1 Sam 17:28 - BAEBOLO ANZƐƐ BULUKU NWUANZANWUANZA

²⁸ Mɔɔ Devidi ka edwɛkɛ ɛhye ahile menli ne la, ɔ diema kpanyinli Yilayabe dele; ɔvale Devidi anwo ɛya kpole na ɔzele ye kɛ, “Duzu ati a wɔra ɛke a? Nwane asa anu a wɔva mboane ne mɔ wɔwula wɔ fienemgbole ne anu a? Ɛle kakula wuwimɔ. Wɔra kɛ ɛbanlea konle ne sinlinyunlu ɔ?”

1 Sam 17:28 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 37:11

Na akee ɔ mediema mrenya ne mɔ anye bolole ɔ nwo na ɔ ze ɛdeɛ, ɔvale edwɛkɛ ne ɔziele ɔ ti anu.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 37:4

Na mɔɔ ɔ mediema ne mɔ nwunle kɛ bɛ ze kulo ye edwɛkɛ tɛla bɛ la, bɛangulo ye edwɛkɛ yɛɛ bɛ nee ye ambɔ nzɛmedɛ.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 37:8

Ɔ mediema ne mɔ bizale ye kɛ, “Ɛnee ɛdwenle kɛ ɛbali yɛ nwo zo belemgbunli ɔ? Anzɛɛ ɛdwenle kɛ wɔmɔ yɛɛ ɛbazie yɛ a?” Yemɔti ye ɛlalɛ ne mɔɔ ɔhanle nee ɔ nloa edwɛkɛ ne ati, bɛhyile ye bɔkɔɔ.

2 Edk 11:18

Rilihɔbowam gyale Meehalate. Devidi ara nrenya Gyɛlemo ara raalɛ ɔ. Ɔ nli a le Yilayabe ara raalɛ Abeheeli yɛɛ ɔle Gyɛsi anlɔnra.

Edwɛndolɛ Buluku ne 35:11

Ahɔdiawu alasevolɛ dwazo; bɛbiza me mɔɔ menze nwolɛ bie la.

Mrɛlɛbulɛ Buluku ne 18:19

Saa ɛboa adiema nrenya a ɔle kɛ suakpole mɔɔ bɛbɔ nwolɛ bane la, na saa ɛ nee ye di butule a ɔle kɛ wɔdo ɛ nwo efiade la.

Mrɛlɛbulɛ Buluku ne 27:4

Ɛya ati yɛ se, yɛɛ ahyi yɛ ahyi, na nwane a kɛhola kɛgyinla nungule anyunlu a?

Nolo 4:4

Akee menwunle kɛ ɛvɛlɛ muala nee sonla asa anloa gyima kɔsɔɔti gyi sonla agɔnwo anwo anyebolo zo. Ɛhye noko le mgbane; ɔle kɛ ɛlɛkye anwoma la.

Edwɛkpa ne kɛmɔ Mateyu hɛlɛle la 10:36

sonla biala kpɔvolɛma kpalɛ vi ɔdaye ye sua nu.

Edwɛkpa ne kɛmɔ Mateyu hɛlɛle la 27:18

Ɔluakɛ Paelɛte ze ye wienyi kɛ ɛkpɔlɛ ti yɛɛ menli ne ɛva Gyisɛse ɛrɛlɛ ye a.

Edwɛkpa ne kɛmɔ Maake hɛlɛle la 3:21

Ɔ nli nee ɔ mediema ne mɔ dele la, bɛrale kɛ bɛbava ye bɛahɔ, ɔluakɛ menli ɛlɛkeha kɛ, “Yezɛ!”

Dwuudu Kɛlata ne 1:10

Menli ɛhye mɔ ka debie biala mɔɔ bɛnde ɔ bo la anwo edwɛkɛ ɛtane, yɛɛ ninyɛne mɔɔ bɛ nane adwenle ne maa bɛte ɔ bo la bɛmɛ a le ninyɛne mɔɔ sɛkye bɛ la.

1 Sam 16:13

Samoɛle vale ɔlivi nwole ɛweɛne ko ne na ɔwolale ɔguale ɔ ti zo wɔ ɔ mediema ne mɔ anyunlu ɛkɛ. Ɛkɛ ne ala Ɛdɛnkɛma Sunsum ne dwule Devidi anwo zo na ɔvi mekɛ ne anu ɔhale ɔ nwo bɔkɔɔ. Na Samoɛle ziale hɔle Releema.

1 Sam 16:7

Na Ɛdɛnkɛma zele ye kɛ, “Mmanea ɔ nyunlu anzɛɛ ye anyinlima ne anwo, ɔboalekɛ tɛ yemɔ yɛɛ meye ye a, ɔluakɛ mennea sonla kɛmɔ dasanli si nea ye la. Dasanli nea sonla ɛnyelɛ zo ala, na mame, menea sonla ahonle nu.”

1 Sam 17:29

Na Devidi bizale ye kɛ, “Duzu a meyɛ a? Tɛ edwɛkɛ mgbane a membizale a?”