1 Sam 17:24 - BAEBOLO ANZƐƐ BULUKU NWUANZANWUANZA

²⁴ Mɔɔ Yizilayɛma ne nwunle Golayate la, bɛ ahonle dule na bɛnwenwenle.

1 Sam 17:24 ပူးပေါင်းရင်းမြစ်များ

Ayezaya Buluku ne 30:17

Bɛ nuhua apenle ko yia kpɔvolɛma ko a bɛbagua ɛbɔ nu, na saa kpɔvolɛma nnu nwunlonwunla bɛ a, bɛbanriandi; bɛ bie ɛnrɛha kɛ bɛ fɛlɛnra ne anzɛɛ bɛ sɛkɛlɛneɛ ne mɔɔ bɛkpɔnla ye boka ne azo la ala.

Ayezaya Buluku ne 7:2

Mɔɔ bɛhanle bɛhilele Devidi sua nu amra kɛ ɛlɔnema vi Selea ɛraboka Yifelaem anwo la, Ehaze nee ye menli ne kɔsɔɔti ahonle dule na bɛ nwo wozole bɛ kɛ ɛbɔ nu mbaka mɔɔ anwoma ɛlɛbɔ nu la.

Sɛlɛ 26:36

“Bɛdabɛ mɔɔ bɛbaha mɔɔ bɛbahye bɛ bɛahɔ nlɔnu la, mebamaa ahunlundetelɛ adɔ bɛ nwo mɔɔ ɛya mgbane mɔɔ kɛde la bamaa bɛanriandi a; bɛbanriandi kɛ menli mɔɔ ɛgua ndwɛlɛ aze wɔ konle nloa na bɛ kpɔvolɛma zi bɛ zo la, na bɛbadu bɛagua aze wɔ mekɛ mɔɔ awie ɛndoa bɛ la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 13:33

Eza yɛnwunle menli ndendenle mbelane bie mɔɔ le Anake abo zo amra mɔɔ vi Nɛfelem anu la wɔ ɛkɛ. Yɛgyi bɛ nyunlu a yɛle kɛ ngɛkɛba bie, yɛɛ bɛdabɛ noko bɛnea yɛ a ɛnee yɛle ngɛkɛba bie wɔ bɛ nye zo.”

Mɛla 32:30

Kɛ ɔkɛyɛ na baholɛ avoa apenle, na menli nwiɔ aha apenle bulu agua ɛbɔ nu ɛ? Kyesɛ Ɛdɛnkɛma bɛ Bodane ne ɛdɔne bɛ ɛmaa, na Ɛdɛnkɛma ɛye bɛ ɛmaa.

1 Sam 17:11

Mɔɔ Sɔɔlo nee Yizilayɛma kɔsɔɔti dele Filisitianli ne adubɛnloanu ne la, bɛ ahonle dule na bɛ rɛle bɔle.

1 Sam 17:23

Mɔɔ ɔ nee bɛ ɛlɛtendɛ la, Golayate vi Filisitiama avinli ragyinlanle ɔ bo zo ne na ɔdeanle nu kɛ ɔkpondɛ nrenya aye ɔ nyunlu nee ye araho. Ɔhehanle edwɛkɛ mɔɔ ɔkeha ye dɛba la. Na Devidi dele.

1 Sam 17:25

Yizilayɛma ne zele kɛ, “Bɛnwu nrenya ɛhye mɔɔ ɛvinde la? Nɔhalɛ, yera ɔbagolo Yizilayɛma anwo. Belemgbunli Sɔɔlo ɛbɔ ɛwɔkɛ kɛ awie biala mɔɔ kɛhu ye la, ɔkɛmaa ye anwonyia kpole kpalɛ; eza ɔkɛva ɔ ra raalɛ ne ɔkɛmaa ye agyalɛ na eza ɔkɛmaa ɔ ze awuke nu amra fanwodi wɔ Yizilayɛ maanle ne anu.”