1 Sam 17:12 - BAEBOLO ANZƐƐ BULUKU NWUANZANWUANZA

¹² Devidi ɔ ze a le Gyɛsi. Gyɛsi bɔ Yifelaem abusua ekpunli ne bie yɛɛ ɔvi Bɛtelɛhɛm mɔɔ wɔ Dwuda la. Ɔlɛ mralɛ mrenya mɔtwɛ. Mekɛ mɔɔ Sɔɔlo di ye belemgbunli ne la, ɛnee Gyɛsi akee ɛyɛ kpanyinli.

1 Sam 17:12 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 35:19

Yemɔti Relahyɛle wule na bɛziele ye wɔ Yifelate adevinli ne. Ɛkɛ ne a ɛnɛ bɛfɛlɛ ye Bɛtelɛhɛm la.

2 Sam 23:1

Gyɛsi ara Devidi a le sonla mɔɔ Nyamenle kpogyale ye zo a. Yemɔ yɛɛ Gyekɔbo Nyamenle ne kpale nuhua yele ye ziele ye belemgbunli a. Yemɔ a ɔsesale Yizilayɛma edwɛne fɛlɛko ne mɔ agbɔkɛ a. Ye edwɛkɛ mɔɔ li amozi la ɛne:

Edwɛndolɛ Buluku ne 132:6

Nea, yɛdele Ngyekyeleɛ Ɛlɛka ne nganeɛ wɔ Bɛtelɛhɛm, yɛnwunle ye wɔ Keleate Gyialem ɛya nu.

Maeka Buluku ne 5:2

Na Ɛdɛnkɛma hanle kɛ, “Na wɔmɔ, O Bɛtelɛhɛm Ɛfelata, ɛle sua ekyi kpalɛ wɔ Dwuda maanle ne anu, noko wɔ nuhua yɛɛ awie vi bara, aragyinla me gyakɛ anu, na yeazie Yizilayɛma amuala a. Ye abusua ɛlɔnwɔne ne abo vi tete.”

Edwɛkpa ne kɛmɔ Mateyu hɛlɛle la 1:6

Gyɛsi wole Belemgbunli Devidi. Devidi wole Sɔlɔmɔn (ɔ nli a le raalɛ ne mɔɔ Yulaya gyale ye bie la),

Edwɛkpa ne kɛmɔ Mateyu hɛlɛle la 2:1

Bɛwole Gyisɛse wɔ sua ne mɔɔ bɛfɛlɛ ye Bɛtelɛhɛm la azo, wɔ Dwudiya maanzinli nu, wɔ mekɛ mɔɔ ɛnee Hɛlɔdo a di belemgbunli la. Nrɛlɛbɛvolɛma bie vi aduduleɛ rale Gyɛlusalɛm

Edwɛkpa ne kɛmɔ Mateyu hɛlɛle la 2:6

‘Na wɔmɔ Bɛtelɛhɛm, mɔɔ wɔ Dwuda maanle nu, ɛnle ekyi wɔ Dwuda maanle nu azuamgbole avinli; ɔluakɛ wɔ ɛkɛ ne yɛɛ mɔɔ barali Yizilayɛma ati anlea me menli ne anwo zo la vi bara a.’ ”

Wulu 4:17

Mraalɛ mɔɔ wɔ kpalɛ ne azo la noko hanle hilele menli kɛ, “Bɛwo ralɛ nrenya bɛmaa Nawome.” Bɛdonle kakula ne Obɛde. Obɛde wole Gyɛsi mɔɔ wole Belemgbunli Devidi la.

1 Sam 1:1

Nrenya bie mɔɔ bɛfɛlɛ ye Ɛlekana la woale ɛkɛ, ɔvi Yifelaem abusua ekpunli ne anu. Ɔdɛnlanle sua ne mɔɔ bɛfɛlɛ ye Releema, mɔɔ wɔ Yifelaem awoka ne mɔ azo la azo. Bɛfɛlɛ ɔ ze Gyɛloham. Gyɛloham ɔ ze a le Ɛlaehu; Ɛlaehu ɔ ze a le Tohu; Tohu ɔ ze a le Zɛfe.

1 Sam 16:1

Ɛdɛnkɛma bizale Samoɛle kɛ, “Kenle nyɛ yɛɛ ɛfa wɔali Sɔɔlo anwo nyane a? Mekpo ye, ɔnli Yizilayɛ belemgbunli bieko. Dwazo fa ɔlivi nwole gua wɔ ɛweɛne ne anu. Mesoa wɔ wɔ Bɛtelɛhɛmenli Gyɛsi ɛkɛ ne, ɔluakɛ meye ɔ mra mrenya ne mɔ ko kɛ mesie ye belemgbunli.”

1 Sam 16:18

Mgbavolɛ ne mɔ ko zele kɛ, “Gyɛsi mɔɔ vi Bɛtelɛhɛm la amra mrenya ne mɔ ko ze ye bɔ kpalɛ kpalɛ. Ɔle sonla mɔɔ te kpɔkɛ, ɔ nwo yɛ fɛ, ɔze konle nye zo kpalɛ, ɔ nloa ɛde, yɛɛ Ɛdɛnkɛma Sunsum ne wɔ ye nu.”

1 Sam 17:11

Mɔɔ Sɔɔlo nee Yizilayɛma kɔsɔɔti dele Filisitianli ne adubɛnloanu ne la, bɛ ahonle dule na bɛ rɛle bɔle.

1 Sam 17:58

Na Sɔɔlo bizale ye kɛ, “Kpavolɛ, ɛ ze a le nwane?” Devidi buale ye kɛ, “Wɔ sonvolɛ nrenya Gyɛsi mɔɔ vi Bɛtelɛhɛm la ara nrenya a le me.”