1 Sam 17:26 - BAEBOLO ANZƐƐ BULUKU NWUANZANWUANZA

²⁶ Devidi bizale menli mɔɔ gyigyi ɔ nwo ɛkɛ ne la kɛ, “Duzu ahyɛlɛdeɛ a sonla mɔɔ kɛhu Filisitianli ye na ɔkɛlie Yizilayɛma ɔkɛvi anyiemgba ɛhye anu la banyia a? Ɔluakɛ, Filisitianli ɛhye mɔɔ ɛnze Nyamenle la a le nwane, mɔɔ ɔdaye bɔbɔ ɔwɔ kɛ ɔko ɔtia tease Nyamenle ne ɛlɔnema a?”

1 Sam 17:26 ပူးပေါင်းရင်းမြစ်များ

2 Arl 19:4

Aselea belemgbunli ne ɛzoa ye safohyenlema kpanyinli ne yemaa yerabɔ tease Nyamenle ne aholoba. Medie medi kɛ Ɛdɛnkɛma Nyamenle dele mɔɔ ɔhanle la. Yemɔti sɛlɛ Ɛdɛnkɛma wɔ Nyamenle ne kɛ ɔdie zɛhae aholobabɔlɛ ne na ɔdua menli mɔɔ bɔle aholoba ne la kakɛ, na sɛlɛ Nyamenle maa ye menli ekyi ne mɔɔ ɛha la.”

2 Edk 32:17

Na ngɛlata mɔɔ Aselea belemgbunli ne hɛlɛhɛlɛle la anu, ɔhehanle ɛtane ɛtane ɔtietiale Ɛdɛnkɛma, Yizilayɛ Nyamenle ne ɔzele kɛ, “Kɛmɔ nyamenle ne mɔ mɔɔ wɔ maanle ɛhendeɛ ne mɔ anu la angola anlie bɛ maanlema la, zɔhane ala yɛɛ Hɛzikaya Nyamenle ne ɛnrɛhola ɛnrɛlie ye menli ne ɛnrɛvi me sa nu a.”

Nihɛmaya Buluku ne 5:9

Yemɔti menzele bɛ kɛ, “Nyɛleɛ mɔɔ bɛlɛyɛ la ɛnle kpalɛ. Ɔwɔ kɛ bɛsulo Nyamenle na bɛbɔ ɛbɛla mɔɔ le fɔɔnwo la, amaa bɛammaa yɛ kpɔvolɛma nee menli mɔɔ ɛnze Nyamenle la adenle bɛanzi yɛ amgbu.

Edwɛndolɛ Buluku ne 44:13

Wɔmaa yɛ nwo ɛyɛ menli mɔɔ zuozua yɛ la ahyi, yɛɛ bɛgolo yɛ nwo, bɛsi yɛ amgbu a.

Edwɛndolɛ Buluku ne 74:18

O Ɛdɛnkɛma, kakye ɛhye, nee kpɔvolɛ ne agolobɛnwo ne, menli mɔɔ ɛnze Nyamenle la sɛkye wɔ duma.

Edwɛndolɛ Buluku ne 79:12

O Awulae, maanle maanle mɔɔ ɛbɔ wɔ aholoba la, kile bɛdabɛ abodelɛ mɔnwo fane nsuu.

Ayezaya Buluku ne 37:23

Nwane a wɔgolo ɔ nwo, wɔyɛ ye aholoba la? Nwane a wɔmaa ɛ nloa ɛdo ye na wɔholoholo ɛ nye wɔhile ye la? Wɔyɛ wɔtia medame Yizilayɛ Nwuanzanwuanza Ko ne!

Gyɛlɛmaya Buluku ne 10:10

Na wɔmɔ Ɛdɛnkɛma, ɛle nɔhalɛ Nyamenle; wɔmɔ a ɛle tease Nyamenle nee Damɛnlangoate Belemgbunli ne a. Saa ɔfa ɛya a azɛlɛ kpusu. Maanle maanle ɛngola ye ɛya nloa gyinla.

Gyɛlɛmaya Buluku ne 9:25

Ɛdɛnkɛma se, “Mekɛ ne ɛlɛba mɔɔ mebadea Yigyibitima, Dwudama, Yidɔmma, Amɔnoma, Mowabema, yɛɛ ɛsɛlɛ zo amra mɔɔ kpa bɛ nwoma azo enrinli la. Menli ɛhye mɔ amuala ɛyɛ bɛ mrenyanu nzonlɛ, noko bɛnli ngyekyeleɛ ne mɔɔ kile kɛ bɛyɛ bɛ mrenyanu nzonlɛ la azo. Maanle maanle ɛhye mɔ nee Yizilayɛma biala ɛnli me ngyekyeleɛ ne azo.”

Yizikeɛle Buluku ne 28:10

Ɛbawu anyiemgba ewule wɔ nyɛvolɛ asa anu; ɔluakɛ medame Awulae Nyamenle yɛɛ mese a.”

Daneɛle Buluku ne 5:23

na wɔhakyi ɛ nzi wɔzi Anwuma Nyamenle ne. Bɛva ahɔpo ne mɔ mɔɔ wɔ Ɛdɛnkɛma Ɛzonlenlɛ Sua ne anu la bɛrɛlɛ wɔ na ɛ nee wɔ mgbanyima, wɔ mraalɛ, yɛɛ wɔ mgbɔnla ne mɔ ɛnlo nu. Wɔye dwɛtɛ fufule, ezukoa nvutuke, kɔbele, bulalɛ, baka, yɛɛ bolɛ awozonle ne mɔ mɔɔ ɛnnwu debie, ɛnde edwɛkɛ, ɛnze ɛhwee la ayɛlɛ wɔgyakyi Nyamenle ne mɔɔ wɔ ngoane nee wɔ ndenle kɔsɔɔti wɔ ɔ sa nu la.

