1 Sam 16:5 - BAEBOLO ANZƐƐ BULUKU NWUANZANWUANZA

⁵ Ɔbuale bɛ kɛ, “Ɛhɛe, me nee anzonudwolɛ a rale a; mera kɛ mebabɔ azu meamaa Ɛdɛnkɛma. Yemɔti awie biala ɛde ɔ nwo ɛmaa yɛhɔbɔ azu ne.” Ɔmanle Gyɛsi nee ɔ mra ne mɔ noko dele bɛ nwo, na ɔzele bɛ kɛ bɛhɔ azubɔlɛ ne abo.

1 Sam 16:5 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 35:2

Yemɔti Gyekɔbo hanle hilele ye abusua ne nee bɛdabɛ mɔɔ bɛwɔ ye sua nu ɛkɛ ne la kɛ, “Bɛvuandi bɛ nyamenle gyɛne gyɛne ne mɔɔ bɛlɛ la bɛgua, bɛnlua bɛ nwo na bɛhakyi bɛ adɛladeɛ mɔɔ bɛwula la.

1 Arl 2:13

Akee Adonaegya mɔɔ le Hagete ara ne rale Sɔlɔmɔn ɔ nli Batehyɛba ɛkɛ. Batehyɛba bizale ye kɛ, “Ɔle bɛtɛɛ ɔ?” Adonaegya buale kɛ, “Ɔle bɛtɛɛ.”

1 Edk 12:18

Ɛkɛ ne ala Nyamenle Sunsum ne dwule Ameesae mɔɔ le “Abulasa Ne” kpanyinli la anwo zo na ɔzele kɛ, “O Devidi, yɛle wɔ ɛdeɛ, O Gyɛsi ara, yɛ nee wɔ le ko! Anzonudwolɛ ɛha wɔ, anzonudwolɛ ɛha wɔ boavolɛma! Wɔ Nyamenle ne li ɛ nzi.” Akee Devidi liele bɛ na ɔyɛle bɛ ye ɛlɔne nu safohyenlema.

Dwobu Buluku ne 1:5

Saa bɛto ɛkponle ne toonwo na ɔyia bɛ ti a, Dwobu fɛlɛ bɛ na ɔnua bɛ. Ɔdwazo aleɛbahye na ɔbɔ bɛ ti ngoko ɔfa nane ɔyela ɔbɔ azu, ɔluakɛ Dwobu edwɛkɛ a le kɛ, “Wɔannea a ɛnee me mra ne mɔ ɛyɛ ɛtane wɔ bɛ ahonle nu na bɛdendɛ ɛtane bɛtia Nyamenle.” Dwobu yɛle ɛhye mekɛ biala.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 19:10

Na Ɛdɛnkɛma zele Mosisi kɛ, “Kɔ na kɔnlua menli ne ɛnɛ nee ɛhyema, bɛkpo bɛ nwo ninyɛne,

Dwowɛle Buluku ne 2:16

Bɛboɔboa menli ne anloa. Bɛnlua menli mɔɔ ɛyia ɛlɛsonle la; bɛboɔboa mgbanyima ne mɔ anloa; bɛboɔboa ngakula ne mɔ anloa, bɛboɔboa nlɔma mɔɔ la nyɛfonlɛ nloa la anloa. Bɛmaa atɔfolɛ nrenya ne vi ye ekpumgbunli ne anu evinde, na atɔfolɛ raalɛ ne vi ye suakunlu ɛvinde.

Zɛfanaya Buluku ne 1:7

Bɛyɛ koonwu wɔ Awulae Nyamenle ne anyunlu, ɔluakɛ Ɛdɛnkɛma kenle ne ɛbikye. Ɛdɛnkɛma ɛde menli mɔɔ yevɛlɛ bɛ la anwo, yeboɔboa azubɔlɛ ninyɛne ne anloa yezie ɛkɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 11:8

Nɔɔzo mɔɔ ɛbɔlɛ ne ɛlɛtɔ la ɛnee bɛdabɛ noko bɛlɛtɔ. Aleɛ kye a menli ne mɔ kɔsesa, bɛti anzɛɛ bɛsi ye duba nu, bɛbɔ ye ndɛlamoa na bɛto ye siase nu. Ye fɛlɛko le kɛ kpanwo mɔɔ bɛva ɔlivi nwole bɛfete na bɛdo la.)

1 Kɔl 11:28

Yemɔti ɔwɔ kɛ awie biala dumua neɛnlea ye ahonle nu kpalɛ na yeali kpanwo ne, yeanlo dwora ne anu.

Dwɔhyua Buluku ne 3:5

Dwɔhyua zele menli ne kɛ, “Bɛdu bɛ nwo bɛzie ahane bɛmaa Ɛdɛnkɛma, ɔboalekɛ ɛhyema Ɛdɛnkɛma bayɛ nwanwane ninyɛne ahile bɛ.”

Dwɔhyua Buluku ne 7:13

Dwazo! Maa menli ne ɛde bɛ nwo na bɛrɛla me nyunlu ɛke. Bɛziezie bɛ nwo bɛrɛla me nyunlu ɛke ɛhyema, ɔboalekɛ medame, Yizilayɛ Ɛdɛnkɛma Nyamenle ne, melɛ ɛhye meka meahile bɛ: ‘Yizilayɛma, ninyɛne mɔɔ menganle kɛ bɛzɛkye bɛ la bie mɔ vea bɛ nwo ɛkɛ! Bɛnrɛhola bɛ kpɔvolɛma anyunlu gyinla ɛlɛ, kyesɛ bɛminli ninyɛne ɛhye mɔ abo zo.’

1 Sam 20:26

Kenle ko ne Sɔɔlo anga ɛhwee, ɔdwenlenle kɛ edwɛkɛ bie mɔɔ ɛmmaa Devidi anwo ɛnde la ɛzi ɔ nwo zo.