1 Sam 17:36 - BAEBOLO ANZƐƐ BULUKU NWUANZANWUANZA

³⁶ Wɔ sonvolɛ ɛhu awenade nee bedi mɔ, na Filisitianli ɛhye mɔɔ ɛnze Nyamenle la bawu kɛ awenade anzɛɛ bedi ne mɔ ko ala la, ɔluakɛ yeanli tease Nyamenle ne ɛlɔnema ne eni.

1 Sam 17:36 ပူးပေါင်းရင်းမြစ်များ

2 Edk 32:17

Na ngɛlata mɔɔ Aselea belemgbunli ne hɛlɛhɛlɛle la anu, ɔhehanle ɛtane ɛtane ɔtietiale Ɛdɛnkɛma, Yizilayɛ Nyamenle ne ɔzele kɛ, “Kɛmɔ nyamenle ne mɔ mɔɔ wɔ maanle ɛhendeɛ ne mɔ anu la angola anlie bɛ maanlema la, zɔhane ala yɛɛ Hɛzikaya Nyamenle ne ɛnrɛhola ɛnrɛlie ye menli ne ɛnrɛvi me sa nu a.”

Ayezaya Buluku ne 10:15

Ɛdɛnkɛma ɛlɛbiza kɛ, “Asoo akuma baha kɛ ɔ nwo yɛ se tɛla ahenle mɔɔ ɛlɛfa ye abu baka la? Asoo sɛlada bamemaa ɔ nwo zo ahile ahenle mɔɔ ɛlɛfa ye apɛ baka la? Asoo baka anzɛɛ kpɔma kola sonla zo maa? Sonla a maa baka anzɛɛ kpɔma zo a.”

Ayezaya Buluku ne 36:15

Bɛmmamaa ɔdi bɛ adwenle kɛ bɛva bɛ rɛle bɛwula Ɛdɛnkɛma anu na Ɛdɛnkɛma balie bɛ, na Aseleama ɛnrɛhola ɛnrɛho ɛnrɛva bɛ suakpole ne.

Ayezaya Buluku ne 36:18

Bɛnlea na Hɛzikaya ambɛlɛbɛla bɛ anga kɛ Ɛdɛnkɛma balie bɛ. Maanle maanle dɔɔnwo awozonle angola anlie bɛ anvi Aselea belemgbunli ne asa anu.

Yizikeɛle Buluku ne 28:10

Ɛbawu anyiemgba ewule wɔ nyɛvolɛ asa anu; ɔluakɛ medame Awulae Nyamenle yɛɛ mese a.”

Yizikeɛle Buluku ne 32:19

Se bɛ kɛ, ‘Nwane a bɛnea a bɛtɛla ye kɛnlɛma a? Bɛdwu bɛhɔ mɔwuamra anu, na bɛzie bɛ bɛboka menli mɔɔ ɛnze Nyamenle la anwo.’

Daneɛle Buluku ne 5:23

na wɔhakyi ɛ nzi wɔzi Anwuma Nyamenle ne. Bɛva ahɔpo ne mɔ mɔɔ wɔ Ɛdɛnkɛma Ɛzonlenlɛ Sua ne anu la bɛrɛlɛ wɔ na ɛ nee wɔ mgbanyima, wɔ mraalɛ, yɛɛ wɔ mgbɔnla ne mɔ ɛnlo nu. Wɔye dwɛtɛ fufule, ezukoa nvutuke, kɔbele, bulalɛ, baka, yɛɛ bolɛ awozonle ne mɔ mɔɔ ɛnnwu debie, ɛnde edwɛkɛ, ɛnze ɛhwee la ayɛlɛ wɔgyakyi Nyamenle ne mɔɔ wɔ ngoane nee wɔ ndenle kɔsɔɔti wɔ ɔ sa nu la.

