1 Sam 17:20 - BAEBOLO ANZƐƐ BULUKU NWUANZANWUANZA

²⁰ Aleɛbahye ne ala Devidi vale mboane ne mɔ wulale awie asa anu, na ɔvale aleɛ ne ɔzile nu ɔhɔle, kɛmɔ ɔ ze Gyɛsi zele ye la. Ɔdwule azokoɛleɛ ne la ɛnee ɛlɔnema ne ɛdu ɛdenrɛ ɛlɛto konle edwɛne ahɔ konle ne anloa.

1 Sam 17:20 ပူးပေါင်းရင်းမြစ်များ

Edwɛkpa ne kɛmɔ Luku hɛlɛle la 19:43

Mekɛ bara mɔɔ wɔ kpɔvolɛma bapɛ ɛ bo kuma ayia; bɛbadua wɔ adenle, na bɛvi ɛbɔ nu nee ɛnweazo bɛaraholo ɛ nwo zo.

Dwɔhyua Buluku ne 3:1

Aleɛ hyenle la Dwɔhyua nee Yizilayɛma amuala dwazole nwonlomɔ mangyee ne ala; bɛvi Akasea azokoɛleɛ ne bɛdule bɛ bo bɛrazokoɛle Dwɔdan ne anloa bɛrahendɛle bɛ nwo kolaa na bɛapɛ.

1 Sam 15:12

Samoɛle dwazole ndɛ kɛ ɔkayia Sɔɔlo nwonlomɔ ne ala, na bɛhanle bɛhilele Samoɛle kɛ, “Sɔɔlo ɛhɔ Kamɛle ɛhɔzi ngakyelɛ sɛkɛlɛneɛ ɛwula ɔdaye ɔ nwo anyunlunyia, na yetele zolɛ yehɔ Gelegale.”

1 Sam 17:19

Belemgbunli Sɔɔlo nee ɛ mediema ne mɔ nee Yizilayɛma kɔsɔɔti wɔ Yila Bɔnza bɛ nee Filisitiama ɛlɛko.”

1 Sam 17:21

Yizilayɛ ɛlɔnema ne nee Filisitia ɛlɔnema ne gyinlanle ye ekpunli ekpunli, bɛ nye bɔ zolɛ.

1 Sam 17:28

Mɔɔ Devidi ka edwɛkɛ ɛhye ahile menli ne la, ɔ diema kpanyinli Yilayabe dele; ɔvale Devidi anwo ɛya kpole na ɔzele ye kɛ, “Duzu ati a wɔra ɛke a? Nwane asa anu a wɔva mboane ne mɔ wɔwula wɔ fienemgbole ne anu a? Ɛle kakula wuwimɔ. Wɔra kɛ ɛbanlea konle ne sinlinyunlu ɔ?”

1 Sam 26:5

Ɛkɛ ne ala Devidi hɔle Sɔɔlo azokoɛleɛ ɛkɛ ne hɔnleanle ɛleka fɔɔnwo mɔɔ Sɔɔlo nee Nɛɛ ara Abenɛɛ mɔɔ nea Sɔɔlo ɛlɔnema ne anwo zo la da la. Ɔnwunle kɛ Sɔɔlo la azokoɛleɛ ne avinli na ye ɛlɔnema ɛbɔ ye mgbɔlɔka ɛyia.

1 Sam 26:7

Yemɔti Devidi nee Abehyae hɔle ɛlɔnema azokoɛleɛ ɛkɛ ne nɔe ne, na bɛhɔnwunle kɛ Sɔɔlo ɛlafe botoo na ye atwɛ ne kpɔnla ɔ ti sɔlɔ; Abenɛɛ nee ɛlɔnema ne noko ɛbɔ ɛyia ye na bɛdabɛ bɛlafe.