Daneɛle Buluku ne 6:27

Ɔdie ngoane, ɔye menli ɔfi munzule nu; ɔyɛ sɛkɛlɛneɛ, ɔyɛ nwanwane gyima wɔ anwuma nee aze. Yelie Daneɛle yevi awenade ne mɔ asa anu.”

Daneɛle Buluku ne 9:16

Dua wɔ tenlene adenle ne azo ye wɔ ɛya ne wɔ suakpole Gyɛlusalɛm, wɔ boka nwuanzanwuanza ne azo, ɔluakɛ yɛ ɛtane ne nee yɛ ze mɔ amumuyɛ ne mɔ ati, Gyɛlusalɛm nee wɔ menli ne ɛnɛ ɛyɛ ɛfenle mɔɔ la akɔlɛ nee anloma nloa a.

Dwowɛle Buluku ne 2:19

Ɛdɛnkɛma buale ye menli ne kɛ, “Bɛnlea, melɛbɛlɛ bɛ ma, nwanye, nee nwole, na bɛ nwo badɔ bɛ; menrɛmaa maanle maanle ɛnrɛgolo bɛ nwo bieko.

Mɛla 5:26

Ɔluakɛ dasanli boni yɛɛ ɛde Nyamenle ane kɛ ɔlɛtendɛ yeavi senle nu na ɔtɛte ngoane nu kɛ yɛdayɛ a?

1 Tɛs 1:9

Menli zɔhane mɔ ka kɛ bɛzile bɛliele yɛ wɔ mekɛ mɔɔ yɛrale bɛ nwo lɔ la. Bɛka kɛ bɛzile bɛhwenle bɛ nwo bɛvile bɛ mmonle ngakyile ne mɔ anwo, bɛhɔle Nyamenle ɛkɛ na bɛzonlenle nɔhalɛ nee tease Nyamenle ne la.

Dwɔhyua Buluku ne 3:10

Akee bɛbanwu kɛ tease Nyamenle ne nee bɛ a lua a, ɔluakɛ ɔbavoa Keenama, Hɛtema, Haevaema, Pɛlɛzema, Gɛgahyema, Amɔlema, yɛɛ Gyibɛsema na yeamaa bɛali bɛ nwo zo konim.

1 Dw 5:20

Yɛze kɛ Nyamenle Ara ne ɛra na yeramaa yɛ ndelebɛbo mɔɔ yɛfa yɛnwu nɔhalɛ Nyamenle ne a. Yɛ nee nɔhalɛ Nyamenle ne nee ɔ Ra Gyisɛse Kelaese a lua a. Ɛhye a le nɔhalɛ Nyamenle ne a. Ɛhye a le ngoane ne mɔɔ ɛnlɛ awieleɛ la a.

1 Sam 11:2

Neehahye zele bɛ kɛ, “Bɛnwu ye kɛ, mekponle zolɛ me nee bɛ ayɛ ngyehyɛlɛ ne la, ɛnee bɛlie bɛdo nu bɛmaa medu awie biala anye fema ne, amaa yeayɛ anyiemgba yeaha Yizilayɛma kɔsɔɔti.”

1 Sam 14:6

Dwɔnatan zele kpavolɛ ne mɔɔ soa ye konle ninyɛne ne la kɛ, “Maa yɛhɔ menli ne mɔɔ ɛnze Nyamenle la azokoɛleɛ lɔ; ɔkɛyɛ kɛ Ɛdɛnkɛma bayɛ gyima ne amaa yɛ, ɔluakɛ kanzɛ yɛanzo bɔbɔ a, debie biala ɛnle ɛkɛ mɔɔ kola tua Ɛdɛnkɛma adenle mɔɔ ɔnrɛmaa ɔnrɛlie yɛ a.”

1 Sam 17:10

Filisitianli ne zɔle zolɛ kɛ, “Yizilayɛ ɛlɔnema, saa bɛle mrenya a ɛnee bɛye katakyie bɛmaa ɔvinde me nyunlu ɛke na me nee ye ɛbɔ ye zolɛ.”

1 Sam 17:30

Ɔhakyile ɔ nye sonla fofolɛ nwo na ɔbizale ye edwɛkɛ ko ne ala, na mualɛ ko ne ala a bɛvale bɛmanle ye a.

1 Sam 17:36

Wɔ sonvolɛ ɛhu awenade nee bedi mɔ, na Filisitianli ɛhye mɔɔ ɛnze Nyamenle la bawu kɛ awenade anzɛɛ bedi ne mɔ ko ala la, ɔluakɛ yeanli tease Nyamenle ne ɛlɔnema ne eni.

1 Sam 31:4

Yemɔti ɔzele kpavolɛ ne mɔɔ soa ye konle ninyɛne ne la kɛ, “Twe wɔ dadeɛ ne ku me, amaa Filisitiama mɔɔ ɛnze Nyamenle la ambangolo me nwo, angu me.” Ɛzulolɛ hanle kpavolɛ ne, yemɔti yeangola ye ku. Sɔɔlo yele ye dadeɛ ne na ɔdaye ɔ ngome ɔdɔle zolɛ ɔhunle ɔ nwo.