Zɛkalaya Buluku ne 12:3

Mekɛ ne anu, mebamaa Gyɛlusalɛm ayɛ kɛ bolɛ ɛnlomboɛ yeamaa maanle maanle ne mɔ. Bɛdabɛ mɔɔ bɛkɛbɔ ɛhɔne kɛ bɛmaa ye zo la babodɛboda. Azɛlɛ ye azo maanle maanle kɔsɔɔti baboɔboa bɛ nloa atia ye.

Zɛkalaya Buluku ne 2:8

Nrɛlaleɛ ɛhye yɛɛ Tumivolɛ Ɛdɛnkɛma vale zoanle me wɔ maanle maanle ne mɔ mɔɔ rawuale bɛ la anu a, ɔluakɛ awie mɔɔ kɛva ɔ sa kɛha bɛ la ɛva ɔ nye kuduarizi ne ɛwɔ baka zo.

1 Sam 14:6

Dwɔnatan zele kpavolɛ ne mɔɔ soa ye konle ninyɛne ne la kɛ, “Maa yɛhɔ menli ne mɔɔ ɛnze Nyamenle la azokoɛleɛ lɔ; ɔkɛyɛ kɛ Ɛdɛnkɛma bayɛ gyima ne amaa yɛ, ɔluakɛ kanzɛ yɛanzo bɔbɔ a, debie biala ɛnle ɛkɛ mɔɔ kola tua Ɛdɛnkɛma adenle mɔɔ ɔnrɛmaa ɔnrɛlie yɛ a.”

1 Sam 17:10

Filisitianli ne zɔle zolɛ kɛ, “Yizilayɛ ɛlɔnema, saa bɛle mrenya a ɛnee bɛye katakyie bɛmaa ɔvinde me nyunlu ɛke na me nee ye ɛbɔ ye zolɛ.”

1 Sam 17:26

Devidi bizale menli mɔɔ gyigyi ɔ nwo ɛkɛ ne la kɛ, “Duzu ahyɛlɛdeɛ a sonla mɔɔ kɛhu Filisitianli ye na ɔkɛlie Yizilayɛma ɔkɛvi anyiemgba ɛhye anu la banyia a? Ɔluakɛ, Filisitianli ɛhye mɔɔ ɛnze Nyamenle la a le nwane, mɔɔ ɔdaye bɔbɔ ɔwɔ kɛ ɔko ɔtia tease Nyamenle ne ɛlɔnema a?”

1 Sam 17:35

mefoa ye toonwo mekye ye, meboda ye, na mesa ye medie. Na saa yeamkponle na ɔba me nwo zo a mesɔ ɔ kɔmenza, memia ye toonwo meku ye.

1 Sam 17:37

Ɛdɛnkɛma mɔɔ liele me vile awenade nee bedi ne mɔ asa anu la balie me avi Filisitianli ɛhye asa anu.” Sɔɔlo zele Devidi kɛ, “Kɔ, Ɛdɛnkɛma nee wɔ ɛhɔ.”

1 Sam 18:17

Akee Sɔɔlo zele Devidi kɛ, “Me ra raalɛ kpanyinli Milabe ɛne. Mefa ye meamaa wɔagya; debie mɔɔ hyia wɔ afoa nu la a le kɛ ɛkɛzi ahonle ɛkɛli nɔhalɛ ɛkɛmaa me na ɛkɛho ɛkɛmaa Ɛdɛnkɛma.” (Ɛnee Sɔɔlo adwenle a le kɛ, “Medame mumua ne menrɛhu ye; ɔle kpalɛ kɛ Filisitiama kɛhu ye.”)

1 Sam 31:4

Yemɔti ɔzele kpavolɛ ne mɔɔ soa ye konle ninyɛne ne la kɛ, “Twe wɔ dadeɛ ne ku me, amaa Filisitiama mɔɔ ɛnze Nyamenle la ambangolo me nwo, angu me.” Ɛzulolɛ hanle kpavolɛ ne, yemɔti yeangola ye ku. Sɔɔlo yele ye dadeɛ ne na ɔdaye ɔ ngome ɔdɔle zolɛ ɔhunle ɔ nwo.