1 Sam 16:4 - BAEBOLO ANZƐƐ BULUKU NWUANZANWUANZA

⁴ Samoɛle diele mɔɔ Ɛdɛnkɛma hanle hilele ye la na ɔhɔle Suakpole Bɛtelɛhɛm azo. Mgbanyima ne vale sulosulo rayiale ye, na bɛbizale ye kɛ, “Ɛrale ye anzonudwolɛ nu ɔ?”

1 Sam 16:4 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 35:19

Yemɔti Relahyɛle wule na bɛziele ye wɔ Yifelate adevinli ne. Ɛkɛ ne a ɛnɛ bɛfɛlɛ ye Bɛtelɛhɛm la.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 48:7

Ɔluakɛ mevi Peedan mendule me bo la yɛɛ Relahyɛle wule nyane nyane wɔ Keena adenle ne anu, mɔɔ ɛnee ɔka ekyii yɛdwu Yifelate la; ɔmanle menziele ye Yifelate adevinli ne.” (Yifelate a eza bɛfɛlɛ ye Bɛtelɛhɛm la.)

2 Sam 6:9

Na kenle ko ne Devidi zulole Ɛdɛnkɛma, na ɔhanle kɛ, “Kɛ ɔkɛyɛ na Ɛdɛnkɛma Ngyekyeleɛ Ɛlɛka ne adwu me nwo ɛke ɛ?”

1 Arl 17:18

Raalɛ ne hanle hilele Yilaegya kɛ, “Nyamenle sonla, duzu edwɛkɛ a le ɛhye? Medwenle kɛ ɛrale ɛke kɛ ɛfa saleɛ wɔarɛlɛ me; amuanrɛɛ ɛrale kɛ ɛbaza me ɛtane ne mɔ wɔagua zolɛ na wɔamaa me ra ye awu.”

1 Arl 2:13

Akee Adonaegya mɔɔ le Hagete ara ne rale Sɔlɔmɔn ɔ nli Batehyɛba ɛkɛ. Batehyɛba bizale ye kɛ, “Ɔle bɛtɛɛ ɔ?” Adonaegya buale kɛ, “Ɔle bɛtɛɛ.”

2 Arl 9:22

Dwɔlam bizale Gyihu kɛ, “Ɔle bɛtɛɛ ɔ?” Na Gyihu buale ye kɛ, “Kɛ ɔsi ɔyɛ bɛtɛɛ ɛ, wɔ mekɛ mɔɔ ɛ nli Gyɛzɛbɛle ɛva ye ayɛne nee awozonle ɛzonlenlɛ nu tuutuulilɛ ɛbɛla ɛyɛ maanle ye totɔɔ zɛhae la?”

Hozia Buluku ne 11:10

“Saa metea me menli ne kpɔvolɛma ne mɔ nu kɛ awenade a, me menli ne akee badoa me bo zo. Saa metea nu a bɛbava anwowozolɛ bɛvi adɔleɛ bɛara.

Hozia Buluku ne 6:5

Yemɔti memaa me kpɔmanvolɛma ɛpɛ bɛ ɛgua. Meva me nloa edwɛkɛ mehu bɛ, yɛɛ me ndɛnebualɛ ne le wienyi;

Edwɛkpa ne kɛmɔ Luku hɛlɛle la 2:4

Dwosefi vi Nazalɛte mɔɔ wɔ Galeli maanzinli nu la hɔle Belemgbunli Devidi sua zo Bɛtelɛhɛm mɔɔ wɔ Dwudiya maanzinli nu la. Ɔhɔle ɛkɛ ne, ɔluakɛ ɔvi Devidi abusua nu.

Edwɛkpa ne kɛmɔ Luku hɛlɛle la 5:8

Mɔɔ Saemɔn Pita nwunle mɔɔ ɛzi la, ɔhotole Gyisɛse anyunlu ɛkɛ ne na ɔzele ye kɛ, “Awulae, twe ɛ nwo fi me nwo kɔ. Mele ɛtanevolɛ!”

Edwɛkpa ne kɛmɔ Luku hɛlɛle la 8:37

Ɛzulolɛ kpole mɔɔ hanle Gɛlasa maanlema la manle bɛzele Gyisɛse kɛ ɔvi bɛ maanle ne anu ɔhɔ. Yemɔti Gyisɛse vole ɛlɛne nu kɛ ɔkɔ.

1 Sam 21:1

Devidi hɔle Sɛlɛvolɛ Ahemɛlɛke anwo lɔ wɔ Nɔɔbo. Ahemɛlɛke vale anwowozolɛ ngome rayiale ye adenle na ɔbizale ye kɛ, “Duzu ati a ɛ ngomekye ala a wɔra na awie ɛmboka ɛ nwo ɛ?”