1 Sam 17:32 - BAEBOLO ANZƐƐ BULUKU NWUANZANWUANZA

³² Devidi hanle hilele Sɔɔlo kɛ, “Awie biala mmasulo Golayate; medame, wɔ sonvolɛ, me nee Filisitianli ne baho ye mrenyazo.”

1 Sam 17:32 ပူးပေါင်းရင်းမြစ်များ

Edwɛndolɛ Buluku ne 3:6

Menzulo kpɔvolɛma apenle apenle mɔɔ ɛbɔ ɛyia me la.

Ayezaya Buluku ne 35:4

Bɛha bɛhile bɛdabɛ mɔɔ bɛle avoanvoanle la kɛ, “Bɛmaa bɛ nwo ɛyɛ se, bɛmmasulo! Bɛnlea, bɛ Nyamenle ne bara arali bɛ ti nzenralɛ. Nyamenle bara aralie bɛ ti. Ɔbara yearalie bɛ ngoane.”

Ayezaya Buluku ne 7:4

Ka kile ye kɛ: Gyinla ɛ nwo, yɛ koonwu, mmasulo yɛɛ mmamaa wɔ ahonle tu. Ɔluakɛ Rilizen nee ye Selea ɛlɔnema ne yɛɛ Belemgbunli Pikaa ɛya mɔɔ ɛva la le kɛ senle nu ɛyɛne mɔɔ ɛlɛnu na ɔlɛkpu esike la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 13:30

Kalɛbe bɔle agoo manle menli mɔɔ wɔ Mosisi anwo ɛkɛ la yɛle ngungoonwu na ɔhanle kɛ, “Bɛmaa ɔyɛ ndɛ yɛhɔho yɛva azɛlɛ ne yɛdɛnla zo. Yɛ nwo yɛ se, yɛkola yɛdi bɛ nwo zo konim.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:9

Bɛmmate Ɛdɛnkɛma anwo atua; yɛɛ bɛmmasulo menli mɔɔ de azɛlɛ ne azo la, ɔluakɛ bɛnle ɛhwee wɔ yɛ nye zo. Bɛ nwo banebɔlɛ ne ɛbubu, yɛɛ Ɛdɛnkɛma nee yɛ lua; bɛmmasulo, yɛbaza bɛ yɛalie bɛ debie biala.”

Kɛlata mɔɔ bɛhɛlɛle bɛhɔmanle Hibuluma la 12:12

Zɔhane ati bɛ sa ne mɔ mɔɔ bɛyɛ bɛ dwɔlɔmgbɔɔnwo la, bɛmaa bɛ zo na bɛmiemia bɛ gyakɛ ne mɔ mɔɔ ɛtuto la anu!

Dwɔhyua Buluku ne 14:12

Yemɔti fa azɛlɛ ne mɔɔ wɔ awoka ne mɔ azo lɔ la maa me. Ɛdɛnkɛma vale bɔle me ɛwɔkɛ wɔ mekɛ mɔɔ me nee me menli ne yɛrale la. Yɛhanle yɛhilele wɔ kɛ menli kakanyinli bie mɔɔ bɛfɛlɛ bɛ ‘Anakema’ la wɔ maanle ne anu, na bɛdede azuamgbole mɔɔ bɛlie nwolɛ bane la azo. Ɛdɛnkɛma baboa me yeamaa meavoa bɛ, kɛmɔ ɔdaye yeha la.”

1 Sam 14:6

Dwɔnatan zele kpavolɛ ne mɔɔ soa ye konle ninyɛne ne la kɛ, “Maa yɛhɔ menli ne mɔɔ ɛnze Nyamenle la azokoɛleɛ lɔ; ɔkɛyɛ kɛ Ɛdɛnkɛma bayɛ gyima ne amaa yɛ, ɔluakɛ kanzɛ yɛanzo bɔbɔ a, debie biala ɛnle ɛkɛ mɔɔ kola tua Ɛdɛnkɛma adenle mɔɔ ɔnrɛmaa ɔnrɛlie yɛ a.”

1 Sam 16:18

Mgbavolɛ ne mɔ ko zele kɛ, “Gyɛsi mɔɔ vi Bɛtelɛhɛm la amra mrenya ne mɔ ko ze ye bɔ kpalɛ kpalɛ. Ɔle sonla mɔɔ te kpɔkɛ, ɔ nwo yɛ fɛ, ɔze konle nye zo kpalɛ, ɔ nloa ɛde, yɛɛ Ɛdɛnkɛma Sunsum ne wɔ ye nu.”

1 Sam 17:31

Mɔɔ bɛdele Devidi ngehanleɛ ne la, bɛbɔle Sɔɔlo amaneɛ, na Sɔɔlo zoanle manle bɛhɔvale ye.