛlɛto me ɛzonle wɔagua me nyunlu aze wɔ raalɛ duma nu.

2 Sam 9:8

Mɛfebɔhyɛte bɔle ɔ ti aze bieko na ɔzele kɛ, “Mame bɔbɔ a le nwane? Twea funli bɔbɔ tɛla me ɛkpɔyɛ. Duzu ati bɔbɔ yɛɛ wɔyɛ nyele kpole ɛhye wɔmaa me a?”

1 Arl 20:10

“Bɛneheedade se, ‘Saa me nee wɔ anli, meanva menli meammaa bɛambanzɛkye Samɛlea a, awozonle mɔɔ wɔ me maanle ye anu la ɛdua me kakɛ ɛgua me bie zo.’ ”

2 Arl 8:13

Hazeeyɛle zele kɛ, “Medame, na mele duzu? Twea ralɛ mɔɔ le kɛ medame mɔɔ mendo ɛhwee la, mefa nienwu na meayɛ ɛhye?” Yilaehya buale kɛ, “Ɛdɛnkɛma ɛye ɛhile me kɛ wɔmɔ yɛɛ ɛbali belemgbunli wɔ Selea a.”

Mrɛlɛbulɛ Buluku ne 26:2

Amowa mɔɔ ɛnlɛ ɔ bo la ɛndila. Ɔle kɛ ngɛsanoma mɔɔ di tutɛnla anzɛɛ nyamenleakatiba mɔɔ di ahyimango la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 22:6

Bɛzonle bɛtɛla yɛ, yemɔti, mesɛlɛ wɔ, bɛla na bahye bɛ sili maa me. Wɔannea a ɔkɛyɛ kɛ menwɔli bɛ nwo zo konim na meavoa bɛ meavi azɛlɛ ye azo. Ɔluakɛ meze kɛ mɔɔ ɛkɛyila ye la, bɛyila ye, yɛɛ mɔɔ ɛkɛwa ye amonle la, munzule ka ye.”

Maanlebuvolɛma Buluku ne 9:27

Bɛ kɔsɔɔti bɛhɔle bɛ vanye ɛya ne mɔ anu bɛhɔtetele vanye ma bɛrayɛle nwanye bɛvale bɛdole ɛkponle kpole bie. Bɛhɔle bɛ nyamenle sua ne abo bɛlile, bɛnlonle na bɛlile Abemɛlɛke ngoamɛ, bɛhehanle ɛtane ɛtane bɛtietiale ye.

1 Sam 14:12

Na Filisitia ɛlɔnema ne vɛlɛle Dwɔnatan nee ye sonvolɛ ne kɛ, “Bɛrɛla yɛ nwo ɛke bɛmaa yɛha edwɛkɛ yɛhile bɛ.” Dwɔnatan zele kpavolɛ ne kɛ, “Toa me; Ɛdɛnkɛma ɛmaa Yizilayɛma ɛli bɛ nwo zo konim ɛwie ala ɛne.”

1 Sam 24:14

Na nwane a Yizilayɛ belemgbunli ne ɛlɛbɔ mɔdenle kɛ ɔku ye a? Na nwane bɔbɔ yɛɛ ɛlɛfoa ye ndinlizo a? Twea funli ɔ, ɛzozoa ɔ!

1 Sam 24:15

Ɛdɛnkɛma babua yɛ mu nwiɔ ndɛne yeanwu nuhua mɔɔ di fɔlɛ la. Ɔnleɛnlea edwɛkɛ ne anu, ɔlie me ti na ɔlie me ɔvi ɛ sa nu